DABE 4:35 - Biblía Axweesantá Hhohho' ar Mungú 2004

³⁵ Kuungá' muruuwí una aandé' as kawa tsahha' adór AAKOÓ MUNGÚ, inós kilós tar Mungú, oo hatlá' i kaahh.

DABE 4:35 Iomraidhean Croise

2 SAMUELI 22:32

«A heemá oo adór Mungú, aqo har AAKOÓ MUNGUÚHEÉKE? A heemá oo adór tlaa/ár amohhooa, aqo har Munguúréneéke?

2 SAMUELI 7:22

Baraá muruudá' sleémeero taa axamamisani, kuúng Aakoó MUNGÚ tu úr, oo adór kuúng i kaahh, nee Munguú hatlá' i kaahh aqo har kuúng.

1 WAAWITÁ 8:60

Daqaní múk baraakaá yaamu sleémeero gari tsaahh adór AAKOÓ MUNGÚ tar Mungú, oo hatlá' i kaahh.

2 WAAWITÁ 19:19

Hám daxta AAKOÓ MUNGÚ, Munguúrén, aníng kuúng un fiririím, ti ba/amis gawaá dakose, as daqaní waawituú baraakaá yaamu ngiwa tsaahhi adór kuúng tar AAKOÓ MUNGÚ, kuúng kilók.»

1 QOM'I 17:20

Aá AAKOÓ MUNGÚ, oo hatlá' oo adór kuúng i kaahh, Munguú hatlá' i kaahh, aqo har kuúng, ar adoodá' atén iaarene kara axaasani.

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 58:11

Muu iri ooi, «Ar looeemaawo bu'tuú heé ganaá' i deer. Ar looeemaawo Mungú i deer oo sakwasleemuút baraá yaamuwo.»

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

TI'INAANGW 8:10

Farao iri oó', «A matlo.» Mose iri oó', «A adoosíng kara ó'. Masók kuúng a xú' adór oo nee AAKOÓ MUNGÚ Munguúrén alqoomá' ir kaáhh.

TI'INAANGW 8:6

Naagáy Aroni hhartós gari looloqoós gawaá ma'aay sleémeero awa yaamaá Misri, aamaxupa niri ti'ít, yaamaá Misri giri tuuntúk.

TI'INAANGW 9:14

Asma qoomaarihe kuúng muxtar'eé' sleémeero u sleér, nee geeraharuuse nee mukók sleémeero, as kahhó' kawa tsahh adór oo nee aníng slaqmís ir kaáhh baraá yaamu sleémeero.

ISAYA 43:10

AAKOÓ MUNGÚ i kaahi, «Kuungá' a lamabu'uuser'eé', nee sagadiyuuser'eé' ar naa tsawaár, as kahhó' aníng iwa xua' nee iwa haratlintia', nee kawa tsahha' adór aníng tar Mungú. Mungú geeraaeé' gaa haar i kaahh, nee sleeme oo ta aluueé' wa tleehhi i kaahh.

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

ISAYA 44:8

Ma da'ayumitaara' laqaá ma xurumitaara'. Xáy aníng kuungá' iimír geeraawo naa kaangwí bawiikáhe? Kuungá' a lamabu'uuser'eé'. Xáy Munguú adór aníng i deéro? Tlaa/ár hatlá' i káhh, aníng a xuaaká.»

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

ISAYA 45:22

Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

ISAYA 45:5

Aníng a AAKOÓ MUNGÚ, Munguú hatlá' i kaahh Munguú hatlá' i kaahh aqo har aníng kilooeé'. Aníng kuúng ugwa /uurií doóg, tam handá' aníng iga xu'kahe.

Marko 12:29

Yesu guri báy, «Ar ak afhhamít a tí, ‹Iia qaasaak, múk Israeli, Aakoó Munguúrén, inós kilós an Aako.

Marko 12:32

Intsaahhatusmooduú hara'ayár Mose guri báy, «Intsaahhatusámo, tisíng taa ó' ar ló' nee i ganá' adór Mungú tar wak, oo hatlá' i kaahh, aqo har inós.

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

DABE 32:12

an AAKOÓ MUNGÚ kilós nura geerahaár, nee munguú hatlá' oo inós gwa alee/iis i kaahh.

DABE 32:23

Aníng amotlakwe an gawaaín i ufa tleéhh aníng i tlaquút ar maheerieé'.

DABE 32:39

«Gimsé' daxta tsaahhaak adór aníng kilooé' tar Mungú, Munguú hatlá' i kaahh, aqo har aníng kilooeé'. Aníng an kudá' tsu/uút nee kudá' slafmís, kudá' nor'omiís nee kudá' hungu/umiís. Nee baraá dabaaeene heé hee gu tuú/ i kaahh.

DABE 33:26

Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.

DABE 4:39

Gimsé', laarí inslawaak nee baraá munerhúng ti qase' adór AAKOÓ MUNGÚ tar Mungú gawaá doori nee daanduú yaamu, Munguú hatlá' i kaahh.

DABE 6:4

«Gimsé' iia qaasaak, kuungaá múk Israeli! AAKOÓ MUNGÚ an Munguúrén, AAKOÓ MUNGÚ inós kilós an Mungú.

DABE 7:9

Gimsé, xuaak AAKOÓ MUNGÚ, Munguúhúng, inós an Mungú, a Munguú inkihhimuú koóm, kudá' alqadoorós gaa oh nee sla'aarír warqawaaká gan laqaaqán ay qari sleémeero, dír mukdá' inós gu slaá' nee hara'ayaarós gaa oh.

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.