DABE 6:18 - Biblía Axweesantá Hhohho' ar Mungú 2004

¹⁸ Gár AAKOÓ MUNGÚ gu sla'atamis na tleehhaak, daqaní kuungá' diihhooa a sleerá'. Kuungá' daqaní yaamuudá' hhoohhoo' AAKOÓ MUNGÚ aa lo'ór wa /aáy dír baabi'iihúng i ala'.

DABE 6:18 Iomraidhean Croise

WARA'AMI 19:11

Aníng sagadiyusmoowók ti intsaahhatimis nee dabér AAKOÓ MUNGÚ, dabeerós bara iialooeés, qeemuú úr u sláw.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

ISAYA 38:3

iri oó', «Aá AAKOÓ MUNGÚ, án kuúng u harhheehhe'eés, na'amaamís, adoodá' aníng kuúng ura sagadiyumaamiís ar inkihhimu inslaweek, slám ar muunaáeé' sleémeero, nee muruú qoóm una tlehhahhiít dír geeraawoge.» Hesekia Mungú guri ló'wa ii /aa/amín.

ESEKIELI 18:19

«Ala hám kuungá' a yaahamisá', ‹Ahaá waáy, gár na/aywí kus sakwasleemuutiiká as tlakweemaá baabuúwós?› Na/aay barnaxes tidá' ganaa' nee hariim gaa tleéhh, inós bar i inkihhimuú kón daber'eé' ngiwa eehari sleémeero, inósuuwí aqo in hoot.

ESEKIELI 18:21

«Barnaxes heé tlaákw, tlakweemaawós kudá' i tlehhaahhiti gaa máy tlehhtuuwo, nee barnaxes hara'ayar'eé' sleémeero gaa óh, inós tlehhma'aá ganaa'á' nee awa qoomá' birnga tleéhh, heé adoorí looeemaawo i hoot, i gwaiiká.

ESEKIELI 18:27

Ala heé tlaákw bar tlakweemaawós gaa máy tlehhtuuwo, muruú ganaá' nee oo qoóm gway tleéhh, heewí slafiingós gu tuu/.

ESEKIELI 18:5

«Hee barnaxes i gan'amuú kón, inós bar muruú ganaá' gu tlehhiit nee oo qoóm,

ESEKIELI 33:14

Slám heé tlaákw bura báw, ‹Kuúng looeemaawo a gwá',› nee inós tlakweema gay máy, muruú ganaá' nee oo qoóm guri iimu/ún tlehhtuuwo,

ESEKIELI 33:16

Tlakweemaawós kudá' sleémeero aáng aa tleéhh ki inslayká daanduuwós i ale, asma inós tidá' hariim nee hhoo' gaa tleéhh. Gawaá adoorihe heewí in hoot.

ESEKIELI 33:19

Nee qoomár heé tlaákw tlakweemaawós birnga máy tlehhtuwo, nee muruú ganaá' nee oo qoóm guri iimu/ún tlehhtuwo, inós aqo in hoot as gan'amuudá'.

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

Yohana 8:29

Nee kudá' aníng iga ya/aaw, inós i dinkwa nee aníng. Aníng iga kilooeé' geexayká. Asma umuúqo deelooro tidá' inós gu sla'atimis an tlehhiít.»

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

DABE 12:25

Tseere ma /ayaara', asma bar aga /agi'iiká, adór hhoo' aga tlehhé' dír geeraá AAKOÓ Munguhe, nee diihhooa a sleerá', kuungá' nee na/iihunge.

DABE 12:28

Ti ló'wa harmagahhe' axweesantí naa bawi iialooeesé', as kuungá' diihhooa kawa sleera' dinkwa nee na/iihúng awa aluúwaá hardahá' ay alhhe'eesay wasle, asma kuungá' adoorihe adoodá' hhoo' aga tlehhé' dír geeraá AAKOÓ MUNGÚ, Munguúhunge.

DABE 13:18

inós adoorí gan tleehh barnaxes kuungá' afór AAKOÓ MUNGÚ, Munguúhúng aga iialooeesé', hara'ayaarós sleémeero kari oté', tí laarí ni kuungá' babaw nee adór qoom bara tlehhé' dír geeraá AAKOÓ MUNGÚ, Munguúhunge.»

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

DABE 5:29

Hám geera a tsiní barnaxes i meetiyá' gawaá inslawaydá' aníng iwa ilaiwawa/iya', nee hara'ayar'eé' ngiwa oohiya' umuu daqto. Geera muruuín sleémeero oo ta tlehhiiti iri ganaa' umuú daqto dir'ine nee dír na/ii'ine ay alhhe'eesay wasle.

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

DABE 6:10

«AAKOÓ MUNGÚ, Munguúhúng adoodá' lo'o ngira /aáy dír baabi'iihúng Abrahamu, nee Isaka, nee Yakobo, inós kuungá' nu dahaas baraá yaamaá gixsadu uren nee hhohho', kudá' kuungá' taa tlehhi'iiká.

DABE 6:19

Nee kuungá' daqaní wakuuserhúng a gusá' adoodá' AAKOÓ MUNGÚ ngira al'axweés.

DABE 8:11

«Ti harmagahhe' AAKOÓ MUNGÚ, Munguúhúng mu gunqareesara' as hara'ayaarós kawa meera' ooharo, nee dabeerose nee kaahirose, tí laarí aníng naa kuungá' i hara'ayiím.