DABE 33:3 - Biblía Axweesantá Hhohho' ar Mungú 2004

³ Looeemaawo mukós guna slaá', inós mukós sleémeero oo hhohhó' gun de'én. Gawaá adoorihe inooín digiruuwós gun eeharahariyá', nee hara'aya ngin dirós wa slaslayá'.»

DABE 33:3 Iomraidhean Croise

WARA'AMI 31:15

Slafingw'eé' sleémeero i gawaá dabaawógí dirii', án tu/áng dír waakuuser'eene, kudá' aníng i /aytima'a!

WARA'AMI 47:4

Inós yaamaá atén ta aalaan ngina tsawaár, yaamaá diihhoo' awa múk Israeli, kudá' aa slaá'.

WARA'AMI 50:5

«Muk'eé' kudaá inkihhím burumburaare', Kudá' alqadu ngaa dir'eéní tleehhiye' ar ilahhooár muruú ta tsu/i.»

AXWEESANOÓ SAGALOOA 2:1

Garmaaeé', bar axweesante'eé' bar aga ót, nee bar hara'ayduueé' iga alhoorés,

DAHARUSMO 9:1

Tí sleémeero aníng ana aldakuút ngay tsaáhh, tlehhma'aá múk sageeloén nee kudá' hota ganaá' Mungú gin geeraharahaar. Tlehhma'aá sla'aari laqaá awa aahhi hee gi xuiiká. Umuú gaaro dir'ine a tawór huwisha.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 31:3

AAKOÓ MUNGÚ tina amór saáwá laqán i kaahi, Aníng kuúng una ló'wa slaá' ar sla'aarír alhhe'eesay wasl. Gawaá adoorihe aníng an kumamiít tiwa inkihhím diroge.

YEREMIA 32:40

Aníng alqadór alhhe'eesay wasl an tleéhh nee inooín, as kahhó' inooín ngiwa baloó mawaaká hhooeemáy tlehhtuuwo, nee muunuú aníng iwa ilaiawawa/iya' un baraaíní qaás, as kahhó' aníng miwa malé si'iyé'.

HOSEA 11:1

Israeli kuwa niiná una slaá', garmaaeé' kwí ngway ateét niwa Misrír wa ti'iiti.

MALAKI 1:2

AAKOÓ MUNGÚ i kaahi, «Aníng kuungá' naa slaá'.» Ala kuungá' a kata', «Adór tira slá' a adoomá?» AAKOÓ MUNGÚ i kaahi, «Ahaá, Esau a hhiyoó Yakobowookáhe? Aníng Yakobo ugwa slaá',

Matayo 23:2

«Intsaahhatuusér hara'ayár Mose nee múk Farisayowo taa iwiít gawaá kitángw Mose as hara'ayaarós kawa alki/iiti.

Luka 10:39

Inós i hho'ór koón, umuuwós a Maria. Maria ina iwít dír Aako, as axweesantós ngiwa axamis.

Luka 2:46

Alaá deelo tame kuri baraá Doó Mungú wa sláy, aa tla/ángw intsaahhatuusér i iwiít, gi iiárií qamín nee gin yaahamiis.

Luka 8:35

Aluuwo muu iri tláy as kangwdá' aa tleehharuut kuwa artá ay. Tawa hardáh dír Yesu, heedaáduú neetlaame kawa hingeés kuri didií áy, i dír geeraá Yésú wa iwiiwiit, i tlabaawós kón nee fuquraangose. Tari da'ayuút.

Tlehhema'aá ya/Abuuse 22:3

«Aníng a heé Yahudi. Tina laqwaál Tarsór wa ale, gixsár yaamaá Kilikia. Ala ana baraá gixsarír Yerusalemúr wa uráw, baraá dabaá Gamalieli, án ina intsaahhatimís daanduú hara'ayár baabi'iirene. Tari heé ilakaahaár daanduú Munguhe adoorí kuungá' sleémeero ti diria' laarí.

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

DABE 4:37

Asma inós baabi'iihúng gina ló'wa slaá'. Inós kuungaásaá xwaylar'ín nuna tsawaár, inósuú kilá' nuri baraá Misrír wa duúx ar /uuruuwós kudá' úr.

DABE 6:1

«Gaarí an hara'aya nee dabe nee kaahi tidá' AAKOÓ MUNGÚ, Munguúhúng aníng iwa ádbáy, kuungá' nuwa intsaahhatis, as kuungá' kawa tlehha' baraá yaamuudá' kuungá' tay hotaá eera'.

1 Tesalonike 1:6

Nee adór atén tara hootaán, kuungá' kari eehadé'. Gawaá adoorihe tari eeharuusér Aako tleehhité'. Kuungá' slahha'amaayér yaariir ana sleeré'. Ala tam adoorihe axweesantadá' ana ilaoté' ar qwala/, tidá' Qeeruú hhoohhoó' oo Mungú naa haniís.

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

1 Yohana 4:19

Atén Mungú un sla'aán, asma inós atén tina slaá' geerií ale.

1 SAMUELI 2:9

«Inós mukós oo hhohhó' gun de'én, ala tlakuuse gan kwaahh baraá giwti, asma heé /uuruuwo baaliím i kaahh.