DABE 4:46 - Biblía Axweesantá Hhohho' ar Mungú 2004

⁴⁶ Kaangwí ina tleehharuút qoomaadá' tawa gayuú hatlá' oo Yordanírí dirii'i baraá xatstadár geeraá Bet-peori, baraá yaamuudá' aáng awa waawutmo Sihoni oo Amori, kudá' aa waawuti'in baraá gixsár Heshbonír wa ale. Mose inooín gina baál qoomár múk Israeli niwa baraá yaamaá Misrír wa ti'iít.

DABE 4:46 Iomraidhean Croise

NEHEMIA 9:22

«Ina pa/aángwí hanís oo waawuti'iima nee xoorduwo kiwa arba/i, umuúqo bihhiiwo ina muruú yaariír i tléhh. Yaamaá Heshboni ngina arba/iyé' kudaá waawutmo Sihoni aa sawaawuti'ín. Sleeme yaamaá Bashani ngina arba/iyé' kudaá waawutmo Ogu aa sawaawuti'ín.

FAARO 21:35

Naagáy xoorór Israeli Ogu guri gás, nee daaqaywós nee mukós sleémeero, tam heé taa máy gaasaro i kaahh tumu wák. Naagáy yaamuuwós ngiri hayoohiyé'.

FAARO 32:19

Atén nee inooín gár ta dinkwárí aalaan i káhh gayuú yaaér Yordaniro, asma atén yaamu iga slawaán gayuuwí wa ale, bihhaá da/aáw awa yaaér Yordani.»

DABE 1:1

Axweesantá taa gooín baraá kitaábuuwí a axweesantadá' Mose aa káh dír múk Israeli sleémeero, qoomár inooín tawa baraá darmuú bihhaá da/aáw oo yaaér Yordani. Inooín tawa baraá xatstá Yordani dír isaapoó Sufu, tla/ángw gixsár Parani nee gixsár Tofeli, nee Labani, nee Haseroti nee Disahabu.

DABE 3:29

«Naagáy tari diirií meetaán baraá xatstá geeraá Bet-peori.»

DABE 3:8

«Gawaá adoorihe, qoomaadae yaamaá waawitaádá' tsár oo xoorór Amori, kuduú gayuú da/aáw oo yaaér Yordanír hoót, ina oohaán, iimír yaaér Arnonír wa tleemu ay tloomár Hermoni.

DABE 34:6

AAKOÓ MUNGÚ Mose guri foól baraá xatstá yaamaá Moabu, tidá' ti ga/aawá' nee gixsár Bet-peori. Ala ay laarí heé /aantár Mose ga xuú' i kaahh.

DABE 4:45

Adoorí an adoodá' taa tleéhh, dabe nee hara'ayaadá' Mose aa hara'ayín dír múk Israeli qoomár niwa Misrír wa ti'iitiyé'.

DABE 4:47

Yaamuuwós kina hayóh nee awa waawutmo Ogu oo Bashani. Waawitaáwí tsár oo xoorór Amori, nina waawuti'ii'iné' bihhaá da/aáw awa yaaér Yordanír wá ale.

YOSHUA 12:1

Mukwí an waawituú baraá yaamuudií dirií', kudá' xoorór Israeli aa bál slaqwaraaro. Yaamuuín kiri aál nee xoorór Israeli iimír bihhaá da/aáw awa yaaér Yordani, ay duxuú Arnoni ay tloomár Hermoni, nee yaamu sleémeero awa bihhaá da/aáw awa Araba.

YOSHUA 24:12

Aníng xoorduudá' ngiri diwílí tleés, waawituú tsár oo xoorór Amori nguri tlatlahhaás ar diwíl, ala a ar paangaduhungeeká, laqaá ar ga/alduuhungeeká.