DABE 6:4 - Biblía Axweesantá Hhohho' ar Mungú 2004

⁴ «Gimsé' iia qaasaak, kuungaá múk Israeli! AAKOÓ MUNGÚ an Munguúrén, AAKOÓ MUNGÚ inós kilós an Mungú.

DABE 6:4 Iomraidhean Croise

1 WAAWITÁ 18:21

Aluuwo Eliya iri tseewúy dír muu sleémeero, guri báy, «Kár kuungaáká' ta aftsaderarinda' baraá inslawayhunge ay xaylá? Gám, bar AAKOÓ MUNGÚ an Munguú ló', eeharaak, ala Ba'ali bar an Mungú, gimsé', eeharaak sleeme.» Ala muu axweesantadá' gaa tlaxwiiká, ina xasliít.

2 WAAWITÁ 19:5

Naagáy sagadiyuuseedár waawutmo Hesekia iwa hardát amór aarusmo Isaya,

1 QOM'I 29:10

Aluuwo Daudi AAKOÓ MUNGÚ gway diidi'iís dír geeraá muu sleémeero wa ale, iwa kaahi, «Aá AAKOÓ MUNGÚ, Munguú taati'iirén awa Israeli, kuúng tu diidi'iimaamisi ay alhhe'eesay wasle.

2 QOM'I 17:9

Inooín kitaábuú hara'ayár AAKOÓ MUNGÚ nguna taataahhiyé', múk Yuda nguri intsaahhatisiyé' baraá gixsadu sleémeerowo awa Yudawo.

NEHEMIA 9:6

Esra iri adoorír firín, «Kuúng kilók an AAKOÓ MUNGÚ an kudá' doori iga tlehh nee muruudá' sleémeero baraadá' hoota, yaamu nee umuúqo gár baraaká' hoota, tlawi nee muruú baraadae, kuúng an kudá' gi amohhe'eemiís as iwa kumiitiya' hotaango, nee daqtá gawaá doori sleémeero kuúng un sluufmís.

WARA'AMI 78:5

Asma axweesantós gana gawdeés dír múk Yakobo, nee dabe gana qaás dír múk Israelí alé, tidá' aa alqadín dír baabi'iirén, as na/ii'ín kiwa intsaahhatisi,

WARA'AMI 86:10

Asma kuúng tu úr, kuúng an kudá' tlehhma'aá waa/oo/amór tlehhiít. Kuúng kilók an Mungú.

ISAYA 42:8

Aníng umuueé' a AAKOÓ MUNGÚ, xirfuueé' u hanisaaká dír heé hatlá', laqaá xirfayemisuueé' u hanisaaká dír munguaá murslaaqat.

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

ISAYA 44:8

Ma da'ayumitaara' laqaá ma xurumitaara'. Xáy aníng kuungá' iimír geeraawo naa kaangwí bawiikáhe? Kuungá' a lamabu'uuser'eé'. Xáy Munguú adór aníng i deéro? Tlaa/ár hatlá' i káhh, aníng a xuaaká.»

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

Matayo 22:37

Yesu iri oó', «Aakoó Munguúwók na slaeek ar muunaáwók sleémeero, nee ar qeeruuwók sleémeero, nee ar fuquraangók sleémeero.

Luka 10:27

Intsaahhatusmooduú hara'ayár Mose iri oó', «Ar taa gooín a tí, ‹Aakoó Munguúwók slaeek ar muunaáwók sleémeero, nee ar qeeruuwók sleémeero, nee ar /uuruuwók sleémeero, nee ar fuquraangók sleémeero›, nee ‹Inslaawmoowók slaeek adoodá' kuúng tir kilók sla'.› »

Yohana 10:30

Aníng nee Baabá a wak.»

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Rumi 3:30

Asma Mungú a wak. Inós múk Yahudi kudá' taa al/utlín, gun gan'amuú i harafadiit as haratlintaaor'ín. Nee múk xoordaá hatlá' sleeme, kudá' taa al/utlinká, gun gan'amuú i harafadiit ar loohír haratlintaaor'ín.

Efeso 4:6

Mungú a wak, nee inós a Baabuú muu sleémeero. Inós i gáwtí dirii' dír muu sleémeerowo, nee i gadiyuus baraá muu sleémeeró wa ale, slám i baraá muu sleémeeró i dirii'.

DABE 4:39

Gimsé', laarí inslawaak nee baraá munerhúng ti qase' adór AAKOÓ MUNGÚ tar Mungú gawaá doori nee daanduú yaamu, Munguú hatlá' i kaahh.

DABE 5:6

‹Aníng a AAKOÓ MUNGÚ, Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.›

1 Timoteo 2:5

Asma Mungú a wak. Nee har'ohusmo a wak sleeme, kudá' har'ohiím tla/ángw Mungú wa ale nee muu. Inós a hee, Kristo Yesu.

Yakobo 2:19

Kuúng a haratlintaatí' adór Mungú tar wak. Adoosíng i qoón. Tam neetlaame sleeme adoosíng ga haratlintaatí', nee in daaráx daeero.