DABE 6:7 - Biblía Axweesantá Hhohho' ar Mungú 2004

⁷ nee na/iiwók ki intsaahhatís ar inkihhimu. Kaangwí ku alki/ít qoomár bar do'ók i dirí', laqaá bar hi'iimít, laqaá bar qatuú eér, laqaá bar qatuuwo naa tleér.

DABE 6:7 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

YOBU 8:10

Ala inooín kuúng u intsaahhatisiyá' nee muruudá' tinda sláy baraá sagalooar'ine kungu kuúng báy.

WARA'AMI 119:13

Muruudá' sleémeero kuúng naa kát, aníng u malé oó' ar afór ur.

WARA'AMI 119:46

Axweesantók a murér wa ara'araaká, tam dír geeraá waawitahe an alki/iít.

WARA'AMI 129:8

Heé bihhaadár waaraáhh i kaahh oo gi báw, «AAKOÓ MUNGÚ nu tsuuqi! Tundu tsuuqi ar umuú AAKOÓ MUNGÚ.»

WARA'AMI 37:30

Heé hota ganaá', muruú sagalooa gun axwees. Nee afkose sakwasleemár ganaa' gan axwees.

WARA'AMI 71:17

Kuúng Mungú, kuúng aníng ina intsaahhatimís iimír án tawa masoomo, tam ay hamí aníng tlehhmi'iiwók awa waa/oo/amo in alki/iít.

AXWEESANOÓ SAGALOOA 10:21

Axweesanoó heé ganaa' múk yaariír gu /iis, ala daktana in qátl as tsaahha wasle.

AXWEESANOÓ SAGALOOA 15:2

Heé sagaloó' afkose gár i axweesi a muruú i xui, Ala afér daktana aqo daktu'uuma gan kát.

AXWEESANOÓ SAGALOOA 15:7

Afér múk sagelooén xu'uti gan alki/ít, Inslawoó daktana adoorí ga i diri'iiká.

AXWEESANOÓ SAGALOOA 6:22

Bar hi'iimít baraá loohiro u geerahát, bara qát u xuún. Qoomár bar dalá' in axwés nee kuúng.

ISAYA 38:19

Múk slaáf kilós an kudá' kuúng u sluufiís adoorí aníng laarí ni /imiis xwayliité inkihhimuwók guri dír na/ii'íní alki/ít.

MALAKI 3:16

Naxés kudá' AAKOÓ MUNGÚ ngu ilaiwawa/á', nina kilooín axweesiyé'. AAKOÓ MUNGÚ iia gana qaás, iri axaás, kitaábuú inslaslaangw kway gooín dír geeraawós wa alé, as daanduú kudá' AAKOÓ MUNGÚ ngu ilaiwawa/á' nee umuuwós ngu aldakuutá'.

Matayo 12:35

Heé hhoó' gár i hanmiisi a muruú hhó' baraá daqaari'iimarós tidá' hhooe. Heé tlaákw gár i hanmiisi, a muruú tlákw baraá daqaari'iimarós tidá' tlakwe.

Luka 6:45

Heé hhoó' gár i axweesi a hhooeemaadá' muunaáwós ngwa hatsiisiye'. Heé tlaákw gár i axweesi a tlakweemaadá' muunaáwós ngwa hatsiisiye'. Asma afkú hee gár i axweesi a tidá' muunaáwós iwa hatsi.»

Efeso 4:29

Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

Efeso 6:4

Kuungá' xwaylité, na/iihúng mi buhhtimisara', ala geeraharaaharaak ar baraá ilaiwa/ame, nee kiwa naanaqá' ar baraá Aako.

DABE 11:19

Na/iihúng /aymi'iikae intsaahhatamisaak qoomár bar marií wa iwiwitá', bar hi'iimitá', nee qoomár bar qatuú eerá', nee qoomár qatuuwo bar tlatleerá'.

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

Kolosai 4:6

Axweesanayhúng umuúqo daqto masók a axweesanoó tsatsaa'arén, nee oo gídaabár koóm, as umuúqo heewo oo gár yaahamiís, gaarós tidá' i yaahamiisi ngiwa tsaahhi ar hariima.

1 Petro 3:15

Ala Kristo na xirfayeemisaak baraá munerhunge tawa Aakoohúng. Umuúqo siiwaro kuungá' masók taa amohhe'esé' heé yaahamiís kuwa mu/aywatsa' ar adór hariim daanduú harahhifoodár baraahúngií diriia.

RUTI 2:12

Gawaá tisíng taa tlehhiti AAKOÓ MUNGÚ bu'utuuwók ngu haniisi. AAKOÓ MUNGÚ, MUNGÚ Israeli bu'utuú yaariír ngu haniisi, kudá' kiíng taa i góp as kiíng iwa xun.»

RUTI 2:4

Naxés Boasi nina hardáh i Betilehemúr daahh. Múk bu'uúm guri laaw'eés iri oó', «AAKOÓ MUNGÚ masók ta dinkwa nee kuungá'.» Inooín tari oó', «AAKOÓ MUNGÚ u tsuuqi.»

RUTI 4:11

Bariiseedá' didí dirii' nee mukdá' sleémeero tari oó', «Eeít, atén a lamabu'uuse. AAKOÓ MUNGÚ masók /ameenisíng baraá do'ók i dah gan adór Raheli nee Lea tleehh, kudá' doó Israeli ngwa hatsiisiye'. Masók kuúng a daqaari'ít baraá tlahhoó Efratawo, nee umuuwók i iiatleeruy baraá Betilehemuwo.