DABE 7:25 - Biblía Axweesantá Hhohho' ar Mungú 2004

²⁵ Slaqsi'ii'ín kudá' taa dakuút awa mungui, da/aak. Peésaadá' kira tleéhh, nee sahaábuwo, mi ilatleeruusara', laqaá muruuín kwí mu ar tlawaara' as tawa koohúng. Adoorí bara tlehhé' a tsaaxweeli dirhunge, nee AAKOÓ MUNGÚ, Munguúhúng ga waak.

DABE 7:25 Iomraidhean Croise

2 WAAWITÁ 23:14

Uheemi gina giqáy, murslaaqatuú Ashera guri tlaáq, nee didá' ni sihhitiyé' gari fadaá múkwí dalaá/.

1 QOM'I 14:12

Múk Filisti iri goów, inooín munguii'ín ngay geexayé', Daudi iri oó', «Da/aak ar asla.»

TI'INAANGW 20:17

«Doó inslaawmoowók mu ilatleerusaar. Harér inslaawmoowók ma ilatleerusaar, laqaá lawaalmoowós, laqaá lawaalo'oorós, laqaá sleerós, laqaá daqwaywós, laqaá umuúqo gár i kona.»

TI'INAANGW 32:20

Damaadá' taa tleéhh gari taataáhh, gari kwaáhh baraá asla, gari xoósl, iri naasút adór teeri, gari tsaafiís baraá ma'aay. Ma'aydá' giri wahaás ar múk Israeli.

TI'INAANGW 8:26

Ala Mose iri oó', «Adoosíng i qoondaaká, asma ilahhooadár muruú ta tsu/i atén ni haniisár awaan dír AAKOÓ MUNGÚ, Munguúrén, ka waak dír múk Misriro. Barnaxes ilahhooarír muruú ta tsu/i tidá' i wakiya' aga dír geeraá múk Misrír wa hanisaán, atén ti tlaquutiíaáke ar tlaa/e?

ISAYA 30:22

Kuungá' munguiihúng kudaá murslaaqat kudá' taa qaaliindé' ar peésa, nee kudá' taa qaaliindé' ar sahaábu kuri siá', kuri amór saáwí kwahhá' adór gár ta waki, kuri beera', «Tsumumu'uút.»

ISAYA 41:24

Ga/aawaak, kuungá' a gaarooká, gadiyérhúng a tawo. Heé kuungá' naa tsawaar a gár tlaakw gana tleéhh.»

TLAHHOÓ LAÁWI 13:52

Kaahamusmoó Mungú tlawuudá' ngu da/i ar asla, asma gár i laqaqan a tiqtír tsatmit. Tlawuuwí aqo kun daa/, bar kuna hiriít laqaá kuna hhuútl, laqaá oo taa tleéhh ar se'éngw bee/aangw, laqaá oo kitaáni, laqaá tam oo kaahari gaalá, asma in tiqtír tsatimituú kón, tidá' tlaakw.

TLAHHOÓ LAÁWI 19:4

«Ma warqawaara' amór munguaá' murslaaqat, tam munguaá murslaaqat mi tlehhitara'. Aníng an AAKOÓ MUNGÚ Munguúhúng.

SEFANIA 1:3

Hee nee makiito'ooro in qwaareés nee tsir/ór gáwtí tlatlaawa nee siyoó baraá tlawto, dukuutse nee kudá' tlakwe sleémeero in qwaareés. Hee un amór saáw i kwaáhh as miwa deeruút baraá yaamuwo. Anuú AAKOÓ MUNGÚ tí ngina oó'.

DABE 12:3

Kiteeri'ín kudaá ilahhooa fee/aak, nee tlaa/eedá' taa sihhtimís as kiwa sluufmiisi parhhamisaak. Slaqsi'ii'ín kudaá Ashera hhaamiisaak ar asla, nee slaqsi'ii'ín kudá' taa dakuút, umer'ín amór saáwí hhaamiisaak.

DABE 13:16

Haasaánguú baraá gixsadá' burumburaak dír tsee/aá /awaak awa gixsa, gixsadá' ka da/á' ar asla dinkwa nee haasaángudae, tawa adór ilahhooár ádkoóm ar ta da/i dír AAKOÓ MUNGÚ, Munguúhúng. Gixsarí tari taango ay alhhe'eesay wasle, ka male /abesiiká tleehharo.

DABE 17:1

«Awuú toqoormo laqaá bee/ír toqoori mi ilahhooár wa tsu/aar dír AAKOÓ MUNGÚ, Munguúhúng, asma ilahhooár adoorí AAKOÓ MUNGÚ, Munguúhúng ga waak.

DABE 23:18

Bu'utuú tsaatu'uuma oo taa sleér as seeu'uumár fuqi mu huwaar amór doó AAKOÓ MUNGÚ, Munguúhúng as al'axweesani kawa boo/es. Asma AAKOÓ MUNGÚ, Munguúhúng, muruuwí tsaraawo gu waak.

DABE 27:15

«Umuúqo heewo oo slaqsaay gwaa tleehh, laqaá gwaa kwahhuut, nee umuúqo gaaro ar taa tleéhh ar daba' kari qawti sihhtís, tidá' AAKOÓ MUNGÚ i waki, kwaa lu'ús.» «Nee muu sleémeero ta ooi, Amin.»

DABE 7:16

Xooro tam gaalá ar AAKOÓ MUNGÚ, Munguúhúng naa gawaá dabaahúng i haniís hhaamiisaak, ma baloó gurtlawaara'. Mungui'ín mi sluufmiisara', asma gár adór tí dirhunge a tsaaxweelír kuungá' nu ohiim.

DABE 7:5

Ala adoorí ti tlehhe': Kiteeri'ín kudá' ilahhooa amór saaw tay fe/e', nee uheemi giqawaak. Slaqsi'iidaá Ashera amór saaw ti kwahhe', nee slaqsi'iidá' taa dakuút ar daba', da/aak.

YOSHUA 7:1

Múk Israeli inkihhimu gwa tleehhiiká daanduú muruudá' tawa oó' ku hhaamisi, ala Akani garmoó Karmi garmoó Sabdi, garmoó Sera, oo tlahhoó Yuda, muruudá' tawa oó' ku hhaamisi inós guna bahh qawti ar tláy, AAKOÓ MUNGÚ iri daa/atúy buhhtaawo dír múk Israeli.

YOSHUA 7:21

Tlawuuko wák oo hhoohhoó', oo Shinárír daáhh una ár baraá tla/ángw haasaáng wa ale, nee muqslír /awaak ar ta tlehhahhiti ar peésa ar har afiqoomoó kílo tsár, nee hhartá niina ar taa tleéhh ar sahaábu, iilooeemaawós a har afiqoomár tlaqtá kílo, muruuwí nguri waatlakweés, nguri ar tláw, nguri luú/ baraá guruú xaftaeé', nguri yaamií foól, slám peésa i baraá guruudií dirí'.»

Geehhoeemaá 17:5

Nee baraá gitsee/awose umuú naaqo kwaa gooín, «Gixsár ur ar Babuloni, aayór tsaatuuse sleémeero nee aayór slasla/aru sleémeero oo baraá yaamu.»