DABE 4:9 - Biblía Axweesantá Hhohho' ar Mungú 2004

⁹ Ala gimsé' ti ló'wa harmagahhe' muruuwí mu gunqareesara', kwí ilaahunge taa aandé'. Gár adór tí miwa tleehharút baraá hotaahunge ar muruuwí kuwa gunqaaresa'. Na/iihúng nee na/aá nangwhunge ki kaangwí intsaahhatisá',

DABE 4:9 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

WARA'AMI 71:18

Tam aníng aga diimi, tam al/awtantá kooma, kuúng Mungú, án mi geexawaar, ay dír /uuruuwók nee uraywók ngway oo' dír qari sleémeero ar aluú wa hardah.

TI'INAANGW 10:2

As kahhó' kuungá' na/iihúng kiwa kaangwí beera', nee na/aá nangwhúng, adór aníng múk Misri ngura niqís nee layuudá' naa baraá tla/angw'ín wa tleéhh, as kahhó' kawa xua' adór aníng tar AAKOÓ MUNGÚ.»

TI'INAANGW 23:13

«Muruuwí sleémeero naa kuungá' báw iialooeesaak. Munguaá hatlá' mi firiirimaara', tam umer'ín makawa axaás gawaá aferhunge.»

AXWEESANOÓ SAGALOOA 1:8

Garmaaeé', gár baabuúwók i kaahi iiárií i qaaseek, tam dabér aayiírók ma siaar.

AXWEESANOÓ SAGALOOA 23:26

Garmaaeé', muunaáwók haniisang, adoorí aníng nir hoot u qwal/atis.

AXWEESANOÓ SAGALOOA 3:21

Garmaaeé', kaangwí miwa quútl baraá muunaáwoge, sagalooár ganaa' nee fuqurango ooheek.

AXWEESANOÓ SAGALOOA 7:1

Garmaaeé', axweesanay'eé' ooheek, nee hara'ayar'eé' i dirógí met.

ISAYA 38:19

Múk slaáf kilós an kudá' kuúng u sluufiís adoorí aníng laarí ni /imiis xwayliité inkihhimuwók guri dír na/ii'íní alki/ít.

ISAYA 42:20

Kuungá' muruú yaariír ugwa aandé', ala ugwa tsahhi'iiká, iia i mak tawo dayá', kár ala i axamisiaaká.

YEREMIA 17:21

Anuú AAKOÓ MUNGÚ a kah, ‹Bar amohhooár slafingwhúng a sla'á', ti haramagahhe', hee huwa mingiwa gagaár deelór Sabaátoro, nee mingiwa dahaás ar afér gixsár Yerusalemu.

Luka 8:18

«Gimsé', iiárií qaasa hhe'eesaak, tidá' ta axamisa'. Asma umuúqo heewo oo gár koóm ka dook, nee kudá' gár koomaaká, tam tidá' geeraawo i tós i xui ka hayoh.»

Efeso 6:4

Kuungá' xwaylité, na/iihúng mi buhhtimisara', ala geeraharaaharaak ar baraá ilaiwa/ame, nee kiwa naanaqá' ar baraá Aako.

DABE 11:19

Na/iihúng /aymi'iikae intsaahhatamisaak qoomár bar marií wa iwiwitá', bar hi'iimitá', nee qoomár bar qatuú eerá', nee qoomár qatuuwo bar tlatleerá'.

DABE 12:1

«Gaarí taa gooín an kaahi nee hara'aya, tidá' ta boo/esa' ar ilakaahara baraá yaamuudá' AAKOÓ MUNGÚ, Munguú baabi'iihúng ni kuungií haniisi kiwa ala' deelo sleémeero.

DABE 16:3

Ilahhooarí ma al/ayaara' nee mikaátér taa sluuftís. Deelo faanqwe mikaátér taa sluuftisiiká na /ayaak, inós kan babay mikaatér slahh'eemis, asma kuungá' ana gaanslár ti'ité' baraá yaamaá Misriro, gawaá adoorihe, deelo sleémeero kuungá' deeloodá' tawa baraá yaamaá Misrír wá ti'ité' an inslasleerá'.

DABE 17:19

Dabér taa gooín tari tós, umuú deelooro baraá hotaawós sleémeero ngi soomuusi as inós iwa intsaahhahhan, AAKOÓ MUNGÚ, Munguúwós nguwa ilaiwawa/i, ar loohír dabeedá' sleémeero ngiwa oohi, nee kaahirós sleémeero ngiwa boo/eesi.

DABE 29:29

«Muruú naaqo oo AAKOÓ MUNGÚ, Munguúrén, ala muruudá' taa geehhooatís a koorén nee na/iirén ay alhhe'eesay wasle, as axweesanoó dabeerí kuwa harmagahhaan.»

DABE 31:19

«Gimáy daxta, daa'angwí gooimeek, nee múk Israeli ku intsaahhatís! Daa'angwí qaaseek gawaá afer'ín, daa'angwí i lamabu'uungw tleehhiti dír múk Israeliwo as daanduueé'.

DABE 32:46

inooín giri báy, «/Aymi'iiká' sleémeero awa daa'angwí laarí naa dirhúng i daá', baraá munerhúng ti qase', nee na/iihúng ki hara'ayiindá', as kahhó' niwa ilakaahareesiya' axweesanoó dabeerí ooharo.

DABE 4:10

oo baalaadá' kuungá' tawa sihhité' dír geeraá AAKOÓ MUNGÚ, Munguúhúng dír tloomár Sinai, qoomár aníng iwa báy, ‹Muksíng burumburaare' dír geeraaeé', as aníng inooín ngiwa axweesante'eé' baw, as kahhó' inooín adór aníng ir ilaiwawa/iya' ngiwa intsaahhiya' baraá hotaaín sleémeero baraá yaamuwo, nee na/ii'ín ngiwa intsaahhatisiya' sleeme.›

DABE 4:15

«Gawaá adoorihe, ti harmagahhe', ma gunqarutara' baldá' AAKOÓ MUNGÚ iwa axweés nee kuungá' didár tloomár Horebúr wa ale baraá tla/ángw asla, kuungá' ugwa aandi'iiká adór i dirii'i. Gawaá adoorihe ti ló'wa harmagahhe'.

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

DABE 6:12

Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

DABE 6:20

«Deelór hardaha, na/iihúng burna yaahasiyé', ‹Lamabu'ungwí nee hara'ayaarí, nee dabeero, tí AAKOÓ MUNGÚ, Munguúrén naa atén i oó' gár ti babay a milá?›

DABE 6:7

nee na/iiwók ki intsaahhatís ar inkihhimu. Kaangwí ku alki/ít qoomár bar do'ók i dirí', laqaá bar hi'iimít, laqaá bar qatuú eér, laqaá bar qatuuwo naa tleér.

DABE 8:11

«Ti harmagahhe' AAKOÓ MUNGÚ, Munguúhúng mu gunqareesara' as hara'ayaarós kawa meera' ooharo, nee dabeerose nee kaahirose, tí laarí aníng naa kuungá' i hara'ayiím.

DABE 8:14

ma daara/utara, AAKOÓ MUNGÚ, Munguúhúng kuwa gunqaresa', kudá' kuungá' naa baraá yaamaá Misrír wa duux, qoomaadá' kuungá' tawa lawaale.

Ebrania 2:1

Gawaá adoorihe atén gár tiwa hariím ya/abtoodá' taa axaasaán an ak alqaytsimiitaán ló'wa ale, as kahhó' atén mawa paslaán baraá loohirene.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

Yakobo 2:22

A ga/eéraáke, haratlintaao gadiyeé gana tléhh dinkwa nee tlehhemi'iiwós, nee haratlintaaoorós iri bó/ ar loohír tlehhemi'i.

YOSHUA 1:18

Heé hara'ayarók gaa aahh, nee oo axweesantók ga iialooeemisaaká, laqaá umuúqo gár kwaa beeri ga axamiisaaká a gaasa. Gimáy muuna hhe'eés nee migís.»

YOSHUA 23:11

Gimsé', ti kiloohúng harmagahhe' as AAKOÓ MUNGÚ, Munguúhúng kuwa sla'a'.

YOSHUA 4:21

Yoshua xoorór Israeli gari báy, «Baalarkaaro na/iihúng burna yaahasiyé', iwa kaahiya', ‹Tlaa/eeká' awa milá?›

Geehhoeemaá 3:3

Gawaá adoorihe axweesantadá' adór kara ilaót nee adór kara axamís inslaweek, nee ka ót, ta hhu'u'uún. Ala kuúng bar aga dal'iká, aníng ni hardáh amoorók i aleeró adór fisusmo, ala qoomaadá' aníng ni hardah kuúng a xu'uká.

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.

HAR'OHUUSE 8:34

Múk Israeli AAKOÓ MUNGÚ nguna gunqareesiyé', Munguúín kudá' gaa ba/amis dír wakuuser'ín ar yaariire ar gaa harwet bihhe sleémeero.