DABE 7:3 - Biblía Axweesantá Hhohho' ar Mungú 2004

³ Dasuuhúng mukuwa duxuút nee daaqay'ín, laqaá daaqayhúng dasuuín munguwa duxuút.

DABE 7:3 Iomraidhean Croise

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

1 WAAWITÁ 11:2

Inós /ameenaarí gana duxuút tam AAKOÓ MUNGÚ aa ooi, «Kuungá' múk Israeli nee xoorduká' miti duxuutara', asma /ameenaarí munerhúng ga hhitiín, gari warqés amór mungui.» Ala Solomon /ameenaarí gana ló'wa slaá'.

1 WAAWITÁ 16:31

Slám tam tlehhma'aá Yeroboamu garmoó Nebati gaa eehari, Ahabu Yesebeli gari duúx, dasír Etba'ali, waawutmoó Sidoni. Ahabu Ba'ali guri sagadiyuús, nee gway sluufmiís.

ESRA 10:3

Gawaá adoorihe, alqado a tleehhaán nee Munguúrén, atén tlaawayrén u geexawaán tam nee na/ii'ín kudá' naa laqwaalii'i, ar adoodá' kuúng nee mukdá' hara'ayár Munguúrén ngi da'ayumiitá' kar kata'. Kaangwí i tleehharuuti ar dabe kawa eehaari.

ESRA 9:12

Gawaá adoorihe, daaqay'ín dasuuhúng munguwa duxuút, tam dasuuín mukuwa duxuút nee daaqayhúng, mi waydú i sla'aara', laqaá diihhooa daqisleém, as kuungá' /uuru kuwa sleera' nee hhooeemaá yaamu kiwa /aga', nee kay na/iihúng i geexeerá' tawa aalír alhhe'eesay wasl.›

NEHEMIA 10:30

Dasuurén ku duxutiiká nee múk yaamuuká', laqaá tam daaqayrén sleeme i duxuxun'aaká ayaawí wa aleeró.

HAR'OHUUSE 14:3

Ala xwayliiteerós guri beér, «Ahaá dasi tam ar wák iqo káhha baraá ayaawihe tam baraá mar'eefoorene, gár tas duxuun baraá xoorór ta hheehhe'emisiiká wa alé ar Filisti?» Ala Samson baabuúwós guri báy, «Dasír aníng ni duuxór wa slaa' a tidá', asma aníng iga sla'atís.»