DABE 6:24 - Biblía Axweesantá Hhohho' ar Mungú 2004

²⁴ Naagáy AAKOÓ MUNGÚ atén tina hara'ayín, dabeerí sleémeero kawa iialoeesaan nee AAKOÓ MUNGÚ, Munguúrén kuwa ilaiwawa/aan as atén awa kilá' hotaá hho' kiwa slawaan, nee as kahhó' atén tiwa de'en umuú daqto adoodá' tira de'én tam ay laarí.

DABE 6:24 Iomraidhean Croise

WARA'AMI 41:2

AAKOÓ MUNGÚ inós gu xún, nee slafiingós guri amohhe'ees, inós kuri bay a heé amohhoó' baraá yaamuwo. AAKOÓ MUNGÚ, kuúng inós u meeraaká baraá dabaá wakuuseerósí aleeró.

WARA'AMI 41:3

AAKOÓ MUNGÚ inós gun hubín baraá tiqtiro, nee gun hungu/uus baraá slahh'amuú tiqtirós sleémeero.

WARA'AMI 66:9

Asma inós slafingwrén gun taami kón, nee tam ya'aarén gi mayká niwa nikiitsiya'.

TI'INAANGW 20:20

Mose muu sleémeero guri báy, «Ma da'ayumiitaara', asma Mungú nina hardáh as kuungá' nuwa iiari as kahhó' kuungá' inós kuwa ilaiwawa/a' umuú daqto nee tlakweema kiwa tlehha'aaká.»

AXWEESANOÓ SAGALOOA 22:4

Heé taa niinawees dír AAKOÓ MUNGÚ i alé, tlehhmuuwí dirose an daqaari'iima nee ilaiwa/ame nee an slafiingw.

AXWEESANOÓ SAGALOOA 9:12

Sagalooa bar koón, an koón as kuúng. Ala bar an waaqaaqá', kangwsíng a kók.

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

YEREMIA 32:39

Aníng inooín in muunuú wák i haniís nee loohír wák, as kahhó' aníng iwa ilaiwawa/iya' umuú daqto, as kahhó' aníng inooín ngiwa hhooeemáy tleehh nee na/ii'ine.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Luka 10:28

Yesu guri báy, «Tisíng i qoón. Bar adoosíng aga tléhh daqaní slafíngw alhhe'eesay wásl u sleér.»

Rumi 10:5

Asma Mose ina gooín daanduú gan'amuudá' ta slaslay ar hara'aya kawa eeharahari, iri oó', «Heé adoodá' hara'aya i kat ga tlehhiít, inós i hoot ar adoodá'.»

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:4

Ala kuungá' inkihhimu una tlehhé' dír AAKOÓ MUNGÚ, Munguúhunge, an gár tas slafa' ay laarí.

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

DABE 6:23

Atén tina baraá yaamaá Misrír wa tuú/, tiri dír yaamuuká' i huúw adoodá' aáng ngira lo'ór wa /aáy as ngiwa haniisi dír baabi'iirén.

DABE 8:1

«Hara'ayaarí naa dirhúngí hara'ayiím ooharo harmagahhaak, as kuungá' daqaní hota kiwa sleera' nee tawa tlahha', nee daqaní ta datá' baraá yaamuudá' AAKOÓ MUNGÚ aa lo'ór wa /aáy dír baabi'iihúng.

DABE 8:3

Nuna ala qwárkwí máy as tiwa niinaweesa', aluuwo muruú /aymaadá' ta bay maána nguri haniís, muruú /aymár kuungá' ta baloó xua'aaká, laqaá baabi'iihúng sleeme ngwa xui'iiká. Adoorí gana /iís asma nuwa intsaahhatisi, adór hee ir hootiiká ar muruú /ayma kilós, ala aqo ar axweesantá amór AAKOÓ MUNGÚ daahh.