DABE 8:10 - Biblía Axweesantá Hhohho' ar Mungú 2004

¹⁰ Kuungá' a /ayiindá' nee tari axá', AAKOÓ MUNGÚ, Munguúhúng kuri sluufisá', asma yaamaá hhoohhoo' nga kuungií haniís.

DABE 8:10 Iomraidhean Croise

1 QOM'I 29:14

«Ala aníng a gár milá, nee tam muk'eé' sleeme a gár milá, tam atén muruuwí nguri aleeslawaán haniisaro ar muunuú /awaák, asma umuú gaaro amoorók ngin dáhh, baraá muruuwí amoorók dahha, atén kuúng una muruuwí hanisaán.

WARA'AMI 103:2

Muunaáeé', AAKOÓ MUNGÚ diidi'iimiseek, hhooeemawós mi baloó gunqareesaar!

AXWEESANOÓ SAGALOOA 3:9

AAKOÓ MUNGÚ ilaiwawa/eek ar daqaari'iimarók, ilaiwawa/eek ar bu'úngw geera sleémeero oo baraá qaymoorók daáhh,

ISAYA 5:1

Aníng sla'aarusmooeé' u i daá'. Daa'ángw sla'aari daanduú qaymoorós ar sabiíbu. Sla'aarusmooeé' qaymór sabiíbu ga kón, gawaá sákw tloomár hhapér hhó' koom.

Yoeli 2:26

Kuungá' muruú /aymár yaariír un /agá', tay axá', umuú AAKOÓ MUNGÚ, Munguúhúng kuri xirfayeemisá', kudá' naa muruú waa/o/amór i tleehh. Nee muk'eé' kureeriwo ku malé mureekeesiiká.

Matayo 14:19

Giri ádbáy, boo/aay iwa iwiiti gawaá gitso. Mikaáteedá' kooán nee siyoódá' tsár giri óh, iri gawaá doorí qaytsiít, iri sluufiís, gari eeharuuseerós i haniís. Eeharuuse gari dír boo/aydí hanmís.

Yohana 6:23

Ala miringér hatlá' ar Tiberiár daahh niri hardát iisaapoó didá' mikaáte kawa /aáy qoomár Aako iwa sluufiís.

Rumi 14:6

Asma heedaádá' deelorka ga xuú' adór kar afhhamít, adoodá' gan tleehh as Aako. Nee slám heedaádá' mura' sleémeero gu /aáy, gun /aay as Aako, asma i Munguú sluufmiis. Nee kudaádá' /ayiimaaká, /ayma gaa máy as Aako, nee inós sleeme i Munguú sluufmiis.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

DABE 31:20

Asma qoomár aníng inooín bira huúw baraá yaamaá diihhooár ilwa nee dane, kudá' aníng naa lo'ór wa /aáy ngiwa haniis dír baabi'ii'ín, ala inooín tan /ayín, nee tan aax, tari wahhadiit. Aluuwo inooín tari warqáy, munguaá hatlá' kiri haratlintii', aníng iri si'iyá' nee alqador'eé' ngiri geexayá'.

DABE 8:9

Amoodaádae muruú /aymár yaariír u sleerá', nee kuungá' gár nuwa /aaruw i káhh. Tlaa/eewós i muqslár koná', nee gawaá tlom'iiwose muqslár sirda/atén an folitá'.

1 Tesalonike 5:18

Mungú sluufmisaak baraá umuúqo gaaro. Asma gaarí an gár Mungú i slai dír kuungaásingá' awa baraá Kristo Yesu i diriia'a.