DABE 33:27 - Biblía Axweesantá Hhohho' ar Mungú 2004

²⁷ Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›

DABE 33:27 Iomraidhean Croise

IIMU/UUNGW 49:24

Tam adoorihe, ga/aleerós ka amohhoo', nee dabaawós sleeme i /uuruú slaslayá', ar aleesleemuú Munguú duú /uuruú koóm oo Yakobo, ar aleesleemuú umuú De'eemusmo, inós an Tlaa/ár Israeli.

WARA'AMI 102:24

Aníng AAKOÓ MUNGÚ u firiím, Aáko, aníng mi duwe hingeesaar. Kuúng an kumamít kureerisleém.

WARA'AMI 139:5

Aníng kuúng ina harwét alu nee geeraawo, dakók ugwa gawaaeé' qás as iwa baq.

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 27:5

Bál deelór slahh'amaayeero, inós i luu/ baraá xaftós i alé. Inós i tuuntuuk baraá guruú heémarós i alé, iri qaas dír saxamaár gawaá tlaa/a.

WARA'AMI 36:7

AAKOÓ MUNGÚ, sla'aarirók ar warqawaaká ka ló'wa xiríf, muu in gogoow baraá mahhtuú hhampe'eeriwók i alé.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

WARA'AMI 48:3

Mungú i baraá maraydaá gixsár i dirii', inós taa laqán tawa baqmór saxamaár.

WARA'AMI 55:19

Mungú iimír aange aa iwiít gawaá kitaangós oo waawuti'iima. Inós aníng i iiárií qaas, ala inooín giri hhartsúy, asma dabeerós ngaa mayé', nee ngu ilaiwawa/iaaká.

WARA'AMI 68:34

/Uuruú Mungú waahhaak, inós a waawutmoó múk Israeli, aleesleemuwós aa hardáh ay doori.

WARA'AMI 71:3

Kuúng dir'eene masók a tlaa/ár ni gogoow nee baqmór'eé', nee adór koo/ír gawit ar aníng i ba/amis, asma an tlaa/ar'eé' nee baqmór'eé'.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

WARA'AMI 91:9

Asma an kat, «AÁKO, kuúng a dír guway'eé'». Munguúdá' gáwtí dirií' ugwa hotaangók tléhh.

TI'INAANGW 23:28

Aníng inooín in geerahúng wa diwilií tleés, as kahhó' mukduú Hifi nee oo Kana'ani nee Hitiro kiwa geerahúng wa tlatlahhasi.

TI'INAANGW 34:11

Hara'ayaarí laarí ni kuúng babaw harmagahheek! Ga/aaweek aníng xoorór Amori nee ar Kana'ani, nee ar Hiti, nee ar Perisi, nee ar Hifi, nee ar Yebusi an geerahúng wa tlatlahhaás.

AXWEESANOÓ SAGALOOA 10:25

Bambaao bira waaráhh heé tlaákw in qwaar, ala heé ganaá' in kumaamiit ay kureeraá kureér.

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

DAA'AANGW 2:6

Dakós oo doó basáy ngu sagw'eénár geeoohi, nee dakós oo doó /iyáy aníng i motsotsoqoosi.

ISAYA 25:4

Asma kuúng ana dír guwaay tleehhít dír narkutmoowo, ana koo/ír gawit tleehhít dír heé aa aleni oo baraá slahh'amu, ana dír guway tleehhít qoomár bambaaór xaraasla, nee ana mahhtí tleehhít qoomár siree/iro. Asma slahhtá múk tlákw i xarásl adór bambaaór fukukuú' gawaá koo/i.

ISAYA 26:4

AAKOÓ MUNGÚ na harahhifeek ay kureeraá kureér, asma AAKOÓ MUNGÚ, an tlaa/ár alhhe'esay wasl.

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 50:21

AAKOÓ MUNGÚ i kaahi, «Tlawsé' haratlawé' amór yaamaá Merataimu, nee haratlawé' amór yaamuloouusér Pekodi, tsu/uuté', ló'wa hhaamiisaak. Umuú gár naa ooi tleehhaak.

HOSEA 11:3

Aníng múk Israeli una intsaahhatís hi'iitanooro, anuú kilá' ina amohhe'eemiís ar dabaaeé', ala inooín ngaa xui'iiká adór ngira amohhe'eemiís.

MIKA 5:1

Ala daxta kuungá' múk Yerusalemu, ti haraki/ise' adór daqooroó slaqwara, asma gixsarhúng kaa harweér nee múk slaqwara. Inooín geeraharusmoó Israeli kun tlaaqarmo slaahh ar hhara.»

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

Luka 13:34

«Yerusalému, Yerusalému, kiíngadá' aaruusér tsu/a/iim, nee kudá' tinda amoorók ya/aáw kiwa tlaqwaqut ar tlaa/e. A sagaáwa magá' án mukók nguwa burumburtá wa slaa', adoodár koonki tsiioorós ngir burumburariin baraá hhaampi'iiwós, ala kuungá' aga ya/aandi'iiká.

Rumi 16:20

Nee Munguúduú wayduú hanmiís, inós kuungá' nu /uurií haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

Rumi 8:2

Asma hara'ayaadár Qeeruú Mungú, an tidár slafíngw huwahuuw. Hara'ayaarí baraá Kristo Yesuwo aníng iga gwét dír hara'ayaadár tlakweemaawo nee dír gwa'araaro.

DABE 7:2

Slám qoomár AAKOÓ MUNGÚ, Munguúhúng birnga haniís gawaá dabaahúng mukdá' kway balé', ku hhaamisá', al'axweesani tam ar niiná ma qaasara', nee inooín mi baloó gurtlawaara'.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

YOSHUA 24:18

Nee slám AAKOÓ MUNGÚ xoorduudá' sleémeero gina geeraarén wa tlatlahhaás, ín xoorór Amori, kudá' baraá yaamuuká' ngaa hootiye'. Gawaá adoorihe atén sleeme AAKOÓ MUNGÚ un sagadiyusaán, asma inós an Munguúrén.»

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

Geehhoeemaá 20:10

Nee Neetlaangw, kudá' muu gu al/agagiím, inós kuri kwaáhh baraá tlawtadá' asltá kiberíti iwa ohahiin. Diirí an didá' makiito'oodá' nee aarusmooduú lama sleeme i dirii'iya'. Inooín kiri slahh'eemiis tlaatla/aangw nee xweeraawo ay alhhe'eesay wasle.

1 SAMUELI 15:29

Slám Munguúduú xirfuú Israeli, lama ga ooiiká, tam i gwadidinká asma inós a heewooká.»