DABE 4:38 - Biblía Axweesantá Hhohho' ar Mungú 2004

³⁸ Inós xoordaá /uuruú koomá' nee awa uren ta kuungae gina geeraahúng wa guús as kuungá' nuwa baraadá' i huwi as yaamuuín tawa koohúng, an adoodá' hám i dirii'iya' tam ay laarí.

DABE 4:38 Iomraidhean Croise

2 QOM'I 20:11

Hamí gár atén tira bu'uyé' a, atén tiwa guusiya' baraá yaamuudá' kuúng naa aténí hanisi tawa aalirén.

2 QOM'I 20:7

Aá Munguúrén, kuúng yaamuloouusér yaamuuká' aga guskáhe geeraá mukók oo Israeli wa ale, yaamu kiri xwaylár Abrahamu mulqumoowók i hanís as tawa kooín ay alhhe'eesay wasle.

FAARO 32:4

kuká' AAKOÓ MUNGÚ aa hayóh as múk Israeli, a yaamaá qawtantá hikwaá wa hhoo', ateékaá sagadiyuuseerók hikwa i koomaán.

FAARO 34:14

Múk tlahhoó Reubeni nee gur'ér maraá baabi'ii'ine nee tlahhoó Gadi nee gur'ér maraá baabi'ii'ine nee tlaqtá tlahhoó Manasewo yaamaá aalir'ín kaa sláy.

FAARO 34:15

Tlahhi'iiká' tsár nee tlaqtí yaamuuín awa aali kina sláy gayuú da/aáw oo yaaér Yordani, kudá' nee Yeriko ti ga/aawá' amoodá' tsee/amá niwa ti'imiiti.»

DABE 11:23

Daqaní AAKOÓ MUNGÚ, xoordu sleémeero gi geeraahúng wa guus, kuungá' aalír xoorduudá' /uureemaá koomá' ta kuungae kari hayota'.

DABE 2:31

«Aluuwo AAKOÓ MUNGÚ iri báy, ‹Ga/aaweek, waawutmo Sihoni nee yaamuuwós ngaa qaás gawaá dabaahúng i ale. Yaamuuwós i haratlawaak, nee ki koohúng tlehhá'.›

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.