DABE 7:15 - Biblía Axweesantá Hhohho' ar Mungú 2004

¹⁵ AAKOÓ MUNGÚ tiqti sleémeero ga hingees dirhunge, nee kuungá' tiqtír nu slaw i káhh tam ar niiná ar dae tlaaq adór tidá' kuungá' naa sleer qoomár tawa baraá yaamaá Misrír i diria'. Ala inós wakuuserhúng ga tiqtidií tlees.

DABE 7:15 Iomraidhean Croise

WARA'AMI 91:10

Gár tlaakw u baloó sleeraaká, tam pu/i do'ók gu i tseewuuraaká.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

TI'INAANGW 23:25

Kuungá' aqo AAKOÓ MUNGÚ Munguúhúng un sluufmisá', nee aníng muruú /aymarhúng nee ma'aá wahangwhunge in tsuúq, slám aníng tiqti an hingeés baraá tla/angwhunge.

TI'INAANGW 9:11

Qwaslaare sihhtanór dír geeraá Mose gari harslaaqát, as kiwa uhín nee umi'i adór mukduú hatlá' oo Misri.

DABE 28:27

AAKOÓ MUNGÚ kuúng un slaahh ar um'iidaá múk Misri, nee ar inkahha'aá gur'e, nee tiqtír qulhháy, nee deei tidá' baloó hungu/aaká.

DABE 28:60

Nee tiqtidá' ta da'ayumit ngin malé i kwaahh, tidá' taa baraá yaamaá Misrír wa aán, uri alkomkaakón umuú daqto.

DABE 30:7

AAKOÓ MUNGÚ, Munguúhúng lo'oorí sleémeero gan amór wakuuserhúng xu'us, tidá' kuungá' nu slahh'eemiis, as inooín ngiwa /ak.