DABE 4:45 - Biblía Axweesantá Hhohho' ar Mungú 2004

⁴⁵ Adoorí an adoodá' taa tleéhh, dabe nee hara'ayaadá' Mose aa hara'ayín dír múk Israeli qoomár niwa Misrír wa ti'iitiyé'.

DABE 4:45 Iomraidhean Croise

1 WAAWITÁ 2:3

Hara'ayár AAKOÓ MUNGÚ, Munguúwók ooheek, loohirós na eehareek, kaahirós na ooheek, nee hara'ayarose, nee dabeerose, nee lamabu'uungose, adoodá' kara gooín baraá hara'ayár Mosewo. As kahhó' umuúqo gár ta tlehha iwa ya/aan nee amór taqo keera,

WARA'AMI 119:111

Adoodá' i babeer aalir'eé', dir'eene ka afhhamít, eeít, a qwal/amaayér muunaáeé'.

WARA'AMI 119:14

Axweesantók eeharto an saqwalalaá/, tam daqaari'iimár yaariir ba/a.

WARA'AMI 119:2

Múk amohhoó' a kudá' axweesantá Mungú ngi iialooeemisá', kudá' ngu leelehhiitá' ar muner'ín sleémeero.

WARA'AMI 119:22

Aníng /iisáng dír mukdá' án i /ooslislima nee oo i niqiima, asma adoodá' kuúng naa ó' aga óh.

WARA'AMI 119:24

Tidá' kuúng naa ó' an qwal/uueé', asma ina gurbu'uún.

WARA'AMI 119:5

Hotaaeé' masók i warqay'aaká diroge, ar adoodá' kaahirók i diri'.

WARA'AMI 119:7

Aníng kuúng un xirfayeemiís ar muunuú /awaák, as adoodá' ira intsaahhatís ar kaahirók tidá' ganaa'a.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:44

Gaarí an dabeedá' Mose aa haniís dír xoorór Israeli.

DABE 4:46

Kaangwí ina tleehharuút qoomaadá' tawa gayuú hatlá' oo Yordanírí dirii'i baraá xatstadár geeraá Bet-peori, baraá yaamuudá' aáng awa waawutmo Sihoni oo Amori, kudá' aa waawuti'in baraá gixsár Heshbonír wa ale. Mose inooín gina baál qoomár múk Israeli niwa baraá yaamaá Misrír wa ti'iít.

DABE 6:17

Tí na ló'wa harmagahhaak, dabér AAKOÓ MUNGÚ, Munguúhúng na ló'wa oohaak, nee lamabu'uungose, nee kaahirós tidá' naa hara'ayín.

DABE 6:20

«Deelór hardaha, na/iihúng burna yaahasiyé', ‹Lamabu'ungwí nee hara'ayaarí, nee dabeero, tí AAKOÓ MUNGÚ, Munguúrén naa atén i oó' gár ti babay a milá?›