DABE 34:7 - Biblía Axweesantá Hhohho' ar Mungú 2004

⁷ Qoomár Mose iwa gwaá' kureeriiwós a tsiiru nee mibeeri tsár, ilaawós naa giwi'iiká, nee inós /uuruuwós sleeme aa faakiiká.

DABE 34:7 Iomraidhean Croise

IIMU/UUNGW 27:1

Isaka iwa dín, nee ilaawós naa tampuutiyé', Esau garmaawós oo úr guri amoorós i ateét, guri báy, «Garmaaeé'.» Inós iri oó', «Aníng a diirí.»

IIMU/UUNGW 48:10

Ilaá Israeli naa tampuutiyé' asma uraay, ala tam arto gaa aleeslayká. Kiri amoorós i huúw, inós giri ma'amiís, nee giri gawaá da/ewaawós i óh.

YOBU 5:26

Kuúng an hotaatiín, diimaay uri daahh, aqo adoodá' balaangw ir hamdaaditi kway buu'.

WARA'AMI 92:15

Kan alki/iit adór AAKOÓ MUNGÚ ir gan'amuú kón, inós an tlaa/ar'eé', baraawose al/ayma i káhh.

TI'INAANGW 7:7

Qoomár Mose tawa axweés nee Farao kureeriiwós a mibeeri dakaát, nee awa Aroni a mibeeri dakaát nee tám.

Tlehhema'aá ya/Abuuse 7:23

«Kureeri mibeeri tsiyáhh ngiwa áy, kwasleema gari tsaát baraá muunaáwose hhaeewós kudaá Israeli ngiwa qaytsuú ay.

Tlehhema'aá ya/Abuuse 7:30

«Kureeri mibeeri tsiyáhh niwa waarahhiyé', kuri i hardáh nee malaykamoó Aako baraá darmuú tloomár Sinai, ar asltá gawaá kitkiintír wa oh.

Tlehhema'aá ya/Abuuse 7:36

Kwí an kudá' inooín nga duux, layu gina tlehhiít nee muruú waa/oo/amór koóm baraá yaamaá Misriro, nee baraá tlawtá Shamú wa ale, nee baraá xaanxaay, ar har kureeri mibeeri tsiyáhh.

DABE 31:2

inooín giri báy, «Aníng hám daxta kureeri ngi koom a tsiiru nee mibeeri tsár, nee /uuruú nir gadiyuus daxta aa faák. Slám AAKOÓ MUNGÚ iga báy, ‹Kuúng yaaér Yordani a waarahhká.›

DABE 34:8

Múk Israeli iri tsuunqumiís as gwa'arár Mose har afiqoomár deelór mibeeri tám baraá yaamaá xatstá Moabu wa ale. Naagáy, deelór tsuunqumis iri fák.