DABE 7:14 - Biblía Axweesantá Hhohho' ar Mungú 2004

¹⁴ Kuungá' tundun tsuuq ta muu sleémeero oo daanduú yaamuwo. Baraá tla/angwhunge hhawaata laqaá /ameenír xwayluwaaká i káhh, laqaá hikwaahúng.

DABE 7:14 Iomraidhean Croise

WARA'AMI 107:38

Mukós guri tsuúq, tari ló'wa laqwaál, muruu'ín oo de'eengw iri tleemaá'.

WARA'AMI 115:15

AAKOÓ MUNGÚ nu tsuuqi, oo doori nee yaamu gaa tleehh.

WARA'AMI 127:3

Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

TLAHHOÓ LAÁWI 26:9

Aníng kuungá' nu i qaytsiít nuri na/aá yaariír i haniís nee tari doogiindá', aníng alqador'eé' ngiri gawdeés dirhunge.

FAARO 22:12

Mungú Bala'amu guri báy, «Miti alkoomara' nee muksíng, tam mukdá' sleeme mu lu'usar, asma mukdá' kwaa tsuúq.»

DABE 28:11

AAKOÓ MUNGÚ kuúng u ló'wa tsuuq baraá xwaylaroge, nee baraá hikwahunge, nee baraá balangoge, nee baraá qamuwoge, baraá yaamuudá' inós aa lo'ór wa /aáy dír baabi'iiwók ngiwa dirógií haniisi.

DABE 28:4

«Kuúng tun tsuuq nee na/aá yaariir in laqwál, qamuwók balángw yaariír ngu hamareesiyá', nee tleemaaír hikwaawók ka tsuuq, nee ar bee/aango.

DABE 30:9

AAKOÓ MUNGÚ, Munguúhúng kuungá' nu diihhooár yaariír i haniis baraá umuú gár ta tlehhita'a, na/aá yaariir i laqwalá', nee hikwaá yaariir i sleerá', nee qamuuhúng balángw yaariír ngu hamaareesiyá'. Asma Mungú in malé qwalaa/ kuungá' nuwa dihhooárí haniisi, ar adoodá' ira qwalaá/ baabi'iihúng giri dihhooárí haniís,

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»