DABE 7:9 - Biblía Axweesantá Hhohho' ar Mungú 2004

⁹ Gimsé, xuaak AAKOÓ MUNGÚ, Munguúhúng, inós an Mungú, a Munguú inkihhimuú koóm, kudá' alqadoorós gaa oh nee sla'aarír warqawaaká gan laqaaqán ay qari sleémeero, dír mukdá' inós gu slaá' nee hara'ayaarós gaa oh.

DABE 7:9 Iomraidhean Croise

IIMU/UUNGW 17:7

«Alqador'eé' an gawdeés tla/ángw án nee kuunge, nee xwaylarók nee xwaylár na/aá na/iiwók nee xwaylar'ín, as tawa alqadór alhhe'eesay wasle, adór aníng tar Mungú diroge nee dír xwaylarók ar kumiit aluuwoge.

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 9:15

aníng alqador'eé' an insláw, tidá' naa haniís dír kuungá' nee umuúqo gár slafa. Ala tluwoó da/tén i baloó tluwiiká as umuúqo gár slaaf ngiwa hhitin.

1 WAAWITÁ 8:23

Iri oó', «Aá AAKOÓ MUNGÚ, Munguú Israeli, Munguú hatlá' oo adór kuúng i kaahh gawaá dooriwo, laqaá tam baraá yaamu sleémeero. Kuúng alqadoorók an boo/eemís, nee sla'aarír warqawaaká ana laqaán dír sagadiyuseerók tidá' ugwa ilaiwa/ ar muner'ín sleémeero.

1 QOM'I 16:15

Alqadoorós inslawaak daqisleém, axweesantós tidá' aa oó' as qari sleémeero.

2 QOM'I 6:14

Inós iri firín iri oó', «Aá AAKOÓ MUNGÚ, Munguú Israeli, Mungú adór kuúng i kaahh gawaá dooriwo nee baraakaá yaamuwo, oo alqaduuwós gi ohiím nee sla'aarír warqawaaká gan laqaaqán dír sagadiyuuserós sleémeero ar gu ilaiwawaa/ ar muner'ín sleémeero.

NEHEMIA 1:5

Niri oó', «Un firiím kuúng AAKOÓ MUNGÚ, Munguú doori, Munguúdá' Úr, kudá' ta da'ayumiiti, kudá' alqadoorós ga gawdemiís nee sla'aarirós ar warqawaaká dír kudá' inós ngu sla'a'a, nee awa hara'ayaarós nga oohi'i.

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

WARA'AMI 103:18

dír mukdá' alqadoorós ngi oohá', nee hara'ayaarós ngi boo/eesá' ar inkihhimu.

WARA'AMI 105:8

Inós alqadoorós ga baloó gunqaresiiká ay kureeraá kureér, hara'ayaarós tidá' aa oó' gan boo/eemaamiis umuúqo qarto.

WARA'AMI 119:75

AAKOÓ MUNGÚ, aníng a xuú' kuúng sakwasleema an tléhh ar loohír ganaa', nee bir múx gár is mux i deer.

WARA'AMI 146:6

Kuduú tleehharusmoó doori nee yaamu, tlawi nee mura' sleémeero kudá' baraaíní diriia, tidá' sleémeero aa oó' gan boo/ees ay alhhe'eesay wasle.

WARA'AMI 36:6

Gan'amuuwók a adór tlom'aá uren, sakwasleemarók a adór iltá tlawi, AAKOÓ MUNGÚ, kuúng muu nee makaywo in de'eén.

TI'INAANGW 20:6

Ala kudá' aníng i sla'á' nee hara'ayar'eé' ngaa oohiye', in slaá' ar sla'aarír warqawaaká ay nángw sagaáwa kumér kúm.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

YEREMIA 32:18

Kuúng gár ta harslaaqat i káhh, nee múk kumér yaariir ugwa sla'aarirók ar warqawaakií laqaán, ala sleeme kuúng muu un múx as tlakweemaá xwayliitér'ín. Kuúng an Munguú úr oo /uuruú koóm, nee umuuwók an AAKOÓ MUNGÚ Aleesleemusmo.

WA/AA/I 3:23

Muruuwí umuú looár tlawa ku /abén, inkihhimuuwós ku úr.

DANIELI 9:4

AAKOÓ MUNGÚ, Munguúeé' una firiím, nee niri gwadidiím niwa kah: Aá Aáko, kuúng an Munguú úr nee oo ta da'ayumiti. Kuúng tu inkihhím daanduú alqadoroge, nee sla'aarirók i warqeeraaká dír kudá' kuúng u sla'a' nee hara'ayaarók ngi ilaiwawa/á'.

FAARO 14:18

‹Anuú AAKOÓ MUNGÚ ti inslaahheeká buhhtaawo, nee sla'aarír warqawaaká a koóm. Tlakweema nee dakumis in gurtlatláw. Ala tam adoorihe tlakweemaá xwayliité in buú' dír na/ii'ín tam ay nángw sagaáwa tám laqaá tsiyáhh.›

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

1 Korinto 1:9

Mungú ku inkihhím. Inós an kudá' kuungá' naa ateet as tawa data' baraá dinku'uumadár Garmaawós Yesu Kristo, Aakoorén.

1 Korinto 10:3

Inooín sleémeero muruú /aymár qeeru oo taa /aáy a wak.

1 Korinto 8:3

ala heé Mungú gu slaá' inós ku xuu' nee Mungú.

2 korinto 1:18

Ala aníng a adoosingeeká. Ala Mungú bar a Munguú ló', axweesanayrén sleeme dirhunge bar «Eeít» a «Eeít», bar «Aasla'áy» a «Aasla'áy».

DABE 32:39

«Gimsé' daxta tsaahhaak adór aníng kilooé' tar Mungú, Munguú hatlá' i kaahh, aqo har aníng kilooeé'. Aníng an kudá' tsu/uút nee kudá' slafmís, kudá' nor'omiís nee kudá' hungu/umiís. Nee baraá dabaaeene heé hee gu tuú/ i kaahh.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

DABE 4:35

Kuungá' muruuwí una aandé' as kawa tsahha' adór AAKOÓ MUNGÚ, inós kilós tar Mungú, oo hatlá' i kaahh.

DABE 4:39

Gimsé', laarí inslawaak nee baraá munerhúng ti qase' adór AAKOÓ MUNGÚ tar Mungú gawaá doori nee daanduú yaamu, Munguú hatlá' i kaahh.

DABE 5:10

Ala kudá' aníng i sla'á' nee hara'ayar'eé' ngaa oohiye', in slaá' ar sla'aarír warqawaaká ay nángw sagaáwa kumér kúm.

1 Tesalonike 5:24

Inósuudá' kuungá' nu ateetiím i inkihhimuú kón, nee inós adoorí ga tleehh.

2 Tesalonike 3:3

Ala Aako i inkihhimuú kón. Kuungá' inós nu /uurií haniis, nee nu de'en dír kudá' tlaakwe.

2 Timoteo 2:13

Atén bar inkihhimuú ala inós inkihhimuuwós i baloó faakiiká, asma inós kilós ti aleeslayká sa tlaankuuwo.»

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Ebrania 10:23

Harahhifoorén tidá' taa lamabu'uumaán ka oohaán nee mawa baloó geexawaán. Asma Mungú al'axweesantós ngaa haniís, nee inós i inkihhimuú kón.

Ebrania 11:11

Tam Sara sleeme i haratlintaaór koón. Gawaá adoorihe inós /uuru guri sleér, iri tsít, inós tam aa diindi. Asma inós al'axweesantadá' Mungú aa dirósií oó' gana haratlintí', adór ngir boo/eés.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

1 Yohana 1:9

Ala tlakweemaarén bira hhu'uu'umaán, inós an kudá' axweesantós boo/eemiís, nee kudá' gan'amuú koóm, inós tlakweemaarén aqo gin gurtláy, tiri hamaatl muruú tlákw sleémeero kudá' ta tlehhahhitaana.

HAR'OHUUSE 2:1

Naagáy malaykamoó AAKOÓ MUNGÚ iri iimír Gilgalír wá waatláy ay Bokimu, múk Israeli guri báy, «Aníng kuungá' nuna waatleés iimír yaamaá Misri wa alé, nuri huúw baraá yaamuudá' naa lo'ór wa /aáy ngiwa haniis dír baabi'iihúng. Aníng ana oó', ‹Alqador'eé' a baloó warqeesaaká,

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.