DABE 7:2 - Biblía Axweesantá Hhohho' ar Mungú 2004

² Slám qoomár AAKOÓ MUNGÚ, Munguúhúng birnga haniís gawaá dabaahúng mukdá' kway balé', ku hhaamisá', al'axweesani tam ar niiná ma qaasara', nee inooín mi baloó gurtlawaara'.

DABE 7:2 Iomraidhean Croise

IIMU/UUNGW 14:20

Munguú Gáwtí dirií' i xirfuuti, kudá' wakuuseerók ngaa gawaá dabaawók i qaás.» Nee Abramu baraá umuúqo muruú mibaango gár wák gari haniís dír Melkisedeki.

2 SAMUELI 21:2

Gawaá adoorihe waawutmo Daudi múk Gibeoni guna ateét. Múk Gibeoni inooín awa tlahhoó Israeliwooká. Inooín a múk naa meet baraá múk Amoriwo. Geera múk Israeli lo'o gana /aáy as kiwa tsu/iiká, ala Saulo sleémeero gina iiár tsu/taaro. Ina ilakaahareés, as múk Israeli nee múk Yuda ngiwa gurií baá/.

1 WAAWITÁ 20:34

Aluuwo Ben-hadadi iri oó', «Gixsadu sleémeero kudá' baabuúeé' aa dír baabuúwók wa hayóh, aníng ngi ki/ís. Kuúng dír halaanu'uuma kawa tlehh iimu/umeek baraá Damaskoro adoodá' baabuúeé' ngira tleéhh baraá yaamaá Samariaro.» Ahabu iri oó', «Gimáy aníng kuúng u geemáw as adoosíng taa ó'.» Al'axweesani kari qaás, inós kuri geemáy.

ESRA 10:3

Gawaá adoorihe, alqado a tleehhaán nee Munguúrén, atén tlaawayrén u geexawaán tam nee na/ii'ín kudá' naa laqwaalii'i, ar adoodá' kuúng nee mukdá' hara'ayár Munguúrén ngi da'ayumiitá' kar kata'. Kaangwí i tleehharuuti ar dabe kawa eehaari.

WARA'AMI 106:34

Múk xoordaá hatlá' ngwaa tsu/ii'iiká, adoodá' Mungú inooín ngira hara'ayín,

TI'INAANGW 22:20

«Heé ilahhooár muruú ta tsu/i ga hanmiís dír munguaá hatlá' ala a dír AAKOÓ MUNGÚ kiloseeká aqo gaasa.

FAARO 21:2

Nee múk Israeli al'axweesani gana oó' dír AAKOÓ MUNGÚ tawa kaahi, «Barnaxes mukwí ngu hanís gawaá dabaarén i ale, daqaní atén gixsaduuká' aqo in hhaamisaán.»

FAARO 31:17

Gawaá adoorihe, na/aá daaqaay sleémeero tsu/aak, nee umuúqo /ameenír nee hhawaata naa alqatii'i gaasaak.

FAARO 33:52

kuungá' yaamuloouusér yaamuudá' sleémeero guusaak, tlaa/eeín kudá' taa tleéhh awa murslaaqat hhitimaak, nee slaqsi'iidá' taa kwahhuút hhaamisaak, wa/aamer'ín tidár ilahhooa fee/aak.

DABE 13:8

Heé adoorí mu baloó ya/amaar uwa mihaayin, laqaá kuwa iiárií qas, laqaá mu gurtlawaar, laqaá mu mawaar, laqaá mu lu/aar,

DABE 13:9

ala aqo un gasá', dakók i giirin qoomár bur gaamisá', daqaní múk hatlá' aluudá' ngi hari.

DABE 19:13

Heé adoorí mu baloó gurtlawaara', ala masók tlakweemaá tsu/utár múk dakuusár koomaaká baraá yaamaá Israeliro in faká' as kuungá' tawa hota' ar wayda.

DABE 2:33

AAKOÓ MUNGÚ, Munguúrén nguri gawaá dabaarén i qaás, atén kuri baalaán, nee xwaylarós nee mukós sleémeero.

DABE 2:34

Gixsaduuwós sleémeero kiri hayohaán. Hhawaate nee /ameena nee na/iiwo kiri tsu/aán, heé taa slafiíngwí geexawaán tumu wák i kaahh.

DABE 23:14

Xafoó hotaahúng masók ku hhohhó', asma AAKOÓ MUNGÚ, Munguúhúng ni baraá xafayhúng wa hi'iimiit as nuwa ba/amisi, nee wakuuserhúng ngiwa gawaá dabaahúng i haniisi. Gawaá adoorihe gár slasla/aar mingiwa ár dír tla/angwhunge. Bar adooriheeká inós i warqáy nuri geexáy.

DABE 25:12

dákw doó /iyáy oo /ameenidá' tsataak, ma gurtlawaara'.

DABE 3:3

«AAKOÓ MUNGÚ Munguúrén waawutmo Ogu oo Bashani nguri gawaá dabaarén i haniís, nee mukós sleémeerowo. Inooín ngiri hhaamisaán, tam heé wák aa meetiiká.

DABE 31:5

AAKOÓ MUNGÚ kuungá' nu baalír i haniis, nee adoodá' naa báw ka dir'ín i tlehhá'.

DABE 33:27

Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›

DABE 7:16

Xooro tam gaalá ar AAKOÓ MUNGÚ, Munguúhúng naa gawaá dabaahúng i haniís hhaamiisaak, ma baloó gurtlawaara'. Mungui'ín mi sluufmiisara', asma gár adór tí dirhunge a tsaaxweelír kuungá' nu ohiim.

DABE 9:3

Xuaak, AAKOÓ MUNGÚ, Munguúhúng, inós laarí yaaér Yordani gan geeraahúng wa waaraahh adór asltá xaa'aá /aay. Inós mukdá' gun hhaamiis, guri geerahúng wa baal. Gawaá adoorihe, in gusá', kiri wa'aá wák ar hhaamisá', adoodá' AAKOÓ MUNGÚ ngira al'axweés.

YOSHUA 10:28

Yoshua nee slaqwaruuseerós niri kumiitiyé' slaqwaraaro, gixsár Makeda ngiri hayoohiyé' nee waawutmoowós kway gaás, múk baraá gixsadá' sleémeero kuri tsuú/. Waawutmoó Makeda kuna gaás adór kuduú Yerikór wa alé.

YOSHUA 10:30

AAKOÓ MUNGÚ gixsár Libna nee waawutmoowose gina qaás gawaá dabaá múk Israeli, múk baraadií dirií' kuri tsuú/, tam heé taa geexáy i kaahh. Waawutmoó Libna kuri adór waawutmoó Yeriko laáq.

YOSHUA 10:32

AAKOÓ MUNGÚ bál tsár gixsár Lakishi gay gawaá dabaá múk Israeli qaás. Inooín muu sleémeero oo baraá gixsár Lakishi kuri tsuú/, aqo adoodá' sleeme taa tleéhh dír gixsár Libnaro.

YOSHUA 10:40

Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

YOSHUA 10:42

Yoshua waawitaáwí sleémeero guna baál ar wa'aá wák, nee yaamuuín giri hayóh. Inós adoorí gana aleesláy tleehhamooro asma kuna aleeslaáqw nee AAKOÓ MUNGÚ, Munguú Israeli.

YOSHUA 11:8

AAKOÓ MUNGÚ slaqwaruusér waawutmoó Kana'ani gari haniís gawaá dabaá slaqwaruusér Israeli. Slaqwaruusér Kana'ani kari guús kay puruúts ay gixsár ur ar Sidoni nee Misrefot-maimu, bihhaá da/aawe tari puruúts ay xatstá Mispe. Slaqwaruusér Israeli muu sleémeero guri tsú/, tam heé aa meet i kaahh.

YOSHUA 2:14

Siitsawuuseedá' Rahabu gari beér, «Gár kiíng i slaw atén ti sleer bar kiíng kangwrén kwí ugwa duxuundiiká. Bál AAKOÓ MUNGÚ yaamuuká' birnga aténí haniís, atén kiíng i hhooeemií tleehhaán ar inkihhimu.»

YOSHUA 21:44

AAKOÓ MUNGÚ inooín giri waydií haniís umuú diiro baraá yaamuudae ar adoodá' ngira al'axweés dír baabi'ii'ín. Hoomtuú gaa qiitl kwatiitaro i kaahh, asma AAKOÓ MUNGÚ hoomaadá' gana qaás baraá dabaá xoorór Israelírí ale.

YOSHUA 8:24

Múk Israeli muu sleémeero oo Ai tsu/utaro nguwa hhe'eesiyé' dír tsee/aá /awaák wa alé, inooín nay ki/iyé' baraá gixsár Ai. Mukdá' aa meet kuri hhaamiís ar paánga.

YOSHUA 9:24

Inooín nari ooiyé', «Atén a xuaán adór AAKOÓ MUNGÚ, Munguúhúng, sagadiyusmoowós Mose ngura ádbáy múk baraá yaamuuká' nguwa hhaamisi, nee yaamuuká' ngiwa kuungá' i haniisi. Gawaá adoorihe atén ana da'ayuutaán. An gár adoorí ngisa tleehhaán.

YOSHUA 9:7

Aluuwo múk Israeli iri oó' dír múk Hifi, «Atén nee kuungá' gár al'axwesantá wayda kas alkaahaan a milá? Hám wané kuungá' tundu yaameerí tseéw.»

HAR'OHUUSE 1:24

Mukdá' aa tsatsawuusér ay heeko wák nguna ariyé' naa ti'iít baraá gixsár wa ale, kuri báy, «Na'ás, loohír dahmuú baraá gixsarí laqaamang, atén kuúng u gár hhoóí tleehhaán.»

HAR'OHUUSE 1:4

Tlahhoó Yuda iri slaqwarár áy, AAKOÓ MUNGÚ múk Kana'ani nee múk Perisi giri gawaá dabaaíní qaás. Múk kume mibaangw nguri baaliyé' baraá yaamaá Besekír wa ale.

HAR'OHUUSE 2:2

nee kuungá' al'axweesani ma tleehhara' nee yaamuloouusér yaamuuká'. Kiteeri'ín awa ilahhooa kawa hanmiisi na fee/aak.› Ala afor'eé' kay axasi'iiká. Xáy, adoosíng gár kasa tlehhé' a milá?