DABE 33:8 - Biblía Axweesantá Hhohho' ar Mungú 2004

⁸ Daanduú tlahhoó Laáwiwo ina oó', «Múk tlahhoó Laáwi tlaa/eedaá Tumimu nee Urimu, kudá' sla'aarirók kar tsatsahhan haniseek, dír kudá' inkihhimuú koomá', kudá' taa iiara'át dír Masár wa ale, kudá' kuúng taa xuuxú' ar looeema dír ma'aá Meribaro.

DABE 33:8 Iomraidhean Croise

2 QOM'I 23:6

Heé hatlá' miwa dáh baraá Doó AAKOÓ MUNGÚ, aqo har kaahamuusér Mungú kilós, nee múk Laáwi kudá' baraadá' wa gadiyuús. Kudá' dahma ngi aleeslayá' asma inooín ki hhohho'. Ala múk hatlá' sleémeero dabér AAKOÓ MUNGÚ ngi iialooeesi.

ESRA 2:63

ga/aawusmo giri báy, inooín i harina'aaká muruú /aymaadá' hhohhó' nguwa /ayiya' ay dír kaahamusmoó Mungú nay hardihi ado ngiri oo' ar loohír Urimu nee Tumimu.

ESRA 8:28

Aníng inooín ngiri báw, «Kuungá' tunda paraátl as AAKOÓ MUNGÚ nee xooslaarihe. Peésaarí nee sahaábuwo a muruú tinda haniís ar sla'aari as AAKOÓ MUNGÚ, Munguú baabi'iihúng.

NEHEMIA 7:65

Ga/aawusmo inooín gina ádbáy muruú /aymaadá' hhohhó' kuwa /ayiiká ay dír kaahamusmooduú Urimu nee Tumimu i sihhiiti.

WARA'AMI 106:16

Baraá xafaywo muu Mose guri da/itá wa ár, tam Aroni, kudá' hhoohhoó' oo AAKOÓ MUNGÚ.

WARA'AMI 16:10

Asma, AAKOÓ MUNGÚ, kuúng aníng i baloó meeraaká baraá gi'ií alé, a ya/aandaaká heewók oo hhoohhoó' iwa hhitiruuti.

WARA'AMI 81:7

Qoomár slahh'amaayeero ina atét, uri ba/amís, una mu/aywaáts baraá lu/aaroó mankarto, una iiár dír ma'aá Meribár wa ale.

TI'INAANGW 17:7

Didaádá' Mose gari umií tsát gari bay «Masa» nee «Meriba» asma xoorór Israeli AAKOÓ MUNGÚ guna i qununú/ nee guna iiara'át i kaahiya', «Aqo tsuwa lóe, AAKOÓ MUNGÚ iqo tsuwa dinkwa nee aténe?»

TI'INAANGW 28:30

Kuúng gawaá tlakwayduú da/eewowo tlaa/eedá' ta bay urimu nee tumimu ki baraadá' i qás, ni tarereamiitiye' gawaá da/eewaá Aroni wa ale, umuúqo bar ni amor'eé' káy. Qoomár barni amor'eé' káy tlakwaydá' munguwa baloó máy dahaasaro, as kahhó' gár aníng ni slaa' tleehhamooro daanduú xoorór Israeliro ngiwa tsaahhi.»

TI'INAANGW 28:36

«Daqaní parereehhamtá sahaábu hhohhó' ka tléhh ar adór laya nee /aymi'iiká' ki gooiín gawaadá' i ale, awa kaaha', ‹Gaarí kaa paraátl as AAKOÓ MUNGÚ.›

TLAHHOÓ LAÁWI 21:7

Kaahamusmoó Mungú kwaa paraátl as Munguúwós, /ameenír tsaatuso'o ló' mingiwa duúx, laqaá dasír nee hhawaata taa alqaat, laqaá ar hhawaatuuwós naa talaákár i haniís.

TLAHHOÓ LAÁWI 8:8

Gawaá da/eewaá Aroniwo tlakoó da/eewo gway qaás, tlaa/eedá' ta bay Urimu nee Tumimu giri baraadií qaás.

MALAKI 2:6

Hara'ayár ló' i baraá afkós, tam al/ayma i káhh baraá afkose. Ina hi'iimiít dinkwa nee aníng ar wayda nee gan'amu, nee awa yaariir nay warqayé', tlakweema ngay mayé'.

FAARO 16:5

Kora nee mukós kudá' gwaa eehari giri báy, «Matlo matlaatle, AAKOÓ MUNGÚ heewós ngu laqán, nee axáy a heemá oo hhoohhoó', nee a heemá oo i pa/aángwí haniisi oo inós gu i tseewúw, kudá' aa tsawaár an kudá' gu i tseewúw.

FAARO 20:13

Gaarí an ma'aá Meriba, didá' múk Israeli iwa qununuú/ dír AAKOÓ MUNGÚ, nee inós tiri dir'ín i laqán ar hhohhoaarirós baraá tla/angw'ine.

FAARO 20:24

«Aroni i gwaa', i dahiiká baraá yaamuudá' ni dír múk Israelírí haniis, asma kuungá' tsaraawo hara'ayar'eé' ana sié' baraá Meribaro.

FAARO 27:21

Yoshua, kaahamusmoó Mungú Eleasari guri yaahamiis sla'aarir'eene. Asma Eleasari sla'aarir'eé' ga tsaahh ar loohír tlaa/anoodá' ta bay Urimu. Ar loohír /aymuú Eleasari i slaya, Yoshua nee múk Israeli sleémeero ngin geeraharahaar qoomár bar ta darah, laqaá bar ta ti'imiit.»

FAARO 35:8

Baraá faarór gixsadaá xoorór Israeli aa ali, awa ta haniisi dír tlahhoó Laáwi, masók i alqoná' nee faarór múk tlahhaay. Tlahhoó muu yaariír gixsadaá yaariir kin haniis. Umuúqo tlahhoó muu niiná gixsadaá i haniisi ki niina. Umuúqo tlahhaywo baraá gixsaduuín kudá' taa aali tlahhoó Laáwi kun qáy ar adoodá' gixsaduuín i dirii'iya'.»

DABE 6:16

«AAKOÓ MUNGÚ, Munguúhúng mu iiaraara' adoodá' kura baraá Masár wa iiadé'.

DABE 8:16

Slám inós an kudá' kuungá' naa /aymiis maánaro qoomár tawa baraá xaanxaay, muruú /aymaadá' baabi'iihúng ta baloó xuiiká. Adoorí gana tleéhh as kuungá' nuwa niinaweesi, niwa iiari as nuwa xuxuui, nee alhhe'eesaywo nuwa hhooeemáy tleehhi.

DABE 9:22

«Slám kuungá' AAKOÓ MUNGÚ, Munguúhúng una baraá Tabera wa buhhtisé', nee Masa, nee Kibrot-hata'afa.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.

1 SAMUELI 28:6

Saulo AAKOÓ MUNGÚ guna firín gawaá daanduú tihe, AAKOÓ MUNGÚ gwaa mu/aywatsiiká ar loohír tlata laqaá ar iso nee ar aaruuse.