DABE 7:21 - Biblía Axweesantá Hhohho' ar Mungú 2004

²¹ Gimsé', mi da'ayumiitaara', asma AAKOÓ MUNGÚ, Munguúhúng i baraá tla/angwhúng i dirii'. Inós an Munguú úr nee kudá' dae tlaaq.

DABE 7:21 Iomraidhean Croise

2 QOM'I 32:8

Inós /uuruú hee kilós gun kón, ala atén AAKOÓ MUNGÚ, Munguúrén, u koomaán, atén ti alee/iis, slamí tin aleeslaaqw.» /Aymi'iikaá waawutmo Hesekia muu nguna /uurií doogiyé'.

NEHEMIA 1:5

Niri oó', «Un firiím kuúng AAKOÓ MUNGÚ, Munguú doori, Munguúdá' Úr, kudá' ta da'ayumiiti, kudá' alqadoorós ga gawdemiís nee sla'aarirós ar warqawaaká dír kudá' inós ngu sla'a'a, nee awa hara'ayaarós nga oohi'i.

NEHEMIA 4:14

Ngiwa ár adór muu ir daimiít, múk urén nee geeraharuuse nee muu sleémeero una báw, «Ma da'ayuumitaara' tam adór niiná, Aako na iinslawaak, adór kur úr, nee ir dae tlaáq, ala hhaeehúng na sageslaqwaak nee daaqayhunge nee dasuuhunge nee tlaawayhunge nee marayhunge.»

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:5

Mungú i baraawós i dirii', gár ga diinqiis i káhh. Mungú ga alee/iis matlaatlér boo/e.

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

WARA'AMI 47:2

Asma AAKOÓ MUNGÚ kuduú Aleesleemusmo, kudá' Gáwtí dirií', an kudá' dae tlaáq. Inós a waawutmoó úr oo yaamu sleémeero.

WARA'AMI 68:35

Mungú an kudá' dae tlaáq dirós tidá' hhoohhooe, an Munguú Israeli. Inós mukós gu /uurií hanmiis, nee aleesleemu. Mungú xirfayeemisaak!

WARA'AMI 89:8

AAKOÓ MUNGÚ Aleesleemusámo, a heemá oo /uuruú koóm adór kuúng wa ale? Kuúng a inkihhimuú koón dír umuú gaaro.

WARA'AMI 95:3

Asma AAKOÓ MUNGÚ inós a Munguú ak úr, nee waawutmoó úr dír mungui sleémeero.

TI'INAANGW 29:45

Aníng nari hoót baraá tla/ángw múk Israelír wa alé. Aníng tari Munguúín.

DANIELI 9:4

AAKOÓ MUNGÚ, Munguúeé' una firiím, nee niri gwadidiím niwa kah: Aá Aáko, kuúng an Munguú úr nee oo ta da'ayumiti. Kuúng tu inkihhím daanduú alqadoroge, nee sla'aarirók i warqeeraaká dír kudá' kuúng u sla'a' nee hara'ayaarók ngi ilaiwawa/á'.

FAARO 13:9

Baraá tlahhoó Benyaminiwo a Palti garmoó Rafu.

FAARO 14:14

yaamuloouusér yaamuuká' kan kaangwí báy. Inooín ngaa qaroó axaasiyé' adór kuúng AAKOÓ MUNGÚ tar dinkwa nee atén, asma kuúng AAKOÓ MUNGÚ tina laqaán ar uhumoó huunki iwa gawaá daanduú heémarí sihhiít, nee kuúng tina geeraahát tlatla/ango ar uhumoó huunki nee xweeraawo ar uhumoó asla.

FAARO 14:42

Gawaá tlom'i mi kawaara' asma aluuwo kuungá' tundu tawo muux nee wakuuserhúng. Asma kuungá' nee AAKOÓ MUNGÚ ti alkoonda'aaká.

FAARO 14:9

Axáy kuungá' AAKOÓ MUNGÚ mu siaara', laqaá yaamuloousér yaamuudá' ma da'ayumiitaara'. Asma atén inooín i naanúr /ayanaaká, baqamor'ín kaa qaroó hingeés, nee AAKOÓ MUNGÚ i dinkwa nee atén, ma da'ayumiitaara'.»

FAARO 16:3

Inooín tari burumburiít dír geeraá Mose nee Aroni ngiri bayé', «Kuungá' daxta ado a tlahhmisá', dinku'uumaarí ka hhoohhoo' nee umuú hee oo baraá dinku'uumarí ku hhoohhoó', nee AAKOÓ MUNGÚ a dinkwa nee atén sleémeero. Ahaá waáy bare kuungá' daxta tin múk urén tlehhitá' dír daanduú xoorór AAKOÓ MUNGUHE?»

FAARO 21:34

Ala AAKOÓ MUNGÚ Mose guri báy, «Mu da'ayumiitaar, asma ngwaa gawaá dabaawók i haniís, dinkwa nee mukós sleémeerowo, nee yaamuuwós sleémeerowo. Adoodár Sihoni waawutmoó Amori kuduú Heshboni kway tléhh, inós ti tlehh.»

FAARO 23:21

Mungú tlakweema dír múk Yakobowo gaa ariiká, tam tlií/ gaa ariiká dír múk Israeliwo. AAKOÓ MUNGÚ, Munguúín i dinkwa nee inooín. Inós baraá tla/angw'ine kun sabaraa/ adór waawutmoó wa ale.

FAARO 9:20

Daqtakaaro huunkidá' in gawaá daanduú heémár hhoohhoó' wa iwiiwít deelór niinawe, nee umuú daqto múk Israeli tan baraá xafay'ín wa hoot nee tan loh ar hara'ayár AAKOÓ MUNGÚ.

1 Korinto 14:25

Lu/aaroó muunaáwós iri geehhooúy. Inós daqaní Mungú guri i tumbarara'aat, guri sluufmiis, iri ooi, «Ar ló', Mungú i baraá tla/angwhúngií dirii'.»

DABE 1:21

Ga/aawaak, AAKOÓ MUNGÚ, Munguúhúng, yaamuuká' ngaa qaás dír geeraahúng i aleeró. Gimsé' yaamu oohaak, aalaak adoodá' AAKOÓ MUNGÚ, Munguú baabi'iihúng ngira oó'. Mada'ayumiitaara' laqaá ma amoqwaqwadiimara'.›

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

DABE 20:1

«Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.

DABE 25:8

Daqaní bariisér gixsadá' hhiyaadá' ngu atet as tawa axweesi nee inós. Barnaxés i adoodár si'imií kaahh, /ameenidá' ngiwa duuxiiká,

DABE 31:17

Baalaadae aníng inooín ngiri i daa/atúw buhhtaawo, aníng ngiri geexáw, ngiri alaá xu'ús, inooín kiri hhaamiis. Slahh'amaayér yaariir giri sleér, nee ngiri tsaahhiyá' adór gár slahh'amuudá' ngusa slayé' a as Munguúín tawa dinkwaarooká nee inooín.

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.

YOSHUA 8:1

Naagáy AAKOÓ MUNGÚ Yoshua guri báy, «Kuúng ma da'ayumiitaar laqaá ma hhaslitaar, slaqwaruuse amohhe'eeseek. Daqaní ta tleerá' ay Ai, ga/aaweek, aníng waawutmoó Ai nee mukose nee gixsarose nee yaamuuwose ngaa dabaawók i qaás.

1 SAMUELI 4:8

A tsaxwaarén! Heé atén ti ba/amís baraá dabaá munguaá aleesleemuú kooma'a a heemá? Munguiiqá' an kudá' múk Misri ngwa faakiye' tsu/utaaro baraá xaanxáy ale ar muxtár da'aweemaá dimbadimbé.