DABE 4:1 - Biblía Axweesantá Hhohho' ar Mungú 2004

¹ Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:1 Iomraidhean Croise

WARA'AMI 105:45

as kaahirós kawa oohi, nee dabeerós kawa eehari. AAKOÓ MUNGÚ xirfayeemisaak!

WARA'AMI 119:4

Mungú, kuúng tina hara'ayarók i hanís, as kawa oohaan ar inkihhimu.

TI'INAANGW 18:20

Nee inooín in intsaahhatimís kaahír Munguhe, nee adoodá' i slai, nee in xu'utís adoodá' kiwa hariím hotaawo nee tlehhtuuwo.

YEREMIA 11:6

AAKOÓ MUNGÚ iri báy, kaangwí alki/iteek baraá gixsadaá Yuda sleémeero nee baraá lohdaá Yerusalemuro. Inooín ki beer, «Axweesantír alqado iiárií qaasaak nee ka boo/esá'.

ESEKIELI 11:20

as kuungá' daber'eé' kawa eehada', nee tidá' naa káh kawa ilaiwa/a', kuungá' tari muk'eé', aníng tari Munguúhúng.

ESEKIELI 20:11

Ina kaahir'eéní i haniís ngiri intsaahhatís daber'eene, tidá' handá' hee birnga eehár in hoot.

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

ESEKIELI 36:27

Qeeruueé' nguri baraahúng i qaás, nee nuri intsaahhatís daber'eé' kawa eehada' nee kaahir'eé' kari iialooeesá'.

ESEKIELI 37:24

Sagadiyusmooeé' Daudi inooín gin sawaawuti'ín, eeít, kiri de'én nee de'eemusmoó wák. Inooín daber'eé' ngin harmagaahhiyá' nee kaahir'eé' ngin oohiyá'.

TLAHHOÓ LAÁWI 18:5

Gawaá adoorihe daber'eé' na oohaak nee kaahir'eene as tawa hota'. Aníng an AAKOÓ MUNGÚ.

TLAHHOÓ LAÁWI 19:19

«A hariima hara'ayar'éé' kawa ilaiwawa/a: Hikwawók mindiwa laqwaliyé' ar makaá hatlá'. Baraá qaymooroge dahaasíngw daa'aweemaá tsár mu dahaasaar. Tlawuú taa tleéhh ar muruú daa'awemaá tsár mu tsiitaar.

TLAHHOÓ LAÁWI 19:37

A gár hariim daber'eé' kawa ota', nee kaahir'eé' kawa eehada'. Aníng an AAKOÓ MUNGÚ.»

TLAHHOÓ LAÁWI 20:8

Daber'eé' oohaak, nee kawa eehada'. Asma aníng an AAKOÓ MUNGÚ kudá' kuungá' nu hhoohhooeemiís.

TLAHHOÓ LAÁWI 22:31

«Gawaá adoorihe hara'ayar'eé' an otá' nee an tlehhá'! Aníng an AAKOÓ MUNGÚ.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Rumi 10:5

Asma Mose ina gooín daanduú gan'amuudá' ta slaslay ar hara'aya kawa eeharahari, iri oó', «Heé adoodá' hara'aya i kat ga tlehhiít, inós i hoot ar adoodá'.»

DABE 1:3

Slahhángw mibaá nee wak tawa wak, oo kurkú mibeeri tsiyáhh alaá tawa yaamaá Misrír wa ti'iít, Mose umuúqo gaaro ar AAKOÓ MUNGÚ aa dirós i hara'ayín, gana dír múkwí oó'.

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 11:1

«Gawaá adoorihe AAKOÓ MUNGÚ, Munguúhúng sla'aak, nee alqaduuwós oohaak umuú deelooro, nee hara'ayarose harmagahhaak, nee kaahirose nee dabeerose.

DABE 11:32

Ti ló'wa harmagahhe' kaahi nee hara'ayaro sleémeero boo/esa' ar ilakaahara, nee tidá' aa oó' handá' aníng laarí nga dirhúng i qaás.»

DABE 13:1

«Barnaxes aarusmo naa ti'iít tla/angwhunge, laqaá heé tlatitiím, nee oo laydaá tlehhiít, laqaá muruú waa/oo/amór dimbadimbé,

DABE 16:20

Muruú ganaá' kilós na ló'wa harmagahhaak kuwa tleehhi as kahhó' tawa hota' baraá yaamaá AAKOÓ MUNGÚ, Munguúhúng ni haniisi.

DABE 30:16

Barnaxes hara'ayár AAKOÓ MUNGÚ, Munguúwók aga ilaiwá/, tidá' laarí ni kuúng babaw, kuúng AAKO MUNGÚ Munguúwók kuri slá', loohirós kari eehát, kaahirós kari ót, nee dabeerose, nee hara'ayarose, kuúng daqaní a hót tari doogiín. Nee AAKO MUNGÚ, Munguúwók, kuúng turi tsuuq baraá yaamuudá' tay hotaá eer as kiwa al.

DABE 30:19

Aníng laarí doori nee yaamu i ateét tawa lamabu'uuse adór aníng slafiingw nee gwa'araro, nee tsuuqa nee lo'ooro ngira dír geeraahúng i qaás tawa tsawdiinda'. Gimsé' slafiingw tsawaraak, kuungá' nee na/iihunge, as tawa hota'.

DABE 30:20

AAKOÓ MUNGÚ, Munguúhúng sla'aak, nee afoorós iialooeesaak, nee inós i naga'ataak. Asma adoorí bara tlehhé' an slafingwhúng nee an hotaahúng awa tleerá' baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng Abrahamu, nee Isaka nee Yakobo.»

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

DABE 4:45

Adoorí an adoodá' taa tleéhh, dabe nee hara'ayaadá' Mose aa hara'ayín dír múk Israeli qoomár niwa Misrír wa ti'iitiyé'.

DABE 4:8

Laqaá xoorór ur tam ar wák i káhh ar kaahi nee hara'ayár ganaa' ar adór tí ga koom, tí aníng naa dirhúngí intsaahhatís laarí.

DABE 5:1

Mose múk Israeli guna dinkwárí burumbuúr, guri báy, «Kuungá' múk Israeli, kaahi nee hara'ayaarí iiárií qaasaak, tí laarí ni dír geerahúng wa kah. Tí intsaatsahhaak nee ka boo/esá' ar inkihhimu.

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

DABE 6:1

«Gaarí an hara'aya nee dabe nee kaahi tidá' AAKOÓ MUNGÚ, Munguúhúng aníng iwa ádbáy, kuungá' nuwa intsaahhatis, as kuungá' kawa tlehha' baraá yaamuudá' kuungá' tay hotaá eera'.

DABE 6:24

Naagáy AAKOÓ MUNGÚ atén tina hara'ayín, dabeerí sleémeero kawa iialoeesaan nee AAKOÓ MUNGÚ, Munguúrén kuwa ilaiwawa/aan as atén awa kilá' hotaá hho' kiwa slawaan, nee as kahhó' atén tiwa de'en umuú daqto adoodá' tira de'én tam ay laarí.

DABE 7:11

Gawaá adoorihe ti harmagahhe' hara'ayaarós nee dabeerose, nee kaahirós tidá' aníng naa kuungií hara'ayiím laarí na iialooeesaak.

DABE 8:1

«Hara'ayaarí naa dirhúngí hara'ayiím ooharo harmagahhaak, as kuungá' daqaní hota kiwa sleera' nee tawa tlahha', nee daqaní ta datá' baraá yaamuudá' AAKOÓ MUNGÚ aa lo'ór wa /aáy dír baabi'iihúng.

DABE 8:11

«Ti harmagahhe' AAKOÓ MUNGÚ, Munguúhúng mu gunqareesara' as hara'ayaarós kawa meera' ooharo, nee dabeerose nee kaahirose, tí laarí aníng naa kuungá' i hara'ayiím.

DABE 9:1

«Aá xoorór Israeli, kuungá' iia qaasaak, laarí kuungá' aga naka/é' yaaér Yordani kawa waarahha', as yaamaá xoorduudá' uren nee awa /uureemaá koomá' ta kuungae kiwa ala'. Kudá' gixsaduuín ló'wa uren, nee koo/ír gixsaduuín ka tlet ay gawaá doori.

YOSHUA 3:9

Aluuwo Yoshua múk Israeli guri ateét, guri báy, «Qwalaas tseewuwaaré', axweesantá AAKOÓ MUNGÚ, Munguúhúng, i kaahi iiárií qaasaak.»