DABE 7:1 - Biblía Axweesantá Hhohho' ar Mungú 2004

¹ «AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

DABE 7:1 Iomraidhean Croise

1 WAAWITÁ 16:31

Slám tam tlehhma'aá Yeroboamu garmoó Nebati gaa eehari, Ahabu Yesebeli gari duúx, dasír Etba'ali, waawutmoó Sidoni. Ahabu Ba'ali guri sagadiyuús, nee gway sluufmiís.

1 QOM'I 1:14

nee xoorór Yebusi, nee ar Amori, nee ar Girgashi,

2 QOM'I 8:7

Múk hatlá' kudá' aa meet, mukduú Hiti, nee oo Amori, nee oo Perisi, nee oo Hifi nee oo Yebusi, kudaá múk Israeliwooká,

ESRA 9:1

Muruuwí sleémeero iwa tlehharuút, múk urén aníng iri i tseewúy, ta kaahi, «Múk Israeli nee kaahamuuse nee múk tlahhoó Laáwi taa paraatli'iiká dír múk yaamuukae, kudá' muruudá' ta waki ngu tlehhaahhitá'. Múk Kana'ani nee oo Hiti, nee oo Perisi, nee oo Yebusi nee oo Amoni, nee oo Moabu nee oo Misri, nee oo Amori.

NEHEMIA 13:23

Slám deeloodae múk Yahudi sleeme una ár oo /ameenár Ashdodi gaa duxuut nee ar Amoni nee ar Moabu,

WARA'AMI 78:55

Xoordu giri guús geeraaín wa ale, yaamuuín giri qasmiís, digeemi giri qoomeemeés, nee tlahh'aá Israeli gina iwiitiís baraá xafay'ín.

TI'INAANGW 15:7

Ar aleesleemuuwók kudá' yaariire waakuuseerók aga hhaamís. Inooín kiwa i búhh kiri daá/ adór hhaanslaá kaaharen.

TI'INAANGW 23:28

Aníng inooín in geerahúng wa diwilií tleés, as kahhó' mukduú Hifi nee oo Kana'ani nee Hitiro kiwa geerahúng wa tlatlahhasi.

TI'INAANGW 23:32

Kuungá' alqado ma tleehhara' nee inooín, laqaá tam nee munguii'ín.

TI'INAANGW 23:33

Inooín mindiwa baraá yaamuuhúng wa hootiyé' as munduwa baraá tlakweemií dahaasiyé', aníng kuungá' iri sa dakusá'. Asma bar kuungá' munguii'ín iga sluufmisuú eeré', daqaní looeemaawo aga daté' baraá tsaaxweeli.»

TI'INAANGW 33:2

Aníng malaykamooeé' ngu ya/aáw, inós geeraahúng gi haar, aníng mukdá' baraadá' wa hoót u guús. Inooín a xoorór Kana'ani, nee ar Amori, nee ar Hiti, nee ar Perisi, nee ar Hifi nee ar Yebusi.

TI'INAANGW 6:8

Aníng kuungá' nu huúw ay baraá yaamuudá' aníng naa lo'ór wa /aáy, ngiwa haniis dír Abrahamu nee Isaka nee Yakobo, aníng ngi haniís tawa aalirhúng, aníng a AAKOÓ MUNGÚ.› »

TLAHHOÓ LAÁWI 14:34

«Barnaxes aga daté' baraá yaamaá Kana'ani, kudá' aníng na dirhúngí haniís kiwa ala', aníng dir/akuú tiqtír tsatmituú koóm ugwa qaás gawaá koo/ír maraykaariya' kuungá' ta ala'.

FAARO 13:29

Múk Amaleki dír Negebu ngi hootiyá'. Múk Hiti, nee oo Yebusi nee oo Amori dír i hootiya' a gawaá tlom'i, nee múk Kana'ani dír i hooti a isaapoó Tlawtá Tla/aangw nee afaá yaaér Yordani.»

FAARO 14:31

Kuungá' ana oé', ‹Na/iirén ki haasaáng wa ar tláy.› Ala aníng na/iihúng in dahaás baraá yaamuudá' kuungá' taa waaqaé' as inooín ngiwa tsaahhiya' nee yaamuudá' tawa kooín.

Tlehhema'aá ya/Abuuse 13:19

Alaá Mungú xoordaá faanqw awa yaamaá Kana'ani ngiwa hhaamiís. Nee yaamaá xoorduudá' giri haniís dír múk Israeli tawa aalir'ín har kureeraá tsiire tsiyáhh nee mibeeraá kooán.

DABE 11:29

AAKOÓ MUNGÚ barnaxes naa hardahaás baraá yaamuudá' ta aalír eera', tsuuqa kiri ilahanisá' gawaá tloomár Gerisimu nee lu'umis kuri ilahanisá' gawaá tloomár Ebali wa ale.

DABE 20:1

«Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.

DABE 20:16

«Ala baraá gixsadudaá yaamuudá' AAKOÓ MUNGÚ, Munguúhúng naa haniís kiwa ala', umuúqo gár hiinsla ma slafíngwí mawaara'.

DABE 31:20

Asma qoomár aníng inooín bira huúw baraá yaamaá diihhooár ilwa nee dane, kudá' aníng naa lo'ór wa /aáy ngiwa haniis dír baabi'ii'ín, ala inooín tan /ayín, nee tan aax, tari wahhadiit. Aluuwo inooín tari warqáy, munguaá hatlá' kiri haratlintii', aníng iri si'iyá' nee alqador'eé' ngiri geexayá'.

DABE 31:3

AAKOÓ MUNGÚ, Munguúhúng inósuú kilá' nun geerahaar nee mukdá' baraadá' hoót guri hhaamiis, as yaamuudá' kiwa ala'. Yoshua sleeme kuungá' nun geerahaar adoodá' AAKOÓ MUNGÚ ngira oó'.

DABE 4:38

Inós xoordaá /uuruú koomá' nee awa uren ta kuungae gina geeraahúng wa guús as kuungá' nuwa baraadá' i huwi as yaamuuín tawa koohúng, an adoodá' hám i dirii'iya' tam ay laarí.

DABE 6:1

«Gaarí an hara'aya nee dabe nee kaahi tidá' AAKOÓ MUNGÚ, Munguúhúng aníng iwa ádbáy, kuungá' nuwa intsaahhatis, as kuungá' kawa tlehha' baraá yaamuudá' kuungá' tay hotaá eera'.

DABE 6:10

«AAKOÓ MUNGÚ, Munguúhúng adoodá' lo'o ngira /aáy dír baabi'iihúng Abrahamu, nee Isaka, nee Yakobo, inós kuungá' nu dahaas baraá yaamaá gixsadu uren nee hhohho', kudá' kuungá' taa tlehhi'iiká.

DABE 6:19

Nee kuungá' daqaní wakuuserhúng a gusá' adoodá' AAKOÓ MUNGÚ ngira al'axweés.

DABE 6:23

Atén tina baraá yaamaá Misrír wa tuú/, tiri dír yaamuuká' i huúw adoodá' aáng ngira lo'ór wa /aáy as ngiwa haniisi dír baabi'iirén.

DABE 9:1

«Aá xoorór Israeli, kuungá' iia qaasaak, laarí kuungá' aga naka/é' yaaér Yordani kawa waarahha', as yaamaá xoorduudá' uren nee awa /uureemaá koomá' ta kuungae kiwa ala'. Kudá' gixsaduuín ló'wa uren, nee koo/ír gixsaduuín ka tlet ay gawaá doori.

DABE 9:3

Xuaak, AAKOÓ MUNGÚ, Munguúhúng, inós laarí yaaér Yordani gan geeraahúng wa waaraahh adór asltá xaa'aá /aay. Inós mukdá' gun hhaamiis, guri geerahúng wa baal. Gawaá adoorihe, in gusá', kiri wa'aá wák ar hhaamisá', adoodá' AAKOÓ MUNGÚ ngira al'axweés.

DABE 9:4

«Ala AAKOÓ MUNGÚ, Munguúhúng mukdá' burngwa hhe'eés geeraahúng wa guusaro, ma baraá gur'erhúng i ooara', ‹AAKOÓ MUNGÚ atén tina dahaás baraá yaamuuká' asma tawa gana'amuú koomaan.› Ala handá' AAKOÓ MUNGÚ, mukdá' guna geeraahúng wa guús asma tlakweemaaín.

YOSHUA 11:3

Inós sleeme afo gari ya/aáw amór waawituú Kana'ani, kuduú bihhe tsaraawo, da/aáw nee /uwaawo, oo Amori, nee oo amór múk Hiti, nee oo múk Perisi nee oo múk Yebusi kudaá gawaá gongoama', nee amór múk Hifi, kudá' hoót bihhaá baraay awa tloomár Hermoni amór yaamaá Mispa.

YOSHUA 24:11

Aluuwo yaaér Yordani kari waarahhé', tari hardaté' Yerikórí ale. Múk Yeriko nari slaqwarár áy amorhúng. Tina alkoné' nee xoorór Amori, nee ar Perisi, nee ar Kana'ani, nee ar Hiti, nee ar Girgashi, nee ar Hifi, nee ar Yebusiro. Aníng xoorduuká' ngiri gawaá dabaahúngií qaás.

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.