DABE 7:19 - Biblía Axweesantá Hhohho' ar Mungú 2004

¹⁹ Inslawaak muxtaadá' tlakw ilahunge taa aandé', muruú waa/oo/amo nee layudá' uren, nee /uuruú úr nee aleesleemuú úr kudá' AAKOÓ MUNGÚ, Munguúhúng ira gadiyuús qoomár nuwa baraá yaamaá Misrír wa tuú/. Adoorí an adoodá' i tleehhi dír mukdá' kuungá' ta da'ayumiita'.

DABE 7:19 Iomraidhean Croise

WARA'AMI 136:12

Ar dakós oo /uuruú koóm nee oo aleesleemuú kooma, Asma sla'aarirós i warqeeraaká ay alhhe'eesay wasle!

WARA'AMI 44:4

Kuúng an waawutmooeé' nee Munguúeé', kuúng xwaylár Yakobo baalírií haniiseek.

WARA'AMI 77:12

Gadiyeérók sleémeero an aldaákw sleeme, kángw tlehhmi'iiwók un gurií axweés.

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

DABE 29:3

Kuungá' slahh'eemisuú yaariír kudá' ugwa aandé', nee layudaá yaariire nee muruú waa/oo/amooro.

DABE 3:21

«Naagáy Yoshua nguri báw, ‹Kuúng kaangwí ilaawoge ugwa aán sleémeero adoodá' AAKOÓ MUNGÚ, Munguúwók aa tleéhh dír waawitaáwí tsare, Sihoni nee Ogu. Ala inós sleeme waawitaádú yaamuudá' sleémeero tar waarahha' gin adoorí laaq.

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.

YOSHUA 10:25

Yoshua iri oó' dír múk Israeli sleémeero, «Ma da'ayumiitaara', laqaá ma amoqwaqwadiimara', pihhé' nee migisé', asma adoorí an adoodá' AAKOÓ MUNGÚ i tleehhi dír wakuuserhúng sleémeero.»

YOSHUA 24:17

Asma AAKOÓ MUNGÚ, Munguúrén, inós an kudá' atén nee baabi'iirene taa duux baraá yaamaá Misrír wa ale, yaamaá lawaali'iima kawa /ayaán. Slám laydaá uren awa waa/oo/amór koomá' gina tleéhh dír ilaarén wa ale. Inós tari deaaén baraá lohduudá' sleémeero nira ohiimani, nee baraá tla/eeraá xoorduudá' sleémeero nira waraahhani.

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.