DABE 5:22 - Biblía Axweesantá Hhohho' ar Mungú 2004

²² «Kaangwí an axweesanaydá' AAKOÓ MUNGÚ naa dír dinku'uumarhúng sleémeero wa axweés ar afór ur gawaá tloomár wa ale, baraá tla/ángw asltá wa ale, nee baraá huunki nee baraá ma/amír aa qipit, tam axweesantá aa doók i káhh. Axweesantí gari gooín gawaá tlaa/eedá' tsár awa parereehhayen ngiri dir'eéní haniís.

DABE 5:22 Iomraidhean Croise

2 WAAWITÁ 17:37

Umuú daqto kuungá' kaahir'eé' nee sla'aarir'eene nee dabeero, nee hara'ayaadá' tinda kuungií gooini, umuú deelo harmagahhaak tlehhtuuwo. Munguaá hatlá' mi sluufmiisara'.

TI'INAANGW 20:21

Naagáy mukdaádá' iri sihhiít amór saaw, Mose iri tseewúy dír giwtidá' Mungú i dirii'i.

TI'INAANGW 24:12

AAKOÓ MUNGÚ Mose guri báy, «Qwaláng amor'eé' gawaakaá tlooma, daqaní aníng parhheemaá tlaa/e, kudá' naa hara'aya nee dabeérí gooiím ngi haniís as múk Israeli intsaahhasa ngiwa slay.»

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

DABE 4:33

Xáy muu afór Mungú gana qoo axaási iwa axwés dír tla/ángw asltá wa aleeró, adoodá' kuungá' kara axasé' handá' tari slafé'?

DABE 4:36

Afoorós ana axasé' gawaá doorí ale as kuungá' nuwa intsaahhatisi. Baraakaá yaamuwo kuungá' asltá ur kawa aanda' nee axweesantós dír tla/ángw asltadá' wa ale.

DABE 5:23

«Qoomár afoodá' kawa axasé' baraá tla/ángw giwti, nee asla iwa gawaá tloomár wa ot, geeraharuusér tlahhi'iihúng sleémeero nee bariise nina dir'eéní hardihiyé'.

DABE 5:4

AAKOÓ MUNGÚ nee kuungá' ana dír tloomár wa axwesé' ar afe adór hee nee kuqá'. Inós kuungá' nuna i axweés baraá tla/ángw asltá wa ale.

Ebrania 12:18

Asma tloomár kuungá' taa i hardaté' a tidá' kwatiitaro ta aleeslayká dabaawo, a tloomár Sináirooká, tidár múk Israeli aa i hardáh aáng. Slám kuungá' asltadá' gawaadá' wa oh aga i hardati'iiká, laqaá tlaangídá' bo/ ar gawaadá' i dirii', nee ma/ami nee bambaao,