DABE 4:47 - Biblía Axweesantá Hhohho' ar Mungú 2004

⁴⁷ Yaamuuwós kina hayóh nee awa waawutmo Ogu oo Bashani. Waawitaáwí tsár oo xoorór Amori, nina waawuti'ii'iné' bihhaá da/aáw awa yaaér Yordanír wá ale.

DABE 4:47 Iomraidhean Croise

NEHEMIA 9:22

«Ina pa/aángwí hanís oo waawuti'iima nee xoorduwo kiwa arba/i, umuúqo bihhiiwo ina muruú yaariír i tléhh. Yaamaá Heshboni ngina arba/iyé' kudaá waawutmo Sihoni aa sawaawuti'ín. Sleeme yaamaá Bashani ngina arba/iyé' kudaá waawutmo Ogu aa sawaawuti'ín.

DABE 1:4

Adoorí gana tleéhh alaá AAKOÓ MUNGÚ waawutmo Sihoni oo xoorór Amori nguwa baál, kudá' gixsár Heshboni gaa hoot, nee waawutmo Ogu oo Bashani, kudá' gixsár Ashtaroti gaa hoot nee Edrei.

YOSHUA 24:12

Aníng xoorduudá' ngiri diwílí tleés, waawituú tsár oo xoorór Amori nguri tlatlahhaás ar diwíl, ala a ar paangaduhungeeká, laqaá ar ga/alduuhungeeká.