DABE 7:24 - Biblía Axweesantá Hhohho' ar Mungú 2004

²⁴ Inós waawitaáín ngu gawaá dabaahúng i haniis, kuungá' kiri tsu/á', nee inooín kiri gunqarees. Heé inooín baqto gi aleesláw i kaahh, ay dír kuungá' inooín kay hhaamisa'.

DABE 7:24 Iomraidhean Croise

WARA'AMI 9:5

Xoordu iga iigahhamít, tlakuuse kari qwaarés. Umer'ín ana fíts tay alhhe'eesay wasle.

TI'INAANGW 17:14

AAKOÓ MUNGÚ Mose guri báy, «Kaangwí gooimeek baraá kitaábu, as kahhó' kuwa inslay. Slám dír Yoshuawo gawdeeseek ooaro adór xoorór Amaleki ngir fiíts baraá daanduú yaamuwo.»

AXWEESANOÓ SAGALOOA 10:7

Múk gan'amuú koóm bur inslasleér a tsuuqa, ala umuú heé tlaákw a adór gár aa dix.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

SEFANIA 1:4

«Aníng dakw'eé' un tleés gawaá Yuda nee gawaá yaamuloouusér Yerusalemúr hoot sleémeero. Meetodár Ba'ali an hhaamiís as miwa geehhoouúr diirihe, nee munguúdá' ta bay Kemari dinkwa nee kaahamuuseerose.

Rumi 8:37

Ala baraá muruuwí sleémeerowo arba/ati a ló'wa slawaán ar kudá' atén taa slaa'.

1 Korinto 15:57

Ala Mungú ku sluufmiisi, kudá' arba/ati ngaa haniis ar loohír Aakoorén Yesu Kristo.

DABE 11:25

Heé kuungá' nu tlampa'aás i kaahh tumu wák. Umuú dír ta keera'a baraá yaamuwo AAKOÓ MUNGÚ, Munguúhúng muu gu dae tsaat, adoodá' inós ngira oó'.

DABE 25:19

Gawaá adoorihe qoomár AAKOÓ MUNGÚ, Munguúhúng burna amohhooárí haniís dír wakuuserhúng sleémeero, nee burna dahaás baraá yaamuudá' naa dirhúng i haniís tawa aalirhúng, daqaní múk Amaleki sleémeero ku suquurá' baraá yaamuwo. Gaarí ma baloó gunqaareesara'.»

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

DABE 9:14

Xaa mawáng i hhaamiís, umuuín u fiíts gawaá daanduú yaamuwo, aníng kuúng un xoorór ur tleéhh ar /uuruú koom, nee ar yaariir ta inooine.›

DABE 9:3

Xuaak, AAKOÓ MUNGÚ, Munguúhúng, inós laarí yaaér Yordani gan geeraahúng wa waaraahh adór asltá xaa'aá /aay. Inós mukdá' gun hhaamiis, guri geerahúng wa baal. Gawaá adoorihe, in gusá', kiri wa'aá wák ar hhaamisá', adoodá' AAKOÓ MUNGÚ ngira al'axweés.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 10:23

Naagáy afkú mar'idá' kway kiís, waawitaádá' kooán kunguri duúx, kuri huúw amór Yoshua, waawutmoó Yerusalemu, nee oo Hebroni, nee oo Yarmuti, nee oo Lakishi nee waawutmoó Egloni.

YOSHUA 10:40

Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

YOSHUA 10:42

Yoshua waawitaáwí sleémeero guna baál ar wa'aá wák, nee yaamuuín giri hayóh. Inós adoorí gana aleesláy tleehhamooro asma kuna aleeslaáqw nee AAKOÓ MUNGÚ, Munguú Israeli.

YOSHUA 10:8

AAKOÓ MUNGÚ Yoshua guri báy, «Ma baloó da'ayutaar as inooín. Asma aníng inooín ngaa qaroó gawaá dabaawók i qaás. Heé kuúng u harasihhiít i kaahh tumu wák.»

YOSHUA 11:17

yaamudaádá' na amór tloomár Halakír wa tlaye' bihhaá basa awa Seiri, nay kumiitiyé' ay Ba'al-gadi bihhaá /iya baraá tlapár Lebanoni ay tloomár Hermoni. Yoshua nee waawituú baraá yaamuudá' tana slaáqw, yaamuuín sleémeero giri hayóh nee inooín sleémeero giri tsuú/.

YOSHUA 12:24

nee waawutmoó gixsár Tirsa. Waawitaáwí dinkwaaro a mibeeri tám nee wak.

YOSHUA 21:44

AAKOÓ MUNGÚ inooín giri waydií haniís umuú diiro baraá yaamuudae ar adoodá' ngira al'axweés dír baabi'ii'ín. Hoomtuú gaa qiitl kwatiitaro i kaahh, asma AAKOÓ MUNGÚ hoomaadá' gana qaás baraá dabaá xoorór Israelírí ale.

YOSHUA 23:3

kuungá' tlehhmi'iidá' sleémeero AAKOÓ MUNGÚ aa tlehhaahhiít as kuungá' dír xoordudá' baraá yaamuuká' hootá' iga aandé'. Asma AAKOÓ MUNGÚ, Munguúhúng, kuungá' nuna aleeslaáqw.

YOSHUA 23:9

Asma AAKOÓ MUNGÚ xoorduudá' uren nee awa /uureemaá koomá' gina geeraahúng wa tlatlahhaás, nee heé kuungá' naa tlaampa'aas ay laarí i kaahh.

YOSHUA 6:2

AAKOÓ MUNGÚ Yoshua guri báy, «Aníng gixsár Yeriko ngi gawaá dabaawók i qaás, nee waawutmoowós nee slaqwaruuseerós sleémeerowo.