DABE 6:12 - Biblía Axweesantá Hhohho' ar Mungú 2004

¹² Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

DABE 6:12 Iomraidhean Croise

2 WAAWITÁ 17:36

Anuú AAKOÓ MUNGÚ na sluufmiisaré'. Anuúdá' kuungá' naa tuu/ baraá yaamaá Misriro ar dakw'eé' kudá' /uuruú koóm, nee aleesleemuú yaariír, na i tumbarara'ataré' nee ilahhooár muruú ta tsú/í hanmisaré'.

2 WAAWITÁ 17:38

Laqaá alqadoodá' naa dirhúngí oó' ma gunqaaresara'. Munguaá hatlá' mi sluufmisuú awaara',

YOBU 8:13

Mukdá' sleémeero Mungú gu gunqareemiís an adoorír kilá' harahhifór múk Mungú gu haratlintatiaaká in payshút.

WARA'AMI 103:2

Muunaáeé', AAKOÓ MUNGÚ diidi'iimiseek, hhooeemawós mi baloó gunqareesaar!

WARA'AMI 44:17

Tí sleémeero atén tina sleér, handá' tam atén kuúng ugwa gunqareesaniikahe, laqaá alqadoorók aga mawaniikahe.

WARA'AMI 59:11

Wakuuser'eé' ma tsu/aar, aluuwo muk'eé' miwa gunqaruút. Diyaa/eek ar aleesleemuuwók nee kiwa slahhe'es, aá Mungú, kuúng an baqmoórén.

WARA'AMI 78:7

As inooín Mungú kuwa harahhifor'ín i qaasi, tlehhma'aá Mungú mingiwa gunqareesiyé', ala hara'ayaarós ngi oohiye'.

TI'INAANGW 13:14

Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

AXWEESANOÓ SAGALOOA 30:9

As kahhó' mawa taqna/uút nari oo', «AAKOÓ MUNGÚ a heemá?» Mawa ak narkuút nari fiisór áw Tam umuú Munguúeé' nguri tawo káh.

ISAYA 17:10

Asma kuungá' Israeli, Munguúduú ba/amarhúng ugwa gunqaaresé', tam tlaa/adár guwayhúng aga insleeri'iiká. Gawaá adoorihe, tam dahaasíngw sla'atimís u dahaasinda'a, kuri hanisá' dír munguúdá' ta bay Ba'ali.

ISAYA 51:13

AAKOÓ MUNGÚ kuduú tleehharusmoowók ugwa gunqarés, kudá' doori gaa hhaaf nee iihhafiirír yaamu gaa qaas. Kuúng kumiít de'eero umuú deélooro as buhhtaá kuduú baramaanusmo taa amohhe'ees kuúng uwa hhaamisi. Xáy, buhhtaá baramaanusmo i amá?

YEREMIA 34:13

«AAKOÓ MUNGÚ, Munguú Israeli i kaahi, ‹Alqado ana qaás nee baabi'iihúng, qoomár ngiwa baraá yaamaá Misrír wa duúx, qoomár inooín tawa lawaale, ngiri báw,

HOSEA 2:13

Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

FAARO 15:39

Afuuntluraywí qoomár bura aandé', kuungá' nu inslawtamisi, hara'ayár AAKOÓ MUNGÚ sleémeero, nee nee adoodá' i kat ka tlehhá' as kuungá' ilaatleerír munerhúng ma eeharaharaara', nee muruú ilaahunge ta ara'aandá'.

DABE 32:18

Kuungá' Tlaa/adá' naa xwayluur ana insleeri'iiká, Munguúdá' kuungá' naa laqwaal una gunqaaresé'.

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

DABE 4:9

Ala gimsé' ti ló'wa harmagahhe' muruuwí mu gunqareesara', kwí ilaahunge taa aandé'. Gár adór tí miwa tleehharút baraá hotaahunge ar muruuwí kuwa gunqaaresa'. Na/iihúng nee na/aá nangwhunge ki kaangwí intsaahhatisá',

DABE 8:10

Kuungá' a /ayiindá' nee tari axá', AAKOÓ MUNGÚ, Munguúhúng kuri sluufisá', asma yaamaá hhoohhoo' nga kuungií haniís.

Kolosai 2:8

Ti harmagahhe', hee munduwa naáxw ar axweesanaywós oo tawo oo gaa wásl oo al/ayma. Asma axweesanaydá' amór naa daáhh a amór unuú muu, a amór Kristoowooká.

HAR'OHUUSE 2:12

AAKOÓ MUNGÚ nguna mayé', Munguú baabi'ii'ín, kudá' ngaa huuw iimír yaamaá Misrír wa ale, munguidaá hatlá' ngiri sluufmisuú ayé', kudaá mukdá' dír iisaapay'ínií dirií', nina xupapu'uuyé' geeraaíní ale AAKOÓ MUNGÚ nguri kwatiitiyé' ar tlehhmuuín kwí, iri qa/iít.