DABE 4:2 - Biblía Axweesantá Hhohho' ar Mungú 2004

² Hara'aya ma doogara' daanduú tí naa dír kuungá' i ooi, laqaá dír tí naa ooi tam ar wák ma /aareesara'. Hara'ayár AAKOÓ MUNGÚ Munguúhúng tidá' aníng naa kuungií oó' ooharo harmagahhaak.

DABE 4:2 Iomraidhean Croise

WARA'AMI 78:7

As inooín Mungú kuwa harahhifor'ín i qaasi, tlehhma'aá Mungú mingiwa gunqareesiyé', ala hara'ayaarós ngi oohiye'.

AXWEESANOÓ SAGALOOA 30:6

/Aymu mu doogaar dír /aymuudá' inós aa ooi As muwa iigahhaát, kuúng tari lamusmo tleehhít.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

YEREMIA 26:2

«Anuú AAKOÓ MUNGÚ a kah, ‹Sihhiít baraá matla/ángw Doó AAKOÓ MUNGÚ, múk gixsár Yuda kudá' baraaká' wa sluufmamiís kaangwí ti o', muruuwí sleémeero naa kuúng báw, ti o', tam ar wák ma mawaar ooaro.

Matayo 5:18

Án a kah, looeemaawo, ay dír doori nee yaamu i waarahhiya', ala gooír niina adór afkú laqwa laqaá tam ar ló'wa niina ta afkú laqwto ar baraá hara'ayaárií dirii' i baloó waarahhká ay dír sleémeero kay boo/eesi.

Matayo 5:43

«Aga axasé' adór tara káh, ‹Inslaawmoowók slaeek, nee wakusmoowók na aahheek.›

Galatia 3:15

Hháe, án slaqsoó wák ngun oó' oo baraá slafingwrén oo umuúqo daqisleém. Múk tsár bira al'axweés, heé al'axweesantadá' ga sií' laqaá ga warqeés i kaahh.

DABE 1:3

Slahhángw mibaá nee wak tawa wak, oo kurkú mibeeri tsiyáhh alaá tawa yaamaá Misrír wa ti'iít, Mose umuúqo gaaro ar AAKOÓ MUNGÚ aa dirós i hara'ayín, gana dír múkwí oó'.

DABE 12:32

«Umuú gár naa kuungá' bawi ti harmagahhe' kawa tlehha' ar ilakaahara, ala ma gaa doogara', laqaá ma /aaresara' baraá hara'ayaarihe.»

DABE 13:1

«Barnaxes aarusmo naa ti'iít tla/angwhunge, laqaá heé tlatitiím, nee oo laydaá tlehhiít, laqaá muruú waa/oo/amór dimbadimbé,

DABE 33:4

Mose tina ádbáy dabe kawa iialooeesaan, tawa adór aalír slahhaa' dír dinku'uumarén ar Yakobowo.

DABE 4:14

Qoomaadae AAKOÓ MUNGÚ aníng ina ádbáy, kuungá' nuwa intsaahhatis dabe nee hara'aya sleémeero tidá' hariim kuungá' kawa eehada' baraá yaamaá tay hotaá eera'.

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

DABE 4:5

Gimsé', aníng kuungá' naa intsaahhatís kaahi nee hara'ayaro adoodá' AAKOÓ MUNGÚ, Munguúhúng aníng ira ádbáy, as hara'ayaarí kuungá' kawa harmagahha' ooharo baraá yaamaá tay dahmaá eera' as kiwa ala'.

DABE 5:29

Hám geera a tsiní barnaxes i meetiyá' gawaá inslawaydá' aníng iwa ilaiwawa/iya', nee hara'ayar'eé' ngiwa oohiya' umuu daqto. Geera muruuín sleémeero oo ta tlehhiiti iri ganaa' umuú daqto dir'ine nee dír na/ii'ine ay alhhe'eesay wasle.

DABE 5:32

«Kuungá' masók ti harmagahhá' nee adoodá' AAKOÓ MUNGÚ Munguúhúng naa hara'ayín kawa tlehha', baraá kaahirose ma bihhií paranga/aara'.

YOSHUA 1:7

Gimáy piíhh nee ilakaahareés ló'wa ale, nee dabe sleémeero na boo/eeseek adoodá' sagadiyusmooeé' Mose ngira kuúngí hara'ayín. Ma warqawaar laqaá ma bihhií paslaar, daqaní arba/ati a sleér amór taqo keera.

YOSHUA 8:35

Baraá axweesanaydá' Mose aa gooini tam /aymuú wák oo Yoshua aa soomusiiká i kaahh dír múk Israelírí ale dinkwa nee /ameenaaro nee na/iiwo nee hoomaadá' baraá tla/angw'ín hoota.