DABE 4:29 - Biblía Axweesantá Hhohho' ar Mungú 2004

²⁹ Baraá yaamuudaá kilae kuungá' AAKOÓ MUNGÚ, Munguúhúng kuri leelehhitá', nee kuungá' un sleerá' bura leelehhité' ar munerhúng sleémeero nee ar qeeremoohúng sleémeero.

DABE 4:29 Iomraidhean Croise

2 WAAWITÁ 10:31

Ala Yehu hara'ayár AAKOÓ MUNGÚ, Munguú múk Israeli gaa iialooeesiiká ar muunaáwós sleémeero, kitaangose inós loohidár Yeroboamu kudá' múk Israeli gwa qwaarees baraá tlakweema gana eehár.

2 WAAWITÁ 23:3

Waawutmo iri sihhiít dír bihhaá uhmo, al'axweesani gari qaás dír AAKOÓ MUNGÚ, ar AAKOÓ MUNGÚ nguwa eehari, nee hara'ayaarós ngiwa oohi, nee lamabu'uungós nee kaahirose ar muunaáwós sleémeero nee ar qeeruuwós sleémeero. /Ayma'aá taa gooín baraá kitaábuuduú alqado ngiwa eehari. Muu sleémeero al'axweesantadá' gari ya/án.

2 QOM'I 15:12

Inooín alqado ngiri qaasiyé' ar AAKOÓ MUNGÚ, Munguú baabi'ii'ín, nguwa leelehhiitiya' ar muner'ín sleémeero, nee ar qeereemooín sleémeero.

2 QOM'I 15:15

Múk Yuda sleémeero tana ló'wa qwalaá/, asma lo'o ngiwa /ayiyé' ar muner'ín sleémeero, asma Mungú nguna leeleehhiyé' ar muner'ín sleémeero, nguri slayé'. Inooín AAKOÓ MUNGÚ gay waydií haniís badu sleémeero.

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

2 QOM'I 15:4

Ala qoomár slahh'amuuine inooín niwa warqayé' amór AAKOÓ MUNGÚ, Munguú Israeli, nguri leeleehhiyé', inós ngway slayé'.

2 QOM'I 31:21

Umuú gadiyér aa qo tleehhi baraá doó Munguhe ar adoodá' dabe nee hara'aya ngir kat, as geeraharu'uumár Munguúwós ngiwa eehari, gadiyeé gana tleéhh ar muunaáwós sleémeero, nee gari aleesláy.

NEHEMIA 1:9

Ala barna ki/é' dir'eé', nee hara'ayar'eé' kari oté' nee kari eehadé', tam mukók kwaa diyaa/i ay baraá alhhe'eesoó yaamu, aníng i burumbuúr amoodá' wa alé, nee ngay huúw ay didá' aníng naa tsawaár ngiwa umueéní qaas.›

NEHEMIA 9:27

Aluuwo kiri qás gawaá dabaá wakuuser'ín, wakuuser'ín giri slahh'eemís. Ala qoomár tawa baraá slahh'eemisií dirii'i, kuúng una i /aa/iyé', kiri iiárií qás iimír gawaá doorí wa alé. Nee ar gurtleemuuwók kudá' yaariire geeraharuusér inooín gi tuu/ gawaá dabaá wakuuser'ine kari hanís, kingiri tuú/ gawaá dabaá wakuuser'ine.

WARA'AMI 119:10

Aníng kuúng u leelehhiít ar muunaáeé' sleémeero. Mi tawo mawaar hara'ayarók mawa geexáw.

WARA'AMI 119:145

Un i /aa/amiím ar muunaáeé' sleémeero, iiárií qaasáng, AAKOÓ MUNGÚ, daqaní aníng kaahirók a eehár.

WARA'AMI 119:2

Múk amohhoó' a kudá' axweesantá Mungú ngi iialooeemisá', kudá' ngu leelehhiitá' ar muner'ín sleémeero.

WARA'AMI 119:58

Hhooeemaawók ngi ló'wa firiím ar muunaáeé' sleémeero. Aníng gurtlawáng adoodá' kara ó'.

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 51:50

«Kuungáká panoó aa kotsqomiit tsu/utaaro, hám ti'iité', ma tligatligaara'! Tam bar baraá yaamaá saawá' i diriiá' AAKOÓ MUNGÚ inslaslawaak, nee gixsár Yerusalemu ma gunqareesara'.

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

AMOS 5:4

Kuungaá múk Israeli, AAKOÓ MUNGÚ nun babay, «Aníng leelehharé', daqaní a slafá'.

DABE 10:12

«Hám daxta kuungá' múk Israeli, AAKOÓ MUNGÚ, Munguúhúng gár i slai a milá dirhunge? Aqo har AAKOÓ MUNGÚ Munguúhúng un ilaiwawa/á', nee lohduuwós sleémeero kudá' i slai kiwa eehada', nee kuwa sla'a', nee AAKOÓ MUNGÚ, Munguúhúng kuwa sagadiyusa' ar munerhúng sleémeero, nee qeereemohúng sleémeero,

DABE 11:13

«Naagáy kuungá' hara'ayduueé' kuká' laarí ni hanmiis bira iialooesé', nee AAKOÓ MUNGÚ, Munguúhúng bura slaé', nee bura sagadiyusé' ar munerhúng sleémeero, nee qeereemoohúng sleémeero.

DABE 26:16

«Laarír kilá' AAKOÓ MUNGÚ, Munguúhúng nun hara'ayiyín, kaahirós nee dabeero kawa ota'. Gawaá adoorihe harmagahhaak ar ilakaahara ar munerhúng sleémeero nee qeeremoohúng sleémeero.

DABE 30:10

barnaxes kuungá' afór AAKOÓ MUNGÚ, Munguúhúng aga iiárií qasé', hara'ayaarós nee dabeerose kari oté', tidá' taa gooín baraá kitaábuuwuú dabe, nee barnaxes kuungá' AAKOÓ MUNGÚ, Munguúhúng ugwa i ki/é' ar munerhúng sleémeero, nee qeeremoohúng sleémeero.

DABE 6:5

AAKOÓ MUNGÚ, Munguúwók slaeek ar muunaáwók sleémeero, nee ar qeeruuwók sleémeero nee ar /uuruuwók sleémeero.

YOSHUA 22:5

Ala ló'wa ilakaahareesé' hara'ayár AAKOÓ MUNGÚ nee dabeerós kiwa ooha hhe'esa', tidá' Mose sagadiyusmoó AAKOÓ MUNGÚ nuwa hara'ayín iwa káh, ‹AAKOÓ MUNGÚ, Munguúhúng na sla'aak, tidá' i kaahi na tlehhiitaak, hara'ayaarós na oohaak, dirós i naga'ataak, nee sagadiyusaak ar mune sleémeero nee ar qeereemo sleémeero.› »

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»