DABE 34:9 - Biblía Axweesantá Hhohho' ar Mungú 2004

⁹ Yoshua garmoó Nuni i haats qeeruú sagalooaro, asma Mose guna dákwí qaás. Gawaá adoorihe, múk Israeli Yoshua guri ilaiwawaá/, nee hara'ayaadár AAKOÓ MUNGÚ tidá' aa Mósé hara'ayín, ngiri eehariyé'.

DABE 34:9 Iomraidhean Croise

1 WAAWITÁ 3:12

gawaá adoorihe, ga/aaweek, adoodá' kuúng ta sla' ngi tleéhh, muunuú sagalooa nee fuquraangw ngi haniís, geeraawoge heé adór kuúng i kaahh, tam aluuwoge heé sihhiít oo adór kuúng ga áw i kaahh.

1 WAAWITÁ 3:9

Gawaá adoorihe, anuú sagadiyusmoowók sagalooár i haniisáng as qaa/oó mukók nguwa tlaaq, muruú hhó' nee oo tlákw nguwa paraatl. Asma a heemá heé muruú mukók kwí yaariír gu aleesláw tlaquuwo?»

2 WAAWITÁ 2:15

Eeharuuseedár aaruuse kudaá Yeriko, Elisha nguwa ariyé', tari oó', «Qeeruú Eliya i gawaá Elisha i dirii'.» Naagáy ngway al'ayé' niri tumbarara'atiyé' dír geeraawós i aleero.

2 WAAWITÁ 2:9

Tawa hardáh gayuduú hatlae Eliya Elisha guri báy, «Gimáy gár ta sla' ooang dír aníng tira ar tlayká diroge.» Elisha iri oó', «Masók aleesleemuú qeeru oo adór kók kwisíng un sagaáwa tsár wa sláw.»

1 QOM'I 29:23

Aluuwo Solomon kitangwduú waawuti'iima oo AAKOÓ MUNGÚ gway óh daanduú baabuúwós Daudi wa alé. Inós an waawutmoó ado gaa aleeslay nee múk Israeli sleémeero iri iialooeés dirose.

TI'INAANGW 12:28

Múk Israeli tari tláy, adoodá' AAKOÓ MUNGÚ Mose nee Aroni ngira hara'ayín ngiri tleehhiyé'.

TI'INAANGW 28:3

Kuúng mukdá' tlaba' tlehhtuuwo gi baál ádbaweek, kudá' aníng naa fuqurángwí haniís, Aroni ngu tlabií tleehhiye' as kuwa paraatli as gadiyér'eé' ar kahamuusi'iima.

TI'INAANGW 31:3

Aníng ugwa hatsiís qeeruueene as aleesleemu nguwa slay, nee fuquraangw, nee xu'uti, nee umuúqo gadiyeede ngiwa aleeslay,

ISAYA 11:2

Qeeruú AAKOÓ MUNGÚ i gawaawós i iwiit, qeeruú sagalooa nee oo tsaahha, qeeruú hara'aya nee oo aleesleemu, qeeruú xu'uti nee oo AAKOÓ MUNGÚ nguwa ilaiwawa/i.

DANIELI 6:3

Alaá deelór niinawe Danieli kuri tsaáhh tawa heé inkihhimuú koóm baraá gadiyeede ta ak mukduú hatlá' sleémeero, kudá' taa geeraharu'uumár wa qaasi, asma Danieli inós a heé hhoó'. Gawaá adoorihe waawutmo guri slaá' nguwa waawuti'iima sleémeero ii haniisi.

FAARO 11:17

Aníng ni yaamií aweér, aníng nee kuúng nari axweesaán, nee qeeruudá' naa dirók i haniís un bahh ar tláw nguri dir'ín i haniís. Inooín nee kuúng mukwí ku al'amohhe'eemisá', huwaarí ma kilók loohisaar.

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

Tlehhema'aá ya/Abuuse 6:6

Mukwi kuri sihhitís geeraá ya/abuuse, kuri aleefirín, kuri dabaaínií qaás.

DABE 34:8

Múk Israeli iri tsuunqumiís as gwa'arár Mose har afiqoomár deelór mibeeri tám baraá yaamaá xatstá Moabu wa ale. Naagáy, deelór tsuunqumis iri fák.

Kolosai 2:3

Sagalooár Mungú sleémeero nee xu'utirós sleémeero i baraá Kristo i dirí'.

1 Timoteo 4:14

Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariise uwa dákw i qás. Ala aleesleemuusíng mu mawaar kuwa ar gadiyus.

1 Timoteo 5:22

Hee dákw i qaasaro ma gaanslimaar. Slám tlakweemaá múk hatlá' mi eeharaar. Kuúng kumiít baraá hhoohhooariro.