DABE 4:12 - Biblía Axweesantá Hhohho' ar Mungú 2004

¹² Aluuwo AAKOÓ MUNGÚ iri axweés dirhúng baraá tla/ángw asltadá' wa ale. Axweesantós ana axasé', ala inós kuungá' ugwa aandi'iiká, afoorós kilós ana axasé'.

DABE 4:12 Iomraidhean Croise

TI'INAANGW 19:9

AAKOÓ MUNGÚ Mose guri báy, «Ga/aaweegáy aníng ni hardáh amoorók i ale ar baraá huunkír iiloo', as kahhó' xoorór Israeli iwa axas qoomár án nee kuúng bar axweesaán, as umuú daqto uwa haratlintii'iya'.» Aluuwo Mose tidá' muu aa káh gari oó' dír AAKOÓ MUNGÚ.

TI'INAANGW 20:22

AAKOÓ MUNGÚ Mose guri báy, «Xoorór Israeli ka beer, ‹Kuungaá kilá' aga axasé' aníng niwa dirhúng i axweés iimír gawaá doorí wa alé.

ISAYA 30:21

Baraá loohiro bar papaaslá' bartá doó basáy laqaá ar doó /iyáy, afo aqo axasá' amór aluuhúng ar kah, «Loohi a tí, loohirí nar oohaak.»

ISAYA 40:18

Xáy, Mungú nee heemá ki slaqamisi? Xáy heé kur qoomes a heemá?

ISAYA 40:3

Afo i tseeamiín baraá darmuú alé, i kat, «Loohír AAKOÓ MUNGÚ amohhe'eesaak poohoó loohi gan'asaak baraá xaanxaywo as Munguúrén.

ISAYA 40:6

Afo i kat, «Kaangwí tsee'eek.» Aníng niri oó', «Aníng gár ni tsee' a milá?» Iri beér, «Muu sleémeero a adór gitso. Nee hhohhoaarir'ín sleémeero a adór /ayór baraá qamu.

FAARO 12:8

Gawaá adoorihe aníng nee inós an axweemaamisaán ar afe, nee ar geehhooeema, nee sleeme ar axweesantá bo/eeká. Inós slaqsay'eé' anuú AAKOÓ MUNGÚ guna ár. Gawaá adoorihe, asma waáy kuungá' sagadiyusmooeé' Mose musa qitlé' kaantiingo?› »

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Matayo 3:3

Asma Yohanewí an kudá' kangós taa axweés nee aarusmo Isaya iwa kaahi, «Afór hee iiárií qaasaak ar tseeamiim baraá darmuú wa ale, ar kah, ‹Loohír Aako amohhe'eesaak, nee waarahhmawós gan'aasaak.› »

DABE 10:4

AAKOÓ MUNGÚ axweesanoó adór kuduú geera guri gawaá tlaa/eedá' parereehhayenií gooín, hara'aydudá' mibaangw, kudá' aa káh bál iwa gawaá tloomár wa axweés, baraá tla/ángw asla. Aluuwo AAKOÓ MUNGÚ tlaa/eedá' parereehhayen ngiri haniís.

DABE 4:11

«Naagáy, qoomaadae nina tsewuuré', tari sihhité' dír gamuú tloomaadá' asla iwa gáwtí tsa/aán ay doori, ar taa tuuntuúk nee giwti nee huunkoó bó/.

DABE 4:13

Inós kuungá' nuri alqadorós báy, as kiwa ota', an hara'ayduuwós kudá' mibaangw taa gooín gawaá tlaa/eedá' tsárawa parereehhayen.

DABE 4:15

«Gawaá adoorihe, ti harmagahhe', ma gunqarutara' baldá' AAKOÓ MUNGÚ iwa axweés nee kuungá' didár tloomár Horebúr wa ale baraá tla/ángw asla, kuungá' ugwa aandi'iiká adór i dirii'i. Gawaá adoorihe ti ló'wa harmagahhe'.

DABE 4:33

Xáy muu afór Mungú gana qoo axaási iwa axwés dír tla/ángw asltá wa aleeró, adoodá' kuungá' kara axasé' handá' tari slafé'?

DABE 4:36

Afoorós ana axasé' gawaá doorí ale as kuungá' nuwa intsaahhatisi. Baraakaá yaamuwo kuungá' asltá ur kawa aanda' nee axweesantós dír tla/ángw asltadá' wa ale.

DABE 5:22

«Kaangwí an axweesanaydá' AAKOÓ MUNGÚ naa dír dinku'uumarhúng sleémeero wa axweés ar afór ur gawaá tloomár wa ale, baraá tla/ángw asltá wa ale, nee baraá huunki nee baraá ma/amír aa qipit, tam axweesantá aa doók i káhh. Axweesantí gari gooín gawaá tlaa/eedá' tsár awa parereehhayen ngiri dir'eéní haniís.

DABE 5:4

AAKOÓ MUNGÚ nee kuungá' ana dír tloomár wa axwesé' ar afe adór hee nee kuqá'. Inós kuungá' nuna i axweés baraá tla/ángw asltá wa ale.

DABE 9:10

Naagáy aluuwo AAKOÓ MUNGÚ parhheemaá tsár awa tlaa/e ngiri haniís, awa aa diitsarós ar gooín. Gár taa gawaadá' i gooín a axweesani sleémeero ar AAKOÓ MUNGÚ aa baraá asltá wa káh dír mukdá' aa burumburiit dír gamuú tlooma.

Kolosai 1:15

Kristo an slaqsoó geehhoó' oo Munguúdá' geehhooeeká. Inós an na/oó baris dír Munguhe baraá mura' sleémeero kudá' taa tleehhi.

Ebrania 12:19

nee slám afór tarumbeéta, nee afór axwees. Tam mukdá' axamiís iri firín as afoodá' mindiwa malé ilawáts amor'ínií alé.