DABE 6:14 - Biblía Axweesantá Hhohho' ar Mungú 2004

¹⁴ Munguaá hatlá' mi sluufmisuú awaara', kudaá xoordudá' naa harweeriye',

DABE 6:14 Iomraidhean Croise

2 WAAWITÁ 17:35

AAKOÓ MUNGÚ aáng alqado gana oó' dir'ín, giri báy, «Munguaá hatlá' mi haratlintatiaara' nee mi i tumbarara'amitara', nee mi sagadiyuusara', laqaá mi ilahhooár muruú ta tsú/i hanmiisara'.

WARA'AMI 44:20

Alók geeraawo barnaxes atén Munguúrén una mawaán ilaiwa/ameero, munguú hatlá' oo lama kuri ilaiwa/aán,

TI'INAANGW 20:3

«Munguaá hatlá' mi koomaar, aqo har aníng kilooeé'.

YEREMIA 25:6

Kuungá' munguiidaá hatlá' mi eeharaharaara', laqaá mi sagadiyuusara', nee Mungú mu buhhtamisara' ar slaqsi'iihúng, kudá' taa dabaahúngár tlehhé' oo adór Mungú. Kuungá' AAKOÓ MUNGÚ bura ilaiwawa/é' daqaní kuungá' tundu muxiiká.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 7:6

Kuungá' bar dahaaye a baramaanusa'aaká nee na/aá panaywo, nee /ameenár kwaeeli, nee múk dakuús wásl tsu/utaro bura meeré' baraá yaamukae, nee sleeme munguaá hatlá' eeharahaduuwo bira meeré' as tawa qwada'aaká,

DABE 11:28

Kuungá' tundu lu'us bar hara'ayár AAKOÓ MUNGÚ, Munguúhúng aga iialooesi'iiká, nee loohidá' inós naa ooi, tari munguaá hatlá' sluufmisuú eerá', kudá' kuungá' ta xua'aaká,

DABE 13:7

munguaá xoordaá hatlá' kudá' kuungá' naa harweeriye', laqaá munguaá xoordaá sawen dirhunge, iimír bartí wa tleemu ay bartaqá' baraá yaamuwo.

DABE 5:7

«Munguaá hatlá' mi koomaar, aqo har aníng kilooeé'.

DABE 8:19

Ala kuungá' AAKOÓ MUNGÚ, Munguúhúng bura gunqaaresé', nee munguaá hatlá' kiri sagadiyusé', nee kiri sluufmisé', aníng kuungá' laarí nun gurbuú' ar looeemawo, kuungá' a hhaandá'.

YOSHUA 23:7

Kuungá' nee xoorduuká' naa meetiye' ma aldinku'uumisaara', tam muruudá' taa tleéhh hariimár Mungú ló' wa ale, mu sluufmisuú awaara', nee umer'ín ma ateetimaara', laqaá lo'o ma /ayaara' ar umer'ín, laqaá mi sagadiyuusara', nee sleeme mi i tumbarara'amitara'.

1 Yohana 5:21

Laqwalór ninakw, munguaá lamto ti harmagahhe'.