DABE 4:48 - Biblía Axweesantá Hhohho' ar Mungú 2004

⁴⁸ Yaamuuká' nina tlayé' iimír Aroerír wa ale afaá yaaér Arnoni ay tloomár Sirioni, tidá' ta bay Hermoni,

DABE 4:48 Iomraidhean Croise

WARA'AMI 133:3

A adór har'uú gawaá tloomár Hermonír wa paáhh, gawaá tlom'aá Siyonír i alé. Asma Siyoni an didá' AAKOÓ MUNGÚ tsuuqa ngiwa al'axweés ay alhhe'eesáy wasle.

DABE 2:36

Iimír gixsár Aroerír wa tleemu, tidá' gawaá gangeefír yaaér Arnonír i dirii', nee gixsadá' baraá tlapár i dirii', ay yaamaá Gileadiwo, gixsár taa harslaaqataán hayooharo tam ar wák i káhh. AAKOÓ MUNGÚ Munguúrén gixsaduuká' sleémeero ngina haniís gawaá dabaarén i ale.

DABE 3:12

«Qoomár yaamuudá' kiwa hayohaán, ina haniís dír tlahhoó Reubeni nee oo Gadi yaamuudaá bihhaá /iikuú wa tlawá' awa Aroeri isaapoó yaaér Arnoni nee tlaqtá yaamaá tlom'i awa Gileadi dinkwa nee gixsaduuwose.

DABE 3:8

«Gawaá adoorihe, qoomaadae yaamaá waawitaádá' tsár oo xoorór Amori, kuduú gayuú da/aáw oo yaaér Yordanír hoót, ina oohaán, iimír yaaér Arnonír wa tleemu ay tloomár Hermoni.

DABE 3:9

Múk Sidoni tloomadá' ngin babaya' Sirioni, nee múk Amori ngin babaya' tloomár Seniri.

DABE 4:49

dinkwa nee bihhaá da/aáw awa yaaér Yordani ay tlawtá Araba, alhhe'eesoó /etángw tloomár Pisga.