DABE 5:12 - Biblía Axweesantá Hhohho' ar Mungú 2004

¹² «Deelór Sabaáto harmagaahheek, ka hhoohhooés, adoodá' AAKOÓ MUNGÚ, Munguúwók ngira oó'.

DABE 5:12 Iomraidhean Croise

NEHEMIA 13:15

Deeloodár kilae múk Yuda una ár i sabiíbuú tsoo/itiyá' deelór Sabaátoro, bahh'alé daqwaayer'ín ngaa huwaárí tsa/aasiyé' ar difaáiro, nee sabiíbuuwo, nee /aantsihe, nee umuúqo gaaro ki huuw gixsár Yerusalemu. Ngiri gurbuú' adór deelór Sabaátoro weermis ir qonká.

TI'INAANGW 16:23

Mose giri báy, «Adoosíng taa tlehhé' an hara'ayár AAKOÓ MUNGÚ. Asma matlo a baalár hhoohhoo' ar huungu/uusa, a deelór Sabaátór hhoohhoo' ar AAKOÓ MUNGÚ. Gimsé' tlawsé', muruú /aymár ta kwasasahhaasár wa sla'a' kwasasahhasaak, nee oo ta humrór wa sla'a' humimaak, nee oo aa meet amohhe'esaak ay matlo.»

TI'INAANGW 16:30

Naagáy bál faanqwe muu iri hungu/uús.

TI'INAANGW 31:13

«Múk Israeli ku beer, ‹Deelor'eé' ar Sabaáto harmagahhaak asma deeloorí a layár alqado tla/ángw aníng nee kuungae, nee dír xwaylarhúng sleémeero, as kahhó' kuungá' kawa xua' adór aníng tar AAKOÓ MUNGÚ, kudá' kuungá' nu hhohhoeemiís.

TI'INAANGW 31:15

Gadiyeduhúng tleehhaak deelo lahhooe, ala bál faanqw a baalár Sabaáto ar hungu/uma ar taa paraátl as anuú AAKOÓ MUNGÚ. Heé aa gadiyuus baalaarír Sabaátoro gár kuwa hariím a gaasa.

ISAYA 56:6

Nee mukduú dahaaye naa haragwaa' dír AAKOÓ MUNGÚ, nguwa sagadiyuusiya', nee umuú AAKOÓ MUNGÚ nguwa slaiya' kudá' sleémeero deelór Sabaáto ngaa oohiye' nee ngi meetagamisa'aaká, nee alqador'eé' nga oohiye'.

ISAYA 58:13

«Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

YEREMIA 17:22

Nee deelór Sabaátoro huwa mar ti'iitaara' nee gadiyeé tam ar niiná ma kwatiitara'. Deelór Sabaáto boo/eesaak adór deelór hhoohhoo', adoodá' ngira qaroó oó' dír baabi'iihúng.

Marko 2:27

Giri báy, «Deelór Sabaáto kana tleéhh as hee, ala hee kwa tleehhiiká as deelór Sabaáto.

DABE 5:13

Deelo lahhooe gadiyuús, gadiyeerók sleémeero tleehheek,