DABE 4:13 - Biblía Axweesantá Hhohho' ar Mungú 2004

¹³ Inós kuungá' nuri alqadorós báy, as kiwa ota', an hara'ayduuwós kudá' mibaangw taa gooín gawaá tlaa/eedá' tsárawa parereehhayen.

DABE 4:13 Iomraidhean Croise

1 WAAWITÁ 8:9

Gár hatlá' ar baraá sandakmoodá' i káhh aqo tla/eedá' parereehhayen, kudá' Mose aa baraadí qaás amór Horebu wa alé, didá' AAKOÓ MUNGÚ múk Israeli nguwa alqadoorós i oó', qoomár inooín niwa baraá yaamaá Misrír wa ti'iitiyé'.

WARA'AMI 119:4

Mungú, kuúng tina hara'ayarók i hanís, as kawa oohaan ar inkihhimu.

TI'INAANGW 19:5

Hám daxta kuungá' bar axweesanay'eé' ugwa iialooesé' nee alqador'eé' aga oté', daqaní kuungá' a muk'eé' oo aalir'eé' baraá tla/ángw xoordaá hatlae, asma tam xoordaá hatlá' sleémeero sleeme a kwe'eé'.

TI'INAANGW 24:12

AAKOÓ MUNGÚ Mose guri báy, «Qwaláng amor'eé' gawaakaá tlooma, daqaní aníng parhheemaá tlaa/e, kudá' naa hara'aya nee dabeérí gooiím ngi haniís as múk Israeli intsaahhasa ngiwa slay.»

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

TI'INAANGW 34:1

AAKOÓ MUNGÚ Mose guri báy, «Tlaa/aá parereehhayen awa tsár tleehheek awa slaqás nee kudaá geera, daqaní aníng axweesantadá' baraá tlaa/eedá' parerhhayenií dirii', kudá' kuúng taa giqeér, a baraá kwisíng i gooiím.

TI'INAANGW 34:28

Mose iri gawaadá' wa iwiwiít dinkwa nee AAKOÓ MUNGÚ deelo mibeeri tsiyáhh tlaatla/aangw nee xweeraawo. Mose muruú /ayma gu /a/ayiiká nee ma'aay gi wahahanká, nee inós /aymi'iidá' alqado giri gooín gawaá parhheemoodá' tsár awa tlaa/e. Gár taa gooín an hara'ayadaá mibaangw awa Mungú.

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

2 korinto 3:7

Hara'ayaadár Mose kana gooín gawaá parhheemaá tlaa/e, nee qoomár hara'ayaadá' kingiwa huúw, xirfuú Mungú iri geehhooúy. Xirfuudá' tam a xirfuú gaanslár waaraahha, ala tam adoorihe múk Israeli gitsee/aá Mose i qaytsitaro kaa aleeslayká as adoodá' gitsee/aawós iwa qwiirii/iya'. Ala hara'ayaadár gooi, tidá' gadiyeérós gwa'arár huwahuuw barnaxes xirfuú úr oo adór kwí gun koón,

DABE 4:12

Aluuwo AAKOÓ MUNGÚ iri axweés dirhúng baraá tla/ángw asltadá' wa ale. Axweesantós ana axasé', ala inós kuungá' ugwa aandi'iiká, afoorós kilós ana axasé'.

DABE 4:14

Qoomaadae AAKOÓ MUNGÚ aníng ina ádbáy, kuungá' nuwa intsaahhatis dabe nee hara'aya sleémeero tidá' hariim kuungá' kawa eehada' baraá yaamaá tay hotaá eera'.

DABE 5:22

«Kaangwí an axweesanaydá' AAKOÓ MUNGÚ naa dír dinku'uumarhúng sleémeero wa axweés ar afór ur gawaá tloomár wa ale, baraá tla/ángw asltá wa ale, nee baraá huunki nee baraá ma/amír aa qipit, tam axweesantá aa doók i káhh. Axweesantí gari gooín gawaá tlaa/eedá' tsár awa parereehhayen ngiri dir'eéní haniís.

Ebrania 9:4

Baraadae kitángw ilahhooa i deer oo taa tleéhh ar sahaábu. Kitaangwí kun ilahhooár mooyángw tsuú í da/aa/an. Gár hatlá' baraadane a sandakmooduú alqado, oo taa ninkiriíts ar sahaábu umuúqo barto. Muruú baraá sandakmoowí a sirwír taa tleéhh ar sahaábu, tidá' muruudá' ta babay maána gu koom, nee hhartá Aroni, tidá' naa harma/, nee tlaa/eedá' tsár awa taa axweesantá alqadór i gooín.