DABE 4:21 - Biblía Axweesantá Hhohho' ar Mungú 2004

²¹ Ala AAKOÓ MUNGÚ, Munguúhúng aníng iri i buúhh, lo'o gari /aáy, yaaér Yordani a waarahhaaká amór yaamuudá' hhoohhoo' ni kuungá' i haniisi as tawa daqaari'iimarhúng.

DABE 4:21 Iomraidhean Croise

FAARO 20:12

Ala AAKOÓ MUNGÚ Mose nee Aroni giri báy, «Asma kuungá' aníng iga haratlinti'ii'iiká laqaá hhohhoaarir'eé' aga laqaandi'iiká dír geeraá múk Israeli sleémeero, daxta kuungá' mukwí u dahasa'aaká baraá yaamuudá' naa lo'ór wa /aáy ngiwa inooín i haniis.»

DABE 1:37

AAKOÓ MUNGÚ sleeme aníng iri i buúhh as kuungá', iri oó', ‹Tam kuúng Móse a datká baraá yaamuudá'.

DABE 12:9

Asma aga dati'iiká didá' tawa hungu/usa, nee baraá yaamuudá' ta ala', kudá' AAKOÓ MUNGÚ, Munguúhúng, nuy haniisi.

DABE 15:4

«AAKOÓ MUNGÚ, Munguúhúng kuungá' nu ló'wa tsuuq baraá yaamuudá' ni kuungá' i haniisi as kiwa ala'. Slám baraá tla/angwhunge heé narkuút i kaahh tumu wák,

DABE 19:10

as heé dakuúsár koomaaká mukuwa gaás baraá ayaahúng kudá' AAKOÓ MUNGÚ, Munguúhúng ni dír kuungá' i haniisi, nee gawaá adoorihe kuungá' nuri dakuúsár tsu/utár áy.

DABE 19:3

Kuungá' loohi an tlehhá' nee yaamuudá' AAKOÓ MUNGÚ, Munguúhúng na kuungá' i haniisi as tawa aalirhúng, kiri qasisá' baraá daqooroó tám as umuú heewo oo hee gwaa pa/aayór wa gaas iwa gowi amoodií ale.

DABE 20:16

«Ala baraá gixsadudaá yaamuudá' AAKOÓ MUNGÚ, Munguúhúng naa haniís kiwa ala', umuúqo gár hiinsla ma slafíngwí mawaara'.

DABE 21:23

Tuuarós makawa máy iwa gawaá xa'anoó wa gu' xweeraawo, ala aqo an folá' baalaadár kilá'. Asma umuúqo heé taa tarereé' gawaá xa'ano a heé taa lu'ús nee Mungú, nee kuungá' yaamu mi meeta gaasara', kudá' tinda haniís nee AAKOÓ MUNGÚ, Munguúhúng, as tawa aalirhúng.»

DABE 24:4

naagáy hhawaatuuduú geera /ameenidá' ngiwa inki/i tawa male hareerós i hariindaaká, asma kaa qaroó meetagaás. Adoorí biringa tleéhh, dír AAKOÓ MUNGUHE a gár tlaakw. Gawaá adoorihe yaamuudá' AAKOÓ MUNGÚ, Munguúhúng naa kuungií haniís as kiwa ala' mi tlakweemár awaara'.

DABE 26:1

«Alaá bara hardaté' baraá yaamuudá' AAKOÓ MUNGÚ, Munguúhúng ni kuungá' i haniisi as kiwa ala', nee tari baraadá' wa hotá',

DABE 3:26

«Ala aníng tina i buúhh nee AAKOÓ MUNGÚ as kuungá', iiárií qaasaro iri sií', kitaangose iri báy, ‹A ido! Ma male ki/aar axweesantisinge.

DABE 31:2

inooín giri báy, «Aníng hám daxta kureeri ngi koom a tsiiru nee mibeeri tsár, nee /uuruú nir gadiyuus daxta aa faák. Slám AAKOÓ MUNGÚ iga báy, ‹Kuúng yaaér Yordani a waarahhká.›