DABE 33:26 - Biblía Axweesantá Hhohho' ar Mungú 2004

²⁶ Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.

DABE 33:26 Iomraidhean Croise

WARA'AMI 104:3

Dír hotaangók ana tléhh daanduú ma'aydaá gawaá doori. Huunkáy un gaárirók tléhh, kuúng an fur'ár hi'iimít.

WARA'AMI 18:10

Iri tsa/án gawaá hhampa'aá keruúbi, ina fuuruú' ar /uuruú fur'a.

WARA'AMI 68:35

Mungú an kudá' dae tlaáq dirós tidá' hhoohhooe, an Munguú Israeli. Inós mukós gu /uurií hanmiis, nee aleesleemu. Mungú xirfayeemisaak!

WARA'AMI 68:4

Mungú i daa'aak, umuuwós xirfayeemisaak, loohír waarahhama geeraawós ti tlehhe', inós a kudá' baraá darmúr waaraáhh. Umuuwós a AAKOÓ MUNGÚ, baraa/é' dír geeraawós wa ale!

WARA'AMI 86:8

Baraá yaamuwo Munguú adór kuúng i kaahh, Aáko, tam tlehhma'aá adór tlehhmi'iiwók i kahhiyá'.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

TI'INAANGW 15:7

Ar aleesleemuuwók kudá' yaariire waakuuseerók aga hhaamís. Inooín kiwa i búhh kiri daá/ adór hhaanslaá kaaharen.

TI'INAANGW 8:10

Farao iri oó', «A matlo.» Mose iri oó', «A adoosíng kara ó'. Masók kuúng a xú' adór oo nee AAKOÓ MUNGÚ Munguúrén alqoomá' ir kaáhh.

TI'INAANGW 8:6

Naagáy Aroni hhartós gari looloqoós gawaá ma'aay sleémeero awa yaamaá Misri, aamaxupa niri ti'ít, yaamaá Misri giri tuuntúk.

ISAYA 19:1

Kaangwí a iigu'utuú Mungú aa laqán daanduú yaamaá Misriro. «Ga/aaweek, AAKOÓ MUNGÚ aa tsa/án gawaá huunkír inslaahh, i amór yaamaá Misrír káy, slaqsi'iidá' munguaá Misri niri dír geeraawós wá daaraxaatiyá', Gur'ér múk Misri ma'aay ngay dal/aná'.

ISAYA 40:18

Xáy, Mungú nee heemá ki slaqamisi? Xáy heé kur qoomes a heemá?

ISAYA 40:25

Kudá' Hhoohhoó' i kaahi, Xáy, heé ta aníngár qoomesa' a heemá? Xáy, heé adór aníng i deéro?

ISAYA 44:2

AAKOÓ MUNGÚ kudá' kuungá' naa tleehh, kudá' kuungá' naa buqumbuqun baraá guruú aayooro nee kudá' nu alee/iís, i kaahi, «Ma da'ayumitaara', kuungaá múk Yakobo, sagadiyuuser'eé', Yeshuruni kudá' aníng naa tsawaár.

ISAYA 66:8

Heé kángw adór kwí gwaa axaas dirhunge? Heé gár adór tí gaa ar dirhunge? Xáy, yaamu ki baalár wák tleéhhi? Xáy, xooro ka siwár wák i laqwaáli? Ala qoomár Siyoni gura' ngiwa sangw tsaát, daaqaywós guna adaá laqwál.»

YEREMIA 10:6

Aá AAKOÓ MUNGÚ, oo adór kuúng i kaahh tumu wák, kuúng tu úr, umuuwók i /uuruú kón.

HOSEA 13:9

Aá múk Israeli, án kuungá' nu hhaamiís, heé kuungá' nu tuú/ a heemá?

AMOS 8:7

AAKOÓ MUNGÚ lo'o gaa huúw as daara/ángw Yakobo, i kaahi, «Tiqá' Yakobo aa tleéhh dir'eene i baloó qwatká.

HABAKUKI 3:8

Aá AAKOÓ MUNGÚ, kuúng anaqo búhhi gawaá yau? Laqaá anaqo tláwtí búhhi? Qoomár tawa tsa/aán gawaá farsuuwók, nee tawa tsa/aán gawaá gaarduwók kudaá arba/ati.

DABE 10:14

Ga/aawaak, doori tam dooraá doori a daqaari'iimár AAKOÓ MUNGÚ, Munguúhúng, yaamu nee muruudá' sleémeero baraadá' i diriia a kós.

DABE 32:15

Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.

DABE 33:5

AAKOÓ MUNGÚ tari waawutmoó múk Yeshuruni, qoomár geeraharuusér muu iwa burumburít qoomár tlahh'aá Israeli niwa burumburitiyé'.

DABE 4:35

Kuungá' muruuwí una aandé' as kawa tsahha' adór AAKOÓ MUNGÚ, inós kilós tar Mungú, oo hatlá' i kaahh.