DABE 5:5 - Biblía Axweesantá Hhohho' ar Mungú 2004

⁵ Qoomaadae aníng ana sihhiít tla/ángw kuungá' nee AAKOÓ MUNGÚ, nee tidá' inós naa káh, aníng ngiri dirhúng i ilaahanmiís, asma kuungá' asltadá' ana da'ayuté', nee aga gawaá tloomadá' i tsa/aandi'iiká. «AAKOÓ MUNGÚ ina oó',

DABE 5:5 Iomraidhean Croise

IIMU/UUNGW 18:22

Naagáy mukdá' iri amoodá' wa tláy, nay Sodomár xuiyé', ala Abrahamu ina sihhiít dír geeraá AAKOÓ MUNGÚ.

2 WAAWITÁ 18:4

Inós kiteeridaá gawaá gongoama' awa munguaá lama kiwa sluufmiisi nee uheemidae gina feé/, nee slaqsoó munguú Ashera guna tsaát. Inós slaqsayduú dayshamo, kudá' aáng Mose aa tleéhh ar muqslír sirdaa/aat, kudá' ta babay Nehushtani, guri suwawaá'. Asma ay qoomaadá' múk Israeli dayshamoodá' taa tleéhh nee Mose ngun mooyángw tsuú' i da/a/aná' as nguwa ilaiwawa/iya'.

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

TI'INAANGW 19:16

Bál tám matlaatleero naxés gaa a kwarara/a nee mankaro, slám huunkír qo iloo' i gawaá tlooma, afór tarumbeéta i ló'wa tseeamiín. Muu sleémeero baraá xafaywo iri ló'wa da'ayuút.

TI'INAANGW 19:21

AAKOÓ MUNGÚ Mose guri báy, «Tláw aweér, mukqá' gurbueek, aníng miwa artá ayé', aluuwo niri qatliyá'.

TI'INAANGW 19:25

Naagáy Mose iri aweér amór múkwí ale, kangwdá' sleémeero guri dir'íní alki/iít.

YEREMIA 30:21

Geeraharusmooín kun baraá tla/angw'ín wa sláy, waawutmooín ku sláy baraaine, inós aníng u dir'eénií tseeweés, inós niri tseewúy. Asma heé dir'eénií tseewúw ar /uuruuwós tumu wák i kaahh. Anuú AAKOÓ MUNGÚ tí ngina oó'.

FAARO 16:48

Adoorí ngiwa hhe'eés tleehharo, tiqtidár pu/i iri fák, inós iri sihhiít tla/ángw mukdá' aa qaatl nee kudá' slaáf.

Galatia 3:19

Ala gár hara'aya kingisa haniís a milá? Hara'aya kingina doók daanduú al'axweesantadí alé as dakuús ngiwa laqaan, nee iwa kumit ay dír Kristo i hardihi. Inós an oo wák baraá xwaylár Abrahamu oo al'axweesantadá' gaa slay. Mungú hara'ayaarí gana haniís dír malayke. Malayke gari hanís dír muu.

DABE 5:27

Tsiní kuúng, Mose, bihhiiqá' i tseewuweek, tidá' AAKOÓ MUNGÚ, Munguúrén i kaahi ngi iiárií qás, daqaní ni hardát, tidá' sleémeero ngi diréní ooár eér. Atén iia a qaasaán ngiri boo/eesaán.›

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.