DABE 33:28 - Biblía Axweesantá Hhohho' ar Mungú 2004

²⁸ Gawaá adoorihe, múk Israeli iri saxareemár hoot, xwaylár Yakobo gár ga daawitis i káhh dír yaamaá balaangw nee difaái, yaamaá doori i har'ií paahhamisiya'.

DABE 33:28 Iomraidhean Croise

IIMU/UUNGW 27:28

Mungú har'uú doori ngu haniisi, hhapér hho' ngi haniisi, balaangw nee difaáiro ni hamaariye'.

IIMU/UUNGW 27:37

Isaka iri oó', «Yakobo ugwa waawutmoowók tleéhh, nee hhaeewós iga haniís tawa sagadiyuuseerós. Ugwa balángw i haniís nee difaáiro. Gár uy tleehh daxta garmaaeé'?»

IIMU/UUNGW 27:39

Naagáy Esau kuri báy nee Isaka baabuúwós, «Hotaangók ku saáw dír hhapér hhoe, nee kuúng tu saáw dír har'uú dooriwo.

1 WAAWITÁ 5:5

Ga/aaweek, aníng do' u tleehhamór wa slaá' as umuú AAKOÓ MUNGÚ, Munguúeé' adór AAKOÓ MUNGÚ, baabuúeé' Daudi ngwaa báy, iwa kaahi, ‹Garmaawók kwí ni qaas gawaá kitaangók an heé do' gu tleéhh as umuueé'.›

WARA'AMI 68:26

«Mungú diidi'iimisaak baraá boo/oó ure, AAKOÓ MUNGÚ xirfayeemisaak, kuungá' sleémeero awa xwaylár Israeli!»

TI'INAANGW 33:16

Asma adór ir xu'utit adór aníng kuúng ira gurií bá/ barnaxés kuúng a dinkwa nee ateneeká? Kuúng bar dinkwa nee atén daqaní atén a múk dimbé baraá tla/ángw muu sleémeero oo daanduú yaamuwo.»

AXWEESANOÓ SAGALOOA 19:12

Buhhtaá waawutmo a adór /orootlór diraangw, Ala hhooeemaawós a adór har'uú baraá tsaaráy.

AXWEESANOÓ SAGALOOA 3:20

Inós iloo gina ka'amiís ar xu'utirós. Tam huunkáy sleeme i har'uú paahhamiis.

ISAYA 48:1

Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 33:16

Deeloodae yaamaá Yuda ki ba/amis, nee awa Yerusalemu i hootiyá' ar saxareema. Gixsarí umuuwós kuri bay, ‹AAKOÓ MUNGÚ an gan'amuurén.›

YEREMIA 49:31

Tlawsé', haratlawé' amór xooroodá' diihhooár ar hoot nee ar saxareemár hoot. Anuú AAKOÓ MUNGÚ tí ngina oó'. Xooroorí i afér gixsadaá koondaaká, laqaá hhaftuú muqsla, inós a xoorór kilós hoot.

ESEKIELI 34:25

Aníng nee inooín alqadór wayda ngiri qaasaán. Aníng makaá xaraaslá' in faák baraá yaamuwo as bee/angw'eé' iwa baraá darmú xatsoó wa hooti ar amohhooa, nee iwa gui baraá sla/atá wa ale.

SEKARIA 14:11

Muu iri baraá gixsár Yerusalemúr wa hoot, asma lo'ór daadáw i káhh, muu iri hoot ar saxareema.

SEKARIA 8:12

Asma didae wayda i deeruut, sabiíbu /ar'i giri slaslaax, yaamu sleeme bu'uungw'ín ngu duuxiyá' nee tluwaay iri tluuw, aníng mukwí aa meet un muruuwí sleémeero i haniís as nguwa aaliya'.

FAARO 23:9

Asma aníng inooín ina iimír gawaá sagér tla/ú wa ár, inooín ina gawaá sagér gongoamaá wa ár. Xoorór kilós hoot, xoorór ti harafaditaaká tawa alqon nee xoordaá hatlá'.

DABE 11:11

Ala yaamaá tay hotaá eera' a yaamaá tlom'i nee xatso, ma'aay baraá yaamuudae adór kir slay a tluwoó dooraá daáhh.

DABE 12:10

Ala qoomár yaaér Yordani barnaxes aga waarahhé', nee tari hotá' baraá yaamaá AAKOÓ MUNGÚ, Munguúhúng, i kuungá' i haniisi, nee qoomár burna hungu/uús, kuungá' mutunduwa dawitamiís nee wakuuserhúng sleémeero, tidá' kuungá' naa harwet, as kuungá' tawa hota' ar amohhooa,

DABE 32:2

Intsaahhasar'eé' masók i tlúp adór tluwaay, axweesante'eé' i páhh, adór har'uú wa ale, adór tluwoó baáf baraá gitso, adór ilaá tluwaay awa paahhá' baraá loo/ór dutlutluu/.

DABE 32:8

Qoomár kudá' úr oo gáwtí dirií' xoordu ngiwa aalir'ín i haniís, qoomár inós muu nguwa qasiís, digeemi gina qaás awa muu, adoodá' faarór na/aá Israeli i diri'.

DABE 33:12

Daanduú tlahhoó Benyaminiwo ina oó', «Sla'aaruusér AAKOÓ MUNGÚ. Inooín tan hoot ar amohhooa dirós wa ale, Munguú Gáwtí dirii' tlatla/aagw sleémeerowo gin harwediit nee sla'aarusmooín iri baraá tla/angw'ín wa hoot.»

DABE 33:13

Nee daanduú tlahhoó Yosefuwo ina oó', «Yaamuuwós ki tsuuqi nee AAKOÓ MUNGÚ ar tsuuqaadá' hhoohhoo' awa gawaá dooraá dahhá', nee ar tsuuqaadá' baraá yaamaá dahhá'.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.