DABE 6:2 - Biblía Axweesantá Hhohho' ar Mungú 2004

² Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

DABE 6:2 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

IIMU/UUNGW 22:12

Malaykamo iri oó', «Dakók mu tleesaar gawaá garmií alé, laqaá tam mu gaa /iisaar. Asma daxta aníng aga tsaáhh adór kuúng Mungú kur ilaiwaawá/. Qaytsiít tam sleeme kuúng garmaawók oo kilós oo ta sla', ugwa ila/iká dir'eéní haniisaro.»

1 WAAWITÁ 8:40

Kahhó' kuúng tu ilaiwawaa/ qoomaarí tawa baraakaá yaamu wa hooti, kuká' taa baabi'iirén i hanís.

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

WARA'AMI 111:10

Ilaiwa/amér AAKOÓ MUNGÚ an iimu/úngw sagalooa. Múk adoorí ga /iimiís sager'ín i gwa/át. Xirfuuwós in kumamiit kureerisleém.

WARA'AMI 128:1

Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

WARA'AMI 91:16

Un aaxiís ar slafíngw deelór yaariir. Inós un ba/amar'eé' i haniís.

TI'INAANGW 20:12

«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

TI'INAANGW 20:20

Mose muu sleémeero guri báy, «Ma da'ayumiitaara', asma Mungú nina hardáh as kuungá' nuwa iiari as kahhó' kuungá' inós kuwa ilaiwawa/a' umuú daqto nee tlakweema kiwa tlehha'aaká.»

AXWEESANOÓ SAGALOOA 16:6

Tlakweemaá hee kin gurtláy as iialooa nee inkihhimu, tam heé AAKOÓ MUNGÚ gu ilaiwawaá/ tlakweema gin geewakáy.

AXWEESANOÓ SAGALOOA 3:16

Slafíngw tleér gu koón ar dákw doó /iyáy, nee ar dákw doó basayhe gár i koon a daqaari'iima nee ilaiwa/ame.

AXWEESANOÓ SAGALOOA 9:11

Ar alee/isay'eene kuúng an hotaatiín, nee kureeraá slafiingók nari tlahhiyá'.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

YEREMIA 32:39

Aníng inooín in muunuú wák i haniís nee loohír wák, as kahhó' aníng iwa ilaiwawa/iya' umuú daqto, as kahhó' aníng inooín ngiwa hhooeemáy tleehh nee na/ii'ine.

ESEKIELI 20:19

Anuú AAKOÓ MUNGÚ an Munguúhúng, kaahir'eé' na eeharaak, nee daber'eé' na harmagahhaak ooharo,

Luka 12:5

Ala oo kuungá' ta da'ayuta' án ngu xu'utís. Mungú na da'ayumitaak, kudá' aleesleemu gu koóm oo hee nguwa kwahhi baraá asltá baloó gwaa'aaká, alaá gaasaro burngwa hhe'eés. Eeít, án a kah, kwí na da'ayumitaak.

DABE 10:20

AAKOÓ MUNGÚ, Munguúhúng ilaiwaa/aak, inós sagadiyusaak, ti alkoomakonde' nee inós, nee lo'o ka /agá' ar umuuwós.

DABE 11:9

Daqaní slafíngw tleér u sleerá' baraá yaamaá hatsá' dihhooár ilwa nee dane, yaamuudá' aáng AAKOÓ MUNGÚ aa lo'ór wa /aáy ngiwa haniisi dír baabi'iihúng nee xwaylar'ín.

DABE 13:4

AAKOÓ MUNGÚ, Munguúhúng un eehadá', nee inós kilós un ilaiwawa/á' nee hara'ayaarós an otá', nee afoorós an iialooesá'. Inós un sagadiyusá', nee an dirósí naga'atá'.

DABE 15:5

barnaxes kuungá' aga dír AAKOÓ MUNGÚ, Munguúhúngí iialooesé' nee hara'ayaarí laarí ni dirhúng i kah bara ló'wa harmagahhé' kawa ota'.

DABE 22:7

Tsir/ír ur tidá' umiim geemaweek ala na/ii ar tleemuuwo i aleesleér. Adoorí bara tléhh, diihhooa a sleér nee kureeraá yaariir i hót.

DABE 30:19

Aníng laarí doori nee yaamu i ateét tawa lamabu'uuse adór aníng slafiingw nee gwa'araro, nee tsuuqa nee lo'ooro ngira dír geeraahúng i qaás tawa tsawdiinda'. Gimsé' slafiingw tsawaraak, kuungá' nee na/iihunge, as tawa hota'.

DABE 30:20

AAKOÓ MUNGÚ, Munguúhúng sla'aak, nee afoorós iialooeesaak, nee inós i naga'ataak. Asma adoorí bara tlehhé' an slafingwhúng nee an hotaahúng awa tleerá' baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng Abrahamu, nee Isaka nee Yakobo.»

DABE 4:10

oo baalaadá' kuungá' tawa sihhité' dír geeraá AAKOÓ MUNGÚ, Munguúhúng dír tloomár Sinai, qoomár aníng iwa báy, ‹Muksíng burumburaare' dír geeraaeé', as aníng inooín ngiwa axweesante'eé' baw, as kahhó' inooín adór aníng ir ilaiwawa/iya' ngiwa intsaahhiya' baraá hotaaín sleémeero baraá yaamuwo, nee na/ii'ín ngiwa intsaahhatisiya' sleeme.›

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

DABE 4:9

Ala gimsé' ti ló'wa harmagahhe' muruuwí mu gunqareesara', kwí ilaahunge taa aandé'. Gár adór tí miwa tleehharút baraá hotaahunge ar muruuwí kuwa gunqaaresa'. Na/iihúng nee na/aá nangwhunge ki kaangwí intsaahhatisá',

DABE 5:16

«Baabuúwók nee aayoorók ilaiwawa/eek adoodá' anuú AAKOÓ MUNGÚ, Munguúwók, una hara'ayiím, adoorí tleehheek as slafíngw kureeraá yaariir kuwa sleer, nee diihhooa kawa sleer baraá yaamuudá' AAKOÓ MUNGÚ Munguúwók ni kuúngií haniisi.

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

DABE 6:1

«Gaarí an hara'aya nee dabe nee kaahi tidá' AAKOÓ MUNGÚ, Munguúhúng aníng iwa ádbáy, kuungá' nuwa intsaahhatis, as kuungá' kawa tlehha' baraá yaamuudá' kuungá' tay hotaá eera'.

DABE 6:24

Naagáy AAKOÓ MUNGÚ atén tina hara'ayín, dabeerí sleémeero kawa iialoeesaan nee AAKOÓ MUNGÚ, Munguúrén kuwa ilaiwawa/aan as atén awa kilá' hotaá hho' kiwa slawaan, nee as kahhó' atén tiwa de'en umuú daqto adoodá' tira de'én tam ay laarí.

DABE 6:7

nee na/iiwók ki intsaahhatís ar inkihhimu. Kaangwí ku alki/ít qoomár bar do'ók i dirí', laqaá bar hi'iimít, laqaá bar qatuú eér, laqaá bar qatuuwo naa tleér.

YOSHUA 4:24

As kahhó' xoordu sleémeero awa baraakaá yaamu ngiwa tsaahhiya' adór dákw AAKOÓ MUNGÚ ir /uuruú kón, nee as kahhó' kuungá' AAKOÓ MUNGÚ, Munguúhúng, kuwa ilaiwawa/a' ay kureeraá kureér.»

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.