DABE 4:24 - Biblía Axweesantá Hhohho' ar Mungú 2004

²⁴ Asma AAKOÓ MUNGÚ Munguúhúng a asltá /ayiim, inós a Munguú da/tá koóm.

DABE 4:24 Iomraidhean Croise

2 WAAWITÁ 24:20

Múk Yerusalemu nee oo Yudawo AAKOÓ MUNGÚ nguna ló'wa buhhtisiyé' giri hingeés dír geeraawose. Sedekia iri dee/anuút dír waawutmoó Babuloniro.

WARA'AMI 21:9

AAKOÓ MUNGÚ, kuúng binda hardát, in qwaarés ar asla. AAKOÓ MUNGÚ inós gin hhaamiis ar buhhtaawós, inooín asla giri fák.

WARA'AMI 78:58

Nguna buhhtamiisiyé' ar wa/ameedá' taa tleéhh as sluufoó slaqsa'aá mungui. Ngway dá/tár ayé' ar murslaaqatuú munguiidá' naa tleehhiyé'.

TI'INAANGW 15:7

Ar aleesleemuuwók kudá' yaariire waakuuseerók aga hhaamís. Inooín kiwa i búhh kiri daá/ adór hhaanslaá kaaharen.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

TI'INAANGW 24:17

Xirfuuduú AAKOÓ MUNGÚ a adór asltá gawaá ságw tloomár wa oh, slám ku geehhoó' dír múk Israeliwo.

TI'INAANGW 33:3

Ta hardatá' baraá yaamuudaá diíhhooár ilwa nee dane. Ala aníng nee kuungá' ti alkoomanaaká, asma kuungá' a múk sagegawdén, aluuwo aníng kuungá' nu baraá loohírí hhaamiís.»

TI'INAANGW 34:14

«Kuungá' munguaá hatlá' i sluufmisuú eera'aaká, asma AAKOÓ MUNGÚ kudá' umuuwós ta bay, ‹Oo da/tá koóm›, inós an Munguú da/tá koóm.

ISAYA 10:17

gwa/aateemaá Israeli nin asla tleehhitiyá', nee Kudá' Hhoohhoó' oo Israeli a tsángw asla. Tsángw asla fuquráy nee laqayaawose gin da/aa/án giri qororo'oos, baraá deelór wák i ale.

ISAYA 30:27

Ga/aawaak, AAKOÓ MUNGÚ ni amór saáw wa tláy. Aa daa/atúy buhhtaawo, nee quuír yaariire, afkós aa haáts xarasleemawo, nee tsifrangós a adór asltá /ayiim.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

ISAYA 42:8

Aníng umuueé' a AAKOÓ MUNGÚ, xirfuueé' u hanisaaká dír heé hatlá', laqaá xirfayemisuueé' u hanisaaká dír munguaá murslaaqat.

AMOS 5:6

AAKOÓ MUNGÚ leelehhaak, daqaní kuungá' a hotá'. Bar adooriheeká inós i pu/uut baraá doó Yosefu, adór asltá wa alé, nee nuri hhaamiis, tam heé nu /iís iri qwaar, baraá yaamuloouusér Beteliro.

NAHUMU 1:2

AAKOÓ MUNGÚ a Munguú da/usmo nee oo li/usmo, ga slaiiká munguú hatlá' kuwa sluufmiisi, AAKOÓ MUNGÚ i li/oó bu'ún, nee i xaaraasl kángw kilá' wa alé, AAKOÓ MUNGÚ li/aay gu buu' gawaá daanduú wakuseerós nee xarasleemawós gin amohhe'eemaamiis as wakuuseerós.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

SEFANIA 3:8

AAKOÓ MUNGÚ i kaahi, «Gawaá adoorihe aníng daamaré' ay bál nay sihhiit as xoordu ngiwa sakwasleemuut, asma aga tsabiím xoordu ngiwa burumbuur nee waawuti'iima ngiwa burumbuur, nee ngiwa buhhtaeéní ku'uus, xarasleema sleémeero awa buhhtaeé'. Asma yaamu sleémeero ki daa/ ar buhhtaaeé' kudá' da/tá koomá' adór asla.

FAARO 25:11

«Finehasi garmoó Eleasari, garmoó Aroni, kaahamusmoó Mungú, buhhtaaeé' gaa har óh dír múk Israeliwo. Baraá tla/angwhunge a inós kilós oo sla'aari aa tliwí/ adór aníng wa ale. An gár múk Israeli sleémeero ngusa hhaamisiiká buhhtaeene.

1 Korinto 10:22

Ahaá, atén aqo qitlána Aako kuwa buhhtisaan? Atén a ak /uuruú koomaána ta inose?

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

DABE 32:16

Inooín nguna dá/tár ayé' ar munguaá hatlá', ar tlehhmi'ii'ín kudá' slasla/arene nguri buhhtisiyé'.

DABE 5:9

«Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Munguú da/tá koóm. Kudá' li/oó tlakweemaá xwayliité' tidá' aníng i ahhiit gu dír na/ii'ín i buú' tam ay nángw sagaáwa tám laqaá ay tsiyáhh.

DABE 6:15

as AAKOÓ MUNGÚ Munguúhúng munduwa i buúhh, nee inós kuungá' munduwa amór saáwí fiíts gawaá daanduú yaamuwo, asma AAKOÓ MUNGÚ, Munguúhúng inósuuwí baraá tla/angwhúng i dirií' a Munguú da/tá koóm.

DABE 9:3

Xuaak, AAKOÓ MUNGÚ, Munguúhúng, inós laarí yaaér Yordani gan geeraahúng wa waaraahh adór asltá xaa'aá /aay. Inós mukdá' gun hhaamiis, guri geerahúng wa baal. Gawaá adoorihe, in gusá', kiri wa'aá wák ar hhaamisá', adoodá' AAKOÓ MUNGÚ ngira al'axweés.

Ebrania 12:29

Asma ar ló', Munguúrén an asltá mura' sleémeero gu /aay.