DABE 7:12 - Biblía Axweesantá Hhohho' ar Mungú 2004

¹² «Kuungá' kaahirí bara oté' ar ilakaahara, nee adoodá' kari tlehhé', AAKOÓ MUNGÚ, Munguúhúng alqadoorós ga oh daanduhunge, nee sla'aarirós ar warqawaaká ngin laqán, adoodá' aáng ngira lo'ór wa /aáy dír baabi'iihúng.

DABE 7:12 Iomraidhean Croise

1 WAAWITÁ 8:23

Iri oó', «Aá AAKOÓ MUNGÚ, Munguú Israeli, Munguú hatlá' oo adór kuúng i kaahh gawaá dooriwo, laqaá tam baraá yaamu sleémeero. Kuúng alqadoorók an boo/eemís, nee sla'aarír warqawaaká ana laqaán dír sagadiyuseerók tidá' ugwa ilaiwa/ ar muner'ín sleémeero.

NEHEMIA 1:5

Niri oó', «Un firiím kuúng AAKOÓ MUNGÚ, Munguú doori, Munguúdá' Úr, kudá' ta da'ayumiiti, kudá' alqadoorós ga gawdemiís nee sla'aarirós ar warqawaaká dír kudá' inós ngu sla'a'a, nee awa hara'ayaarós nga oohi'i.

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

WARA'AMI 103:18

dír mukdá' alqadoorós ngi oohá', nee hara'ayaarós ngi boo/eesá' ar inkihhimu.

WARA'AMI 149:9

Sakwasleemadá' taa inooín i gooín kawa tleehhi. Gaarí an tlehhmuú mukós gu xirfuú i sláw. AAKOÓ MUNGÚ xirfayeemisaak!

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

YEREMIA 11:5

Múk Israeli bar adoorí ngaa tleéhh, aníng al'axweesantadá' naa baabi'ii'ín báw an boo/eés, tidá' niwa káh, «Yaamaá diihhooár ilwa nee dane i inooín i haniís adór hám laarí i dirii'iya! Aníng niri oó', ‹Masók an adoosíng, AAKOÓ MUNGÚ.› »

DANIELI 9:4

AAKOÓ MUNGÚ, Munguúeé' una firiím, nee niri gwadidiím niwa kah: Aá Aáko, kuúng an Munguú úr nee oo ta da'ayumiti. Kuúng tu inkihhím daanduú alqadoroge, nee sla'aarirók i warqeeraaká dír kudá' kuúng u sla'a' nee hara'ayaarók ngi ilaiwawa/á'.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

Luka 1:55

kudá' aa al'axweés dír baabi'iirén, dír Abrahamu nee xwaylarós ay alhhe'eesay wasle.»

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 11:13

«Naagáy kuungá' hara'ayduueé' kuká' laarí ni hanmiis bira iialooesé', nee AAKOÓ MUNGÚ, Munguúhúng bura slaé', nee bura sagadiyusé' ar munerhúng sleémeero, nee qeereemoohúng sleémeero.

DABE 5:10

Ala kudá' aníng i sla'á' nee hara'ayar'eé' ngaa oohiye', in slaá' ar sla'aarír warqawaaká ay nángw sagaáwa kumér kúm.

DABE 7:11

Gawaá adoorihe ti harmagahhe' hara'ayaarós nee dabeerose, nee kaahirós tidá' aníng naa kuungií hara'ayiím laarí na iialooeesaak.

DABE 7:9

Gimsé, xuaak AAKOÓ MUNGÚ, Munguúhúng, inós an Mungú, a Munguú inkihhimuú koóm, kudá' alqadoorós gaa oh nee sla'aarír warqawaaká gan laqaaqán ay qari sleémeero, dír mukdá' inós gu slaá' nee hara'ayaarós gaa oh.