DABE 7:7 - Biblía Axweesantá Hhohho' ar Mungú 2004

⁷ «AAKOÓ MUNGÚ kuungá' naa slaiiká nee naa tsawaariiká as kuungá' tunduwa yaariír ta xoordaá hatlae, kuungá' tundun ló'wa niiná ta xoordaá hatlae, kuká' gawaá daanduú yaamií diriiá'.

DABE 7:7 Iomraidhean Croise

1 QOM'I 16:19

Qoomár inooín kiwa ureeká nee faaror'ín kawa kilaeeká, slám tawa dahaaye baraá yaamaá Kana'aniro,

WARA'AMI 105:12

Qoomár múk Mungú kuwa ureeká, tawa dahaaye baraá yaamaá Kana'aniro,

WARA'AMI 105:6

kuungá' xwaylár Abrahamu sagadiyusmoowós, kuungaásingaá xwaylár Yakobo kudá' aa tsawaár.

WARA'AMI 115:1

A ateneeká, AAKOÓ MUNGÚ, a ateneeká, ala kuúng kilók na xirfuút, as sla'aarirók ar warqawaaká nee inkihhimuwók.

WARA'AMI 44:3

Mukók yaamu gaa hayohiiká ar xooslaá slaqwara, tam baali nga slay'iiká ar /uuruuín, ala nina baaliné' ar /uuruuwók, nee as kuúng tawa dinkwa nee inooín nee kiwa sla'.

ISAYA 51:2

Baabuúhúng Abrahamu ga/aawaak nee Sara tidá' kuungá' naa laqwal. Qoomár án Abrahamu nguwa ateét na/aay gu konká, Ala aníng nguri tsuúq, na/iiwós ngiri ló'wa yaareés.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

ESEKIELI 20:5

Ki beer, anuú Aakoó MUNGÚ a kah, ‹Baldá' múk Israeli nguwa tsawaár, xwaylár Yakobo ana lo'ór wa /aáy. Tina geehhooatís dir'ín i aleeró qoomár tawa baraá yaamaá Misri, lo'o ana /aáy, ana oó', Aníng a AAKOÓ MUNGÚ, Munguúhúng.›

ESEKIELI 36:22

«Gawaá adoorihe múk Israeli kubeer, Aakoó MUNGÚ i kaahi, Tí ni tleehhár wa slaa' a tleehhaaká as kuungá', ala an tlehhiít as ilaiwa/amér umuueé' kudá' hhoohhoó', kudá' kuungá' taa slasla/areesé' baraá tla/ángw xoorduudá' ti diya/até'.

Matayo 7:14

Ala afkú iiraákw nee loohír iiraakw in baraá slafíngw kayá'. Nee múk loohidá' ga sláw ku niiná.»

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Rumi 11:6

Mungú inooín gina tsawaár as gurtleemu, ala a as tlehhma'aá inooín naa tleehhiiti'iiká. Asma geera bar gina tsawaár as tlehhmi'i, geera gurtleemuuwós a tawo.

Rumi 9:18

Ala bar adoorí, Mungú barnaxes hee gu gurtleemuú wa slaa', guqo gurtláy, nee barnaxes hee gu muuná gawdeesár wa slaa', guqo muuná gawdees.

Rumi 9:21

Ahaá, tleeusmo i aleesleemuú kónke daanduú tleeiro, tam baraá /aarmoó wák oo tleeiro xooslmoó wák guri tleehh oo hhoohhoó', nee oo hatlá' oo hhoohhooeeká.

DABE 1:10

AAKOÓ MUNGÚ, Munguúhúng, kuungá' naa tlahhás, hám laarí tundu ló'wa yaariír adór tsatse/uú gawaá doori.

DABE 10:22

Baabi'iihúng qoomár niwa baraá yaamaá Misrír i tlayé', inooín an muu mibeeri faanqw kilós, ala hám daxta AAKOÓ MUNGÚ, Munguúhúng naa tlahhás adór tsatse/uú gawaá doori.»

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

DABE 4:37

Asma inós baabi'iihúng gina ló'wa slaá'. Inós kuungaásaá xwaylar'ín nuna tsawaár, inósuú kilá' nuri baraá Misrír wa duúx ar /uuruuwós kudá' úr.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.

1 Yohana 4:10

Sla'aari an tí, Mungú atén tina slaá', a kaahaká atén inós una sla'aán. Garmaawós nguna ya/aáw asma atén nee Mungú tiwa haraki/isi, nee wayda nguwa tleehhi as tlakweemaarén.