DABE 5:2 - Biblía Axweesantá Hhohho' ar Mungú 2004

² AAKOÓ MUNGÚ, Munguúrén alqado gana tleéhh nee atén dír tloomár Horebú wá ale.

DABE 5:2 Iomraidhean Croise

2 WAAWITÁ 17:35

AAKOÓ MUNGÚ aáng alqado gana oó' dir'ín, giri báy, «Munguaá hatlá' mi haratlintatiaara' nee mi i tumbarara'amitara', nee mi sagadiyuusara', laqaá mi ilahhooár muruú ta tsú/i hanmiisara'.

TI'INAANGW 19:1

Slahhángw tám iwa iimu/ún iimír xoorór Israeli iwa ti'ít baraá yaamaá Misriír wa ale, tana hardáh baraá xaanxoó Sinai.

TI'INAANGW 24:8

Mose tseereedá' gari taataáhh, gari hikiís amór múkí ale, iri oó', «Ga/aawaak, gaarí an tseerér alqadoodá' AAKOÓ MUNGÚ aa tleéhh nee kuungá' ar loohír axweesanaywí.»

TI'INAANGW 34:10

AAKOÓ MUNGÚ iri oó', «Ga/aaweek, aníng hamí alqado a tleéhh. Muruú waa/oo/amo oo aa baloó tleehharutiiká baraá xoorduwo, laqaá tam baraá yaamu sleémeero u tleéhh dír ilaá muk'eé' sleémeero wa ale. Nee muu sleémeero, kudá' nee kuúng alhootá', gadiyér AAKOÓ MUNGÚ gari ar, asma gár waa/oo/amo ngi kuúngií tleéhh.

YEREMIA 11:4

Tidá' naa hara'ayiím dír baabi'iihúng qoomár ngiwa duúx baraá yaamaá Misrír wa alé, baraá asltá muqsla weeqatamiis. Inooín ina báw, afor'eé' iiárií qamimaak, nee tidá' sleémeero naa hara'ayiím tleehhaak. Kuungá' daqaní tari muk'eé', aníng tari Munguúhúng.› »

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

YEREMIA 34:13

«AAKOÓ MUNGÚ, Munguú Israeli i kaahi, ‹Alqado ana qaás nee baabi'iihúng, qoomár ngiwa baraá yaamaá Misrír wa duúx, qoomár inooín tawa lawaale, ngiri báw,

MALAKI 4:4

«Dabe inslawaak, nee kaahi, nee hara'ayaadá' naa haniís dír sagadiyusmooeé' Mose gawaá Sináír wa ale, as múk Israeli sleémeero ngiwa eehari.

DABE 1:6

«Qoomár tawa dír tloomár Sinaír i diriaan, AAKOÓ MUNGÚ, Munguúrén, atén tina báy, ‹Qoomár bu'uut aga hoté' bihhaá tloomarihe.

DABE 29:1

Kaangwí an axweesanoó alqadór AAKOÓ MUNGÚ oo Mose nguwa hara'ayín nguwa tleehhi dinkwa nee múk Israeli, qoomár tawa baraá yaamaá Moabu i dirii'i, dinkwa nee alqadoodá' AAKO MUNGÚ aa tleehhi dír tloomár Horebu wa ale.

DABE 4:13

Inós kuungá' nuri alqadorós báy, as kiwa ota', an hara'ayduuwós kudá' mibaangw taa gooín gawaá tlaa/eedá' tsárawa parereehhayen.

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

DABE 5:1

Mose múk Israeli guna dinkwárí burumbuúr, guri báy, «Kuungá' múk Israeli, kaahi nee hara'ayaarí iiárií qaasaak, tí laarí ni dír geerahúng wa kah. Tí intsaatsahhaak nee ka boo/esá' ar inkihhimu.