DABE 6:9 - Biblía Axweesantá Hhohho' ar Mungú 2004

⁹ Gooimeek gawaá nahhár do'ók nee gawaá afér do'ók.

DABE 6:9 Iomraidhean Croise

TI'INAANGW 12:7

Inooín tseereedá' ka bahh taataahhi, ka sliki ar nahhtá badu tsaraawo ar afkú do' nee maandár do'daádá' deelmodá' kuwa /ayi.

ISAYA 30:8

Mungú aníng iri báy, «Tláw /aymi'iiká' gooimeek gawaá peehhi, dír geeraaín tiwa gooiin baraá kitaábu ti dahas, as kahhó' iwa lamabu'uungw tleehhitiyá' de'emaá hi'iita'a ay alhhe'eesay wasle.

ISAYA 57:8

Dír alaá afkú do'o nee alaá nahhto kuungá' slaqsi'i iga qasé'. As kuungá' aníng iwa sié'. Qateenoohúng kiri hhafé' tari tsa/aandé' gawaá qateenoohúng kudá' uren. Kuungá' nee mulqerhúng tina kaahi sleeré', kudá' qateenooín taa slaé' nee /ankwetsuuín un ga/eerá'. Naagáy ilatleerirhúng kari tsaeesé'.

HABAKUKI 2:2

AAKOÓ MUNGÚ aníng iri báy, «Iigu'utuuwí gooiimeek gawaá peehhi, geehhooeeseek as kahhó' umuúqo heé didár waaraahha kangwsíng ngu soomuusi ar adór inslaahh.

DABE 11:18

«Axweesantí baraá munerhúng ti qase', nee baraá qeereemoohúng. /Aymi'iiká' tseegaak gawaá dabaahúng i ale, adór laya, nee ki dahasá' gawaá gitsee/erhúng, as tawa gár kuungá' nu inslawtamis.

DABE 11:20

Gooimaak gawaá nahhtá marayhúng, nee gooimaak gawaá afér marayhúng,