DABE 5:33 - Biblía Axweesantá Hhohho' ar Mungú 2004

³³ Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

DABE 5:33 Iomraidhean Croise

1 WAAWITÁ 3:14

Kuúng kangw'eé' bar ugwa ya/aán nee kaahir'eé' kari ót, nee hara'ayar'eene adór baabuúwók Daudi ira hoót, daqaní án slafiingók ngu tleereés.»

2 WAAWITÁ 17:37

Umuú daqto kuungá' kaahir'eé' nee sla'aarir'eene nee dabeero, nee hara'ayaadá' tinda kuungií gooini, umuú deelo harmagahhaak tlehhtuuwo. Munguaá hatlá' mi sluufmiisara'.

1 QOM'I 28:8

«Gimsé', daxta geeraá boo/oó múk Israeli sleémeero dinku'uumár AAKOÓ MUNGÚ, diirí Munguúrén iwa axamiisi aníng kuungá' nu baw, hara'ayár AAKOÓ MUNGÚ, Munguúhúng, harmagaahhaak nee aldakuutaak, as kahhó' kuungá' yaamuuká' hhoo' kiwa ala', nee kiri na/iihúng i geexeerá' as ngiwa aaliya' aluuhunge ay alhhe'eesay.»

WARA'AMI 119:6

Barnaxes hara'ayarók sleémeero aga iialooeés, daqaní ti mureekeesiiká.

WARA'AMI 37:11

Ala kudá' tsatsa'aren yaamu ngin aaliyá'. Nin qwalaala/iyá' baraá diihhooár faakaaká wa ale.

WARA'AMI 37:22

Múk taa tsuúq nee AAKOÓ MUNGÚ, yaamu ngi aaliyá'. Ala kudá' inós aa lu'ús, gi qwaarees.

WARA'AMI 37:29

Múk hota ganaá' yaamu gi aal. Inooín nay baraadá' wa hootiyá' ay kureeraá kureér.

WARA'AMI 37:34

Kuúng AAKOÓ MUNGÚ na harahhiifeek, loohirós eehareek. Inós kuúng u iiatleerees, yaamu kay ál. Múk tlákw adór kur qwaareesi a aán.

WARA'AMI 37:9

Asma múk muruú tlákw tlehhiít ku qwaarees. Ala múk AAKOÓ MUNGÚ daamaraám an kudá' yaamu gi aál.

TI'INAANGW 20:12

«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

AXWEESANOÓ SAGALOOA 3:1

Garmaaeé', intsaahhatisar'eé' ma gunqaresaar, ala hara'ayduueé' ooheek ar muunaáwók.

YEREMIA 42:6

Ta ka hhoó' laqaá ka tlaákw, atén afór AAKOÓ MUNGÚ Munguúrén kudá' kuúng uy ya/abitaan aqo an iialooeesaán, as kahhó' doóqa atén bar afór AAKOÓ MUNGÚ, Munguúrén aga iialooeesaán, kangwrén i hhooáy.»

YEREMIA 7:23

Ala aníng hara'ayaarí ana dir'ínií oó', ina báw, ‹Afor'eé' iialooeesaak, daqaní aníng tari Munguúhúng nee kuungá' tari muk'eé'. Adoodá' nura hara'ayiím ar hootaak, adoorí tari hhooa dirhunge.›

ESEKIELI 20:19

Anuú AAKOÓ MUNGÚ an Munguúhúng, kaahir'eé' na eeharaak, nee daber'eé' na harmagahhaak ooharo,

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Efeso 6:3

Al'axweesani a tí, «as amohhooa kawa sleer tawa hot deelór yaariire baraakaá yaamuwo.»

DABE 10:12

«Hám daxta kuungá' múk Israeli, AAKOÓ MUNGÚ, Munguúhúng gár i slai a milá dirhunge? Aqo har AAKOÓ MUNGÚ Munguúhúng un ilaiwawa/á', nee lohduuwós sleémeero kudá' i slai kiwa eehada', nee kuwa sla'a', nee AAKOÓ MUNGÚ, Munguúhúng kuwa sagadiyusa' ar munerhúng sleémeero, nee qeereemohúng sleémeero,

DABE 11:9

Daqaní slafíngw tleér u sleerá' baraá yaamaá hatsá' dihhooár ilwa nee dane, yaamuudá' aáng AAKOÓ MUNGÚ aa lo'ór wa /aáy ngiwa haniisi dír baabi'iihúng nee xwaylar'ín.

DABE 12:25

Tseere ma /ayaara', asma bar aga /agi'iiká, adór hhoo' aga tlehhé' dír geeraá AAKOÓ Munguhe, nee diihhooa a sleerá', kuungá' nee na/iihunge.

DABE 12:28

Ti ló'wa harmagahhe' axweesantí naa bawi iialooeesé', as kuungá' diihhooa kawa sleera' dinkwa nee na/iihúng awa aluúwaá hardahá' ay alhhe'eesay wasle, asma kuungá' adoorihe adoodá' hhoo' aga tlehhé' dír geeraá AAKOÓ MUNGÚ, Munguúhunge.

DABE 22:7

Tsir/ír ur tidá' umiim geemaweek ala na/ii ar tleemuuwo i aleesleér. Adoorí bara tléhh, diihhooa a sleér nee kureeraá yaariir i hót.

DABE 29:8

Yaamuuín kiri hayohaán kiri qasisaán dír múk tlahhoó Reubeni, nee oo Gadi, nee tlaqtá tlahhoó Manase, as tawa aalir'ín.

DABE 30:16

Barnaxes hara'ayár AAKOÓ MUNGÚ, Munguúwók aga ilaiwá/, tidá' laarí ni kuúng babaw, kuúng AAKO MUNGÚ Munguúwók kuri slá', loohirós kari eehát, kaahirós kari ót, nee dabeerose, nee hara'ayarose, kuúng daqaní a hót tari doogiín. Nee AAKO MUNGÚ, Munguúwók, kuúng turi tsuuq baraá yaamuudá' tay hotaá eer as kiwa al.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

DABE 5:16

«Baabuúwók nee aayoorók ilaiwawa/eek adoodá' anuú AAKOÓ MUNGÚ, Munguúwók, una hara'ayiím, adoorí tleehheek as slafíngw kureeraá yaariir kuwa sleer, nee diihhooa kawa sleer baraá yaamuudá' AAKOÓ MUNGÚ Munguúwók ni kuúngií haniisi.

DABE 5:29

Hám geera a tsiní barnaxes i meetiyá' gawaá inslawaydá' aníng iwa ilaiwawa/iya', nee hara'ayar'eé' ngiwa oohiya' umuu daqto. Geera muruuín sleémeero oo ta tlehhiiti iri ganaa' umuú daqto dir'ine nee dír na/ii'ine ay alhhe'eesay wasle.

DABE 6:1

«Gaarí an hara'aya nee dabe nee kaahi tidá' AAKOÓ MUNGÚ, Munguúhúng aníng iwa ádbáy, kuungá' nuwa intsaahhatis, as kuungá' kawa tlehha' baraá yaamuudá' kuungá' tay hotaá eera'.

DABE 6:3

Gawaá adoorihe, kuungá' múk Israeli, ilakaaharu tleehhaak, as diihhooa kawa sleera' nee tawa ló'wa doogiinda' baraá yaamuudaá diihhooár ilwa nee dane, adoodá' AAKOÓ MUNGÚ, Munguú baabi'iihúng ngira al'axweés.

DABE 8:1

«Hara'ayaarí naa dirhúngí hara'ayiím ooharo harmagahhaak, as kuungá' daqaní hota kiwa sleera' nee tawa tlahha', nee daqaní ta datá' baraá yaamuudá' AAKOÓ MUNGÚ aa lo'ór wa /aáy dír baabi'iihúng.

1 Timoteo 4:8

Asma slaqwa iwa intsahhaan neetoro as /uuru nguwa sleer, a gár qoom. Ala qeeru iwa intsahhan ilaiwa/amér Munguhe, an ak gár hhoo' kángw kilá' wa ale. Asma adoorí bara tléhh, al'axweesantá slafingwí i deer, nee ar slafingwdá' aluú wa hardáh sleeme.