DABE 4:39 - Biblía Axweesantá Hhohho' ar Mungú 2004

³⁹ Gimsé', laarí inslawaak nee baraá munerhúng ti qase' adór AAKOÓ MUNGÚ tar Mungú gawaá doori nee daanduú yaamu, Munguú hatlá' i kaahh.

DABE 4:39 Iomraidhean Croise

2 SAMUELI 7:22

Baraá muruudá' sleémeero taa axamamisani, kuúng Aakoó MUNGÚ tu úr, oo adór kuúng i kaahh, nee Munguú hatlá' i kaahh aqo har kuúng.

1 QOM'I 17:20

Aá AAKOÓ MUNGÚ, oo hatlá' oo adór kuúng i kaahh, Munguú hatlá' i kaahh, aqo har kuúng, ar adoodá' atén iaarene kara axaasani.

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

2 QOM'I 20:6

Iri firín ar afór ur iwa kaahi, «Aá AAKOÓ MUNGÚ, Munguú baabi'iirén, kuúng a Munguú gawaá doori, xoordu sleémeero in sawaawuti'iín, kuúng a /uuruú koón nee aleesleemu, slamí heé kuúng u tlaampa'aás i kaahh.

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 115:3

Munguúrén i gawaá doori, umuúqo gár i slai gan tleehh.

WARA'AMI 135:6

AAKOÓ MUNGÚ tidá' inós gwa sla'atis ga tleehh gawaá dooriwo, nee baraá yaamuwo, baraá tlawi nee iloowós sleémeero.

TI'INAANGW 8:10

Farao iri oó', «A matlo.» Mose iri oó', «A adoosíng kara ó'. Masók kuúng a xú' adór oo nee AAKOÓ MUNGÚ Munguúrén alqoomá' ir kaáhh.

ISAYA 1:3

Awu aakoowós gu xuu', nee daqwaay islángw aakoó dooín gu xuu'. Ala múk Israeli gu xuiiká, muk'eé' gár i tsatsahhan i káhh.»

ISAYA 43:10

AAKOÓ MUNGÚ i kaahi, «Kuungá' a lamabu'uuser'eé', nee sagadiyuuser'eé' ar naa tsawaár, as kahhó' aníng iwa xua' nee iwa haratlintia', nee kawa tsahha' adór aníng tar Mungú. Mungú geeraaeé' gaa haar i kaahh, nee sleeme oo ta aluueé' wa tleehhi i kaahh.

ISAYA 44:8

Ma da'ayumitaara' laqaá ma xurumitaara'. Xáy aníng kuungá' iimír geeraawo naa kaangwí bawiikáhe? Kuungá' a lamabu'uuser'eé'. Xáy Munguú adór aníng i deéro? Tlaa/ár hatlá' i káhh, aníng a xuaaká.»

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

HOSEA 7:2

Inooín tam tsaahhár niiná ngi kon'aaká, adór aníng tlakweemaaín ngir xuú', ala inooín kaa nagwaáhh nee tlakweemaaín badu sleémeero, tlakweemaaín sleémeero aníng i ga/áw.

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

DABE 32:12

an AAKOÓ MUNGÚ kilós nura geerahaár, nee munguú hatlá' oo inós gwa alee/iis i kaahh.

DABE 32:29

Barnaxes inooín geeraawo i fuqurángw kona'a, geera tí ngaa tsaahhiyé', nee alhhe'eesáy'ín ngwaa aldakutiyé', axáy a adoomá.

DABE 4:35

Kuungá' muruuwí una aandé' as kawa tsahha' adór AAKOÓ MUNGÚ, inós kilós tar Mungú, oo hatlá' i kaahh.

DABE 6:4

«Gimsé' iia qaasaak, kuungaá múk Israeli! AAKOÓ MUNGÚ an Munguúrén, AAKOÓ MUNGÚ inós kilós an Mungú.

DABE 7:9

Gimsé, xuaak AAKOÓ MUNGÚ, Munguúhúng, inós an Mungú, a Munguú inkihhimuú koóm, kudá' alqadoorós gaa oh nee sla'aarír warqawaaká gan laqaaqán ay qari sleémeero, dír mukdá' inós gu slaá' nee hara'ayaarós gaa oh.

YOSHUA 2:11

Kaangwí nguwa sa axaasaán gur'eerén ma'aay ngina dalaa/iyé', dír atene migi iri fák as kuungá'. Asma atén aga tsaahhaán adór AAKOÓ MUNGÚ, Munguúhúng tar Mungú, gawaá dooriwo nee baraá yaamuwo.

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.