DABE 4:6 - Biblía Axweesantá Hhohho' ar Mungú 2004

⁶ Dabeerí nee hara'ayaro oohaak, ka boo/esá', asma adoorí bara tlehhé', xoordaá hatlá' kaahirí birnga axaasiyé', inooín ngiri tsaahhiyá' adór kuungá' tar múk sagalooár koóm nee fuquraango, tari ooi, ‹Tí ar tsuwa ló' xooroorí ur sagalooa nee fuqurango ngi koná'.›

DABE 4:6 Iomraidhean Croise

1 WAAWITÁ 4:34

Múk xoordu sleémeero guri i daqaaqáy as sagalooarós kawa axamiisi, iimír waawituú yaamu sleémeero kudá' kángw sagalooár Solomon ngwaa axaasiye'.

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

WARA'AMI 111:10

Ilaiwa/amér AAKOÓ MUNGÚ an iimu/úngw sagalooa. Múk adoorí ga /iimiís sager'ín i gwa/át. Xirfuuwós in kumamiit kureerisleém.

WARA'AMI 19:7

Dabér AAKOÓ MUNGÚ i qoón, hee gu /uurií hanís. Axweesantá AAKOÓ MUNGÚ a ló', sagalooa ga hanmís dír kudá' ngi kooma'aaká.

WARA'AMI 19:8

Dabér AAKOÓ MUNGÚ i ganá', muuná gu qwal/atimís, hara'ayár AAKOÓ MUNGÚ i ganá', hee gu daharés.

AXWEESANOÓ SAGALOOA 1:4

As múk xu'uti wásl fuquraangw nguwa slay, nee masoomo iwa magaahhi nee xu'uti ngiwa slay.

AXWEESANOÓ SAGALOOA 1:5

Heé sagalooár koóm ngi axaasi, nee nguwa sagalooár i dok, nee oo xu'utír koóm iwa hardihi dír gurbu'utá gu fuqurángw i haniis.

AXWEESANOÓ SAGALOOA 1:7

AAKOÓ MUNGÚ kuwa ilaiwawa/i an iimu/úngw xu'uti. Ala múk daktana sagalooa nee naanaqto ngi waaqaaqaiyá'.

AXWEESANOÓ SAGALOOA 14:34

Xoorór hota ganaa' in iiatleeruúr, Ala tlakweema a qwanaay dír umuúqo heewo.

AXWEESANOÓ SAGALOOA 14:8

Sagalooár heé daharuú koóm a hotaawós gin aldakuut, Ala heé daktani daktu'uumarós gun al/agiín.

ISAYA 42:21

AAKOÓ MUNGÚ ina qwalaá/ as daanduú gana'aamuuwós, dabeerós gana iiatleereés nee gana xirfayeés.

YEREMIA 8:9

Mukhúng oo sagaloó' ku mureekees inooín naa sagaqwaariyé' nee kiri ohín nee tsaaxwel. Inooín axweesantá AAKOÓ MUNGÚ ngaa si'iyé'. Xáy daxta sagalooár inooín i kona' a gaalá?

ESEKIELI 5:5

«Anuú Aakoó MUNGÚ a kah, Aníng gixsár Yerusalemu a gixsár afhhamít tleéhh baraá yaamuwo, nee xoordaá hatlá' awa bihhe sleémeerowo ngiri slaiyá'.

DANIELI 1:20

Nee baraá umuúqo gaaro ar waawutmo ngiwa yaahamiisi ar sagalooa nee xu'utiro, inooín giri tsaáhh adór tara harwaaraáhh sagaáwa mibángw wa ale ta qwaslaareerós tidá' sleémeero nee da/aluuseero, kudá' sleémeero awa baraá waawuti'iimarós.

DANIELI 4:9

Aá Belteshasa, kuúnguduú qwaslaarmoó úr dír qwasleeriwo. Aníng a xuú' adór qeeruú munguiidá' hhohho' ir baraawók, nee a xuú' adór naaqór ta waagwetká ir káhh. Gaarí an tlataaeé', kuúng dir'eénií waagweerang.

HOSEA 8:12

Aníng tam hara'ayár kumér mibaangw a amor'ín i gooima, ala inooín kan harafaar adór gár xuaawasl.

MALAKI 3:12

Múk xoordu sleémeero kuungá' nuri tsaahh adór tundura tsuúq nee Aako, asma yaamuuhúng ki hhoohhoo' ló'wa alé. Anuú AAKOÓ MUNGÚ Aleesleemusmo tí ngina oó'.»

DABE 29:9

Gawaá adoorihe ilakaaharu tleehhaak alqadoorí kawa ota', as kahhó' kuungá' diihhooa kawa sleera' baraá gadiyeduuhúng sleémeero awa taqo tlehhita'a.

DABE 32:46

inooín giri báy, «/Aymi'iiká' sleémeero awa daa'angwí laarí naa dirhúng i daá', baraá munerhúng ti qase', nee na/iihúng ki hara'ayiindá', as kahhó' niwa ilakaahareesiya' axweesanoó dabeerí ooharo.

DABE 32:47

Dabeerí a tlooraá taworooká dirhunge, ala an slafingwhúng oo kilá'. Kuungá' nu hotaá tleerá' ar eér baraá yaamuudá' ta aalír eera' amoodár gayuú yaaér Yordani.»

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

Yakobo 3:13

Baraá tla/angwhunge heé sagalooár koóm nee oo xu'utír koóm i deéro? Ala bir deer, inós gár kuwa hariím in hoot ar hotaá hhohho', nee sagalooarós ngi laqan ar tlehhemi'i, ar tsatsa'areemaadá' baraá sagalooár dahhá'.