DABE 6:1 - Biblía Axweesantá Hhohho' ar Mungú 2004

¹ «Gaarí an hara'aya nee dabe nee kaahi tidá' AAKOÓ MUNGÚ, Munguúhúng aníng iwa ádbáy, kuungá' nuwa intsaahhatis, as kuungá' kawa tlehha' baraá yaamuudá' kuungá' tay hotaá eera'.

DABE 6:1 Iomraidhean Croise

TI'INAANGW 21:1

«Gimsé', gár muu ku beera' a tí:

TI'INAANGW 23:13

«Muruuwí sleémeero naa kuungá' báw iialooeesaak. Munguaá hatlá' mi firiirimaara', tam umer'ín makawa axaás gawaá aferhunge.»

ESEKIELI 20:19

Anuú AAKOÓ MUNGÚ an Munguúhúng, kaahir'eé' na eeharaak, nee daber'eé' na harmagahhaak ooharo,

ESEKIELI 37:24

Sagadiyusmooeé' Daudi inooín gin sawaawuti'ín, eeít, kiri de'én nee de'eemusmoó wák. Inooín daber'eé' ngin harmagaahhiyá' nee kaahir'eé' ngin oohiyá'.

TLAHHOÓ LAÁWI 27:34

Gaarí an hara'ayár AAKOÓ MUNGÚ aa hara'ayín dír Mose gawaá tloomár Sinaír wa ale as xoorór Israeli.

FAARO 36:13

Kaangwí an hara'aya nee dabe tidá' AAKOÓ MUNGÚ aa haniís dír xoorór Israeli ar dákw Mose baraá xatstá Moabu wa ale, bihhaá yaaér Yordani, didá' nee gixsár Yeriko ti ga/aawá'.

DABE 12:1

«Gaarí taa gooín an kaahi nee hara'aya, tidá' ta boo/esa' ar ilakaahara baraá yaamuudá' AAKOÓ MUNGÚ, Munguú baabi'iihúng ni kuungií haniisi kiwa ala' deelo sleémeero.

DABE 3:18

«Qoomaadae ina kaangwí báw, ‹AAKOÓ MUNGÚ, Munguúhúng yaamuudaá bihhaá da/aáw awa yaaér Yordani ngaa kuungá' i haniís as tawa daqaari'iimarhúng. Hám daxta kuungá' awa miguuse dír tla/ángw hhaeehunge, xooslár slaqwara oohaak, yaaér Yordaniro geerií waaraahhé', dír hhaeehúng awa Israeliro.

DABE 33:3

Looeemaawo mukós guna slaá', inós mukós sleémeero oo hhohhó' gun de'én. Gawaá adoorihe inooín digiruuwós gun eeharahariyá', nee hara'aya ngin dirós wa slaslayá'.»

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:14

Qoomaadae AAKOÓ MUNGÚ aníng ina ádbáy, kuungá' nuwa intsaahhatis dabe nee hara'aya sleémeero tidá' hariim kuungá' kawa eehada' baraá yaamaá tay hotaá eera'.

DABE 4:45

Adoorí an adoodá' taa tleéhh, dabe nee hara'ayaadá' Mose aa hara'ayín dír múk Israeli qoomár niwa Misrír wa ti'iitiyé'.

DABE 4:5

Gimsé', aníng kuungá' naa intsaahhatís kaahi nee hara'ayaro adoodá' AAKOÓ MUNGÚ, Munguúhúng aníng ira ádbáy, as hara'ayaarí kuungá' kawa harmagahha' ooharo baraá yaamaá tay dahmaá eera' as kiwa ala'.

DABE 5:31

Ala kuúng Mose, dir'eé' tí tseew i sihhiiteek! Aníng kuúng un hara'ayar'eé' sleémeero báw, nee kaahir'eene, nee daber'eene, tidá' ta dir'íní intsaahhatis as tawa adoorír hooti baraá yaamuudá' ni inooín haniisa tawa aalir'ín.›

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.